وزیر اعظم شہبازشریف کو ترک صدر اردگان نے کون سی گاڑی تحفہ دی؟
اشاعت کی تاریخ: 14th, February 2025 GMT
پاکستان کے سرکاری دورے پر آئے ترک صدر رجب طیب اردوان نے وزیر اعظم شہباز شریف کو ترکیہ میں تیار کی گئی الیکٹرک گاڑی ’ٹوگ‘ کا ایک ماڈل تحفہ دیا ہے۔
تین ایشیائی ممالک کے دورے پر نکلے ترک صدر اردوان نے پاکستان کے اپنے 2 روزہ دورے کے دوران اسلام آباد میں ٹی10 ایکس ماڈل کی اسپورٹس یوٹیلیٹی وہیکل ’ٹوگ‘ وزیر اعظم شہباز شریف کو تحفے میں دی۔
یہ بھی پڑھیں: صدر زرداری اور ترک صدر میں ملاقات، دوطرفہ تعاون مزید بہتر بنانے کے عزم کا اعادہ
میڈیا رپورٹس کے مطابق دونوں سربراہان نے سبز رنگ کی گاڑی کے سامنے تصویر کھنچوانے سے پہلے بات چیت کرنے کے لیے وقت نکالا، کار کا منفرد رنگ ترکی کے بحیرہ اسود کے ساحل پر اردگان کے آبائی شہر رائز میں واقع سرسبز آئیڈر ہائی لینڈز سے متاثر ہے۔
اس موقع پر ترک صدر رجب طیب اردوان وزیر اعظم شہباز شریف کے ہمراہ گاڑی میں بیٹھے اور وزیر اعظم نے الیکٹرک ایس یو وی کو تھوڑا گھمایا، تصویر میں قید ہونے والے اس لمحہ سے دونوں ممالک کے درمیان بڑھتے ہوئے دیرینہ تعلقات کی عکاسی ہوتی ہے۔
مزید پڑھیں: ترک صدر دورہ پاکستان مکمل کر کے واپس روانہ
پاکستان اس ہفتے ترک صدر رجب طیب اردوان کے ایشیا کے دورے کا تیسرا اور آخری پڑاؤ تھا، ہفتے کے شروع میں اردگان نے ملائیشیا کا دورہ کیا جہاں انہوں نے ملائیشیا کے وزیر اعظم انور ابراہیم کو اسی طرح کی ٹوگ گاڑی تحفے میں دی تھی، بدھ کو انہوں نے انڈونیشیا کے صدر پرابوو سوبیانتو کو بھی ایک اور ٹوگ پیش کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترک صدر ٹوگ رجب طیب اردوان شہباز شریف وزیر اعظم.ذریعہ: WE News
کلیدی لفظ: رجب طیب اردوان شہباز شریف رجب طیب اردوان شہباز شریف
پڑھیں:
ایسٹر تجدید اور اُمید کی علامت ہے: وزیرَ اعظم شہباز شریف
وزیرِ اعظم شہباز شریف نے ایسٹر کے موقع پر پاکستان اور دنیا بھر میں مسیحی برادری کو مبارکباد دیتے ہوئے کہا ہے کہ ایسٹر تجدید اور اُمید کی علامت ہے۔
ایک بیان میں وزیرِ اعظم شہباز شریف نے کہا ہے کہ یہ دن ہمیں حضرت عیسیٰ علیہ السلام کی حیاتِ طیبہ اور تعلیمات کی یاد دلاتا ہے، یہ موقع ہمیں ایثار، درگزر اور امن جیسی آفاقی اقدار پر عمل پیرا ہونے کی ترغیب دیتا ہے۔
وزیراعظم شہباز شریف نے پاکستان کی تعمیر و ترقی میں مسیحی برادری کے نمایاں کردار کو خراجِ تحسین پیش کیا۔
انہوں نے کہا کہ پاکستان کی تعمیر و ترقی میں مسیحی برادری کے نمایاں کردار کو خراجِ تحسین پیش کرتے ہیں، مسیحی برادری کی محنت، دیانت اور خدمات ہمارے لیے قابلِ فخر سرمایہ ہیں۔
وزیرِ اعظم نے کہا ہے کہ یقین ہے مسیحی برادری پُرامن، خوشحال پاکستان کی تشکیل میں اپنا کردار جاری رکھے گی۔
شہباز شریف کا کہنا ہے کہ آج دنیا مختلف چیلنجز اور مسائل کا سامنا کر رہی ہے، ایسٹر ہمیں یاد دلاتا ہے رواداری، انسانی وقار کا احترام اور پائیدار امن کا قیام ہماری مشترکہ ذمہ داری ہے۔
کراچی: کورنگی کریک میں ماہرین نے دوبارہ آگ لگا دی