شاہ رخ خان اور زہان کپور کا نیا اشتہار سوشل میڈیا پر ہلچل مچانے میں کامیاب
اشاعت کی تاریخ: 14th, February 2025 GMT
لیجنڈ اداکار شاہ رخ خان اور ششی کپور کے پوتے زہان کپور نے ایک نئے اشتہار میں اکٹھا کام کیا ہے جو سوشل میڈیا پر تیزی سے وائرل ہو رہا ہے۔
اس اشتہار میں دونوں اداکاروں کو طاقتور اوتار میں دکھایا گیا ہے، جو مداحوں کو ان کی اسکرین کیمسٹری سے متاثر کر رہا ہے۔
اشتہار میں زہان کپور سرفنگ کے لیے تیار ہیں، تاہم، موسم کے خراب حالات اور بپھرا ہوا سمندر ان کے راستے میں رکاوٹ ہیں۔
لیکن شاہ رخ خان کی انٹری حالات کو بہتر کر دیتی ہے، اور وہ زہان کو مشکلات کا مقابلہ کرنے کی ہمت دیتے ہیں۔
یہ اشتہار مشروب کمپنی کے لیے تیار کیا گیا ہے اور ہیش ٹیگ ’’دَم ہے تو دکھا‘‘ کے ساتھ شیئر کیا جا رہا ہے۔
اس ویڈیو کی خاص بات یہ ہے کہ زہان کپور کا یہ اشتہار میں پہلی بار کام کرنے کا موقع ہے، حالانکہ وہ "بلیک وارنٹ" میں اپنی شاندار اداکاری کے لیے پہلے ہی معروف ہیں۔ انہوں نے اپنے فلمی کیریئر کا آغاز ہنسل مہتا کی فلم "فراز" سے کیا تھا۔
دوسری طرف، شاہ رخ خان اپنی آنے والی فلم "کنگ" کی تیاریوں میں مصروف ہیں، جس کی ہدایتکاری سدھارتھ آنند کر رہے ہیں۔
.ذریعہ: Express News
کلیدی لفظ: اشتہار میں شاہ رخ خان
پڑھیں:
فواد خان نے فلم عبیر گلال میں کام کرنے کی وجہ بتا دی
پاکستانی سپر اسٹار فواد خان جو اپنی بالی ووڈ فلم ’عبیر گلال‘ کی پروموشن میں موجود ہیں ان کا کہنا ہے کہ بالی ووڈ کے لوگ با صلاحیت اور اچھے لوگ ہیں۔
فواد خان نے حال ہی میں دبئی میں ایک مختصر انٹرویو دیا جس میں انہوں نے اپنے بالی ووڈ کو-سٹارز کے بارے میں بات کی۔ بالی ووڈ سپر اسٹارز کے ساتھ کام کرنے کے تجربے پر بات کرتے ہوئے اداکار کا کہنا تھا کہ ان کے ساتھ کام کا تجربہ بہت اچھا رہا۔
میزبان نے سوال کیا کہ بالی ووڈ کی اداکاروں کے ساتھ کام کرنے کا تجربہ کیسا رہا جس پر فواد خان کا کہنا تھا کہ سونم کپور بے باک ہیں، جو کہ ان کی بہت اچھی بات ہے جو دل میں ہوتا ہے وہی کہتی ہیں۔ وہ دل کی بہت اچھی انسان ہیں۔ عالیہ بھٹ بہت چست ہیں اور ان کے ساتھ کام کرنا ایک زبردست تجربہ ہے آپ کو ان کے ساتھ کام کرتے وقت چوکس رہنا پڑتا ہے۔ انوشکا ایک پُرجوش شخصیت رکھتی ہیں۔ وانی کپور بھی بہت باصلاحیت اداکارہ ہیں۔
بالی ووڈ اداکاروں کے بارے میں فواد خان کا کہنا تھا کہ یہ سب لوگ باصلاحیت اور دل سے اچھے انسان ہیں۔ اور ان لوگوں کے ساتھ کام کرنے کا مزہ آتا ہے جو دل کے اچھے ہوتے ہیں۔
فلم عبیر گلال میں کام کرنے کا انتخاب کیوں کیا اس حوالے سے بات کرتے ہوئے ان کا کہنا تھا کہ میں نے ابھی جتنا بھی کام کیا ہے وہ بہت سنجیدہ اور ڈرامیٹک کام تھا جیسے مولا جٹ تھی۔ اس لیے عبیر گلال کا انتخاب کیا کیونکہ وہ مختلف فلم تھی۔
یہ بھی پڑھیں: بھارتی اداکارہ وانی کپور نے فواد خان کے بارے میں ایسا کیا کہا کہ میزبان حیران رہ گئیں؟
واضح رہے کہ فواد خان ایک باصلاحیت پاکستانی سیلبریٹی ہیں جو اپنی شاندار اداکاری اور گائیکی کی صلاحیتوں کے لیے جانے جاتے ہیں۔ ان کے مشہور ڈراموں میں ہم سفر، زندگی گلزار ہے، عشق، کچھ پیار کا پاگل پن بھی تھا، اکبری اصغری اور داستان شامل ہیں۔ اداکار ان دنوں اپنی آنے والی بھارتی فلم عبیر گلال کی وجہ سے خبروں کی زینت بنے ہوئے ہیں۔ اس فلم میں ان کے ساتھ باصلاحیت بالی ووڈ اداکارہ وانی کپور مرکزی کردار میں نظر آئیں گی۔
فواد خان نے خوبصورت، کپور اینڈ سنز اور اے دل ہے مشکل جیسی بھارتی فلموں میں سونم کپور، عالیہ بھٹ اور انوشکا شرما جیسے اداکاروں کے ساتھ کام کیا ہے۔ عبیر گلال ان کی بالی ووڈ میں واپسی کی فلم ہے، جس میں ان کے ہمراہ وانی کپور جلوہ گر ہوں گی۔
یہ بھی پڑھیں: فواد خان بالی ووڈ میں واپسی پر کتنا معاوضہ لے رہے ہیں؟
واضح رہے کہ فلم ’عبیر گلال‘ کی کہانی 2 ایسے کرداروں کے گرد گھومتی ہے جو زندگی میں کئی جذباتی مشکلات سے گزر چکے ہیں اور اچانک ایک دوسرے سے مل کر غیر متوقع طور پر ایک دوسرے کے زخموں کو بھرنے لگتے ہیں جس کا نتیجہ محبت میں نکلتا ہے۔ فلم میں ردھی ڈوگرا، فواد خان اور وانی کپور ہیں۔ یہ فلم رواں برس 9 مئی کو ریلیز ہو گی۔
نامور پاکستانی اداکار فواد خان 9 سال کے وقفے کے بعد بالی ووڈ واپسی کررہے ہیں۔ فواد خان آخری بار بالی ووڈ میں 2016 کی کامیاب فلم کپور اینڈ سنز میں نظر آئے تھے، اس کے بعد دونوں ممالک کے درمیان بڑھتی ہوئی سیاسی کشیدگی کے درمیان وہ بالی ووڈ انڈسٹری سے غائب رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوشکا شرما سونم کپور عالیہ بھٹ عبیر گلال فواد خان وانی کپور
بیساکھی میلہ کیوں منایا جاتا ہے اور سکھ مذہب میں اس کی کیا اہمیت ہے؟