’آصفہ بھٹو عکسِ بے نظیر ہیں‘، خاتون اول کے ترک صدر کی گاڑی چلانے پر صارفین کے تبصرے
اشاعت کی تاریخ: 14th, February 2025 GMT
خاتون اول آصفہ بھٹوزرداری نے ترک صدررجب طیب ایردوان کے دورہ پاکستان پر ان کی گاڑی چلائی جس کی ویڈیو سوشل میڈیا پر وائرل ہو گئی۔
رجب طیب ایردوان آصفہ بھٹو کے ساتھ فرنٹ سیٹ پر بیٹھے جبکہ صدر مملکت آصف علی زرداری پیچھے والی نشست پر موجود تھے۔ آصفہ بھٹو نے یہ ویڈیو سماجی رابطوں کی سائٹ ایکس پر شیئر کرتے ہوئے لکھا کہ صدررجب طیب ایردوان کے دورے کے دوران ان کی گاڑی چلانا یاد گارلمحہ تھا۔
آصفہ بھٹو زرداری کا کہنا تھا کہ جب گاڑی چلا رہی تھی تو میرے ساتھ گاڑی میں 2 صدورتھے، یہ یادگارلمحہ کبھی نہیں بھولوں گی۔
An unforgettable moment driving President @RTErdogan during his visit to Pakistan.
— Aseefa B Zardari (@AseefaBZ) February 13, 2025
آصفہ بھٹو کی ویڈیو پر صارفین مختلف تبصرے کر رہے ہیں۔ ایک صارف نے لکھا کہ آصفہ بھٹو عکسِ بے نظیر ہیں، یہ بی بی کی سیاست کا دوسرا جنم ہے۔
آصفہ بھٹو عکسِ بے نظیر ہے بی بی کی سیاست کا دوسرا جنم ہے pic.twitter.com/e9o9Xzhmik
— Ali Raza Shaaf (@AliRazaShaaf) February 13, 2025
ڈاکٹر شمع جونیجو نے آصفہ بھٹو کی ویڈیو شیئر کرتے ہوئے لکھا کہ دنیا کو پاکستان کی جانب سے خواتین کے حقوق اور ان کی طاقتور حیثیت کے حوالے سے ایک بہت مضبوط پیغام گیا ہے۔
A very powerful message from Pakistan to the world on women empowerment.
The First Lady of Pakistan @AseefaBZ driving the Turkish President @RTErdogan ????????????pic.twitter.com/LfrQWDYuww
— Dr Shama Junejo (@ShamaJunejo) February 13, 2025
صحافی اجمل جامی نے خاتون اوّل آصفہ بھٹو اور ترک صدر رجب طیب ایردوان کی تصویر پر تبصرہ کرتے ہوئے لکھا کہ یہ خوبصورت اور قابل احترام تصویر ہے۔
خوبصورت اور قابل احترام تصویر pic.twitter.com/5E463dPFIS
— Ajmal Jami (@ajmaljami) February 13, 2025
عمران خان کی حامی ایک صارف نے آصفہ بھٹو کے ترک صدر کی گاڑی چلانے پر تبصرہ کرتے ہوئے لکھا کہ عمران خان نے ان سب کوپاگل کر دیا ہے۔
خان نے واقعی ان سب کو پاگل کر دیا ہے۔۔۔۔ pic.twitter.com/9l3PdvURTa
— Maria Ata (@MariaaAta) February 13, 2025
وقار ستی نے لکھا کہ یہ صرف ایک سواری نہیں، تعلقات کی نئی منزلوں کی علامت ہے۔
ایوانِ صدر میں خاتون اول آصفہ بھٹو زرداری ترک صدر رجب طیب اردوان کے تحفے میں دی گئی الیکٹرک گاڑی چلاتے ہوئے۔
جدت، ماحول دوستی اور پاک ترک دوستی کا حسین امتزاج۔
یہ صرف ایک سواری نہیں، تعلقات کی نئی منزلوں کی علامت ہے۔ pic.twitter.com/TSqDma4IuL
— WAQAR SATTI ???????? (@waqarsatti) February 13, 2025
واضح رہے کہ ترک صدر رجب طیب ایردوان پاکستان کا دورہ مکمل کر کے وطن واپس روانہ ہوگئے ہیں۔ وزیر اعظم محمد شہباز شریف کی دعوت پر ترکیہ کے صدر رجب طیب ایردوان نے پاکستان کا 2 روزہ دورہ کیا تھا۔ دورہ کے دوران وزیراعظم شہباز شریف اور صدر رجب طیب ایردوان نے پاک ترک اعلیٰ سطحی اسٹریٹجک کوآپریشن کونسل کے ساتویں اجلاس کی مشترکہ صدارت کی۔
