دو برطانوی شہری ایران میں گرفتار
اشاعت کی تاریخ: 14th, February 2025 GMT
برطانیہ کے دفتر خارجہ نے تصدیق کی ہے کہ دو برطانوی شہری ایران میں گرفتار کیے گئے ہیں۔
برطانوی میڈیا کے مطابق برطانوی دفتر خارجہ نے ایران میں ایک مرد اور ایک خاتون کی گرفتاری کی تصدیق کی ہے۔
گرفتاری کی خبر سب سے پہلے ایران کے سرکاری میڈیا نے دی، ایرانی میڈیا کے مطابق وہ جنوب مشرقی شہر کرمان میں حراست میں ہیں، گرفتار افراد پر غیر متعین سیکیورٹی الزامات عائد کیے گئے ہیں۔
ایرانی سرکاری میڈیا نے ان کے نام ظاہر نہیں کیے لیکن ایک تصویر شائع کی جس میں ان کے چہرے دھندلے کیے گئے ہیں۔
تصویر میں انہیں بدھ کے روز کرمان کے دفتر استغاثہ میں برطانیہ کے سفیر ہیوگو شارٹر سے ملاقات کرتے ہوئے دکھایا گیا ہے۔
برطانوی دفتر خارجہ نے برطانوی شہریوں کو ایران کا سفر نہ کرنے کا مشورہ دیا ہے اور کہا ہے کہ برطانوی اور دوہری شہریت رکھنے والے برطانوی-ایرانی شہریوں کو گرفتاری، تفتیش یا حراست میں لیے جانے کا “نمایاں خطرہ” لاحق ہے۔
.ذریعہ: Daily Mumtaz
پڑھیں:
نائب وزیرِ اعظم یو اے ای شیخ عبداللّٰہ بن زاید کی دفترِ خارجہ آمد، اسحاق ڈار نے استقبال کیا
اسکرین گریب
یو اے ای کے نائب وزیرِ اعظم و وزیرِ خارجہ شیخ عبداللّٰہ بن زاید دورے پر پاکستان پہنچ گئے۔
اماراتی نائب وزیرِاعظم و وزیرِخارجہ شیخ عبداللّٰہ بن زاید دفترِ خارجہ پہنچ گئے جہاں نائب وزیراعظم اسحاق ڈار نے ان کا استقبال کیا۔
نائب وزیرِ اعظم اسحاق ڈار نے کہا کہ معزز مہمان کو اپنے گھر میں خوش آمدید کہتا ہوں، خواہش ہے کہ آپ کا دورہ کامیاب ہو، بہت سے منصوبوں پر ہم مشترکہ طور پر کام کر رہے ہیں، پاکستان اور یو اے ای کے درمیان برادرانہ تعلقات ہیں۔
اماراتی نائب وزیرِ اعظم و وزیرِ خارجہ نے کہا کہ پر تپاک استقبال پر نائب وزیرِ اعظم اسحاق ڈار کا شکر گزار ہوں۔
ان کا یہ بھی کہنا ہے کہ پاکستان کے ساتھ تعلقات کو مزید مضبوط کریں گے، پاکستانی یو اے ای کی ترقی میں اہم کردار ادا کر رہے ہیں۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