سیشن کے اختتام پر ایک مشترکہ اعلامیہ جاری کیا گیا اور 24 اہم معاہدوں ایم او یوز پر دستخط کیے گئے۔ ترک صدر رجب طیب ایردوان نے صدر مملکت آصف علی زرداری اور وزیراعظم شہباز شریف کو ترک ساختہ الیکٹرک کار کا تحفہ دیا ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصفہ بھٹو ترک صدر ترک صدررجب طیب ایردوانذریعہ: WE News
کلیدی لفظ: ا صفہ بھٹو ترک صدررجب طیب ایردوان صدر رجب طیب ایردوان ا صفہ بھٹو آصفہ بھٹو کی گاڑی
پڑھیں:
ٹیرف کے طوفان میں صارفین کی یہ شاندار ایکسپو زیادہ قیمتی ہے
ٹیرف کے طوفان میں صارفین کی یہ شاندار ایکسپو زیادہ قیمتی ہے WhatsAppFacebookTwitter 0 19 April, 2025 سب نیوز
بیجنگ :”ہمیں یقین ہے کہ توسیع شدہ اوپننگ اپ پالیسی کے مسلسل نفاذ اور کاروباری ماحول کو بہتر بنانے کے ساتھ، چین کی معیشت مستحکم اور صحت مند ترقی کو برقرار رکھے گی، اور ہمیں چینی مارکیٹ پر بھرپور اعتماد ہے.” پانچویں چائنا انٹرنیشنل کنزیومر گڈز ایکسپو میں فرانسیسی گروپ ایل وی ایم ایچ کے تحت پرتعیش ٹریول ریٹیلر ڈی ایف ایس چائنا کی سربراہ لیو شنگ شو کے الفاظ ۔ایک ایسے وقت میں جب تجارتی تحفظ پسندی عروج پر ہے اور امریکہ معاشی عالمگیریت پر اندھا دھند محصولات عائد کر رہا ہے ،
صارفین کی یہ شاندار ایکسپو اور بھی اہمیت کی حامل ہے۔ چھ دنوں میں ،اس ایکسپو کی جانب ے دنیا بھر کے 71 ممالک اور خطوں سے 1767 کمپنیاں اور 4209 برانڈز راغب ہوئے اور سائٹ تعاون کی رقم 92 بلین یوآن تک پہنچی جو چینی مارکیٹ کی کشش کو ظاہر کرتی ہے۔اعداد و شمار کے مطابق، 2024 میں، چین کی صارفی اشیاء کی کل خوردہ فروخت 48.8 ٹریلین یوآن تک پہنچی ہے ، جو سال بہ سال 3.5 فیصد کا اضافہ ہے۔چین مسلسل دس سالوں سے اجناس کی کھپت کی دنیا کی دوسری سب سے بڑی مارکیٹ اور سب سے بڑی آن لائن خوردہ مارکیٹ رہا ہے.
اس کے ساتھ ساتھ چین نئے معیار کی پیداواری صلاحیت کی ترقی کو تیز کر رہا ہے اور صارفین کی مارکیٹ کی تجدید اور اپ گریڈنگ جاری ہے۔ اس کے علاوہ ، کنزیومر ایکسپو چین کے صوبہ ہائی نان میں منعقد ہوئی جہاں فری ٹریڈ پورٹ کی تعمیر ہو رہی ہے۔ جب کنزیومر ایکسپو اور فری ٹریڈ پورٹ کا پالیسی اثر لاگو ہوتا ہے تو زیادہ نمائش کنندگان ہائی نان میں سرمایہ کاری کرنے کا انتخاب بھی کرتے ہیں۔اس وقت کینٹن میلہ بھی جاری ہے اور بین الاقوامی نمائشیں جیسے سپلائی چین ایکسپو، سروس ٹریڈ فیئر اور انٹرنیشنل امپورٹ ایکسپو بھی شیڈول کے مطابق منعقد ہوں گی. چین اپنے عملی اقدامات کے ذریعے اپنے وعدوں کو پورا کرنا جاری رکھے ہوئے ہے۔عالمی دنیا کے لئے چین کے دروازے وسیع سے وسیع تر ہوں گے سو غیر ملکی سرمایہ کاروں کے لئے یہ واضح ہے کہ مواقع اور مستقبل کہاں ہے ۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج