ٹنڈو جام ، ریٹائرڈ ملازمین کو گروپ انشورنس فنڈدینے کا مطالبہ
اشاعت کی تاریخ: 14th, February 2025 GMT
ٹنڈوجام (نمائندہ جسارت)گورنمنٹ ریٹائرڈ ٹیچرز ایسوسی ایشن تعلقہ حیدرآباد رورل کی ایک اہم میٹنگ کل گورنمنٹ ہائی اسکول نمبر 2 ٹنڈو جام میں منعقد ہوئی اجلاس کی صدارت ایسوسی ایشن کے مرکزی صدر ضمیر خان نے کی جس میں بڑی تعداد میں ریٹائرڈ اساتذہ نے شرکت کی۔ اجلاس میں اپریل میں کراچی میں ہونے والے اہم اجتماع پر تفصیلی تبادلہ خیال کیا گیا۔ اس موقع پر شرکا نے ریٹائرڈ ملازمین کو درپیش مالی مسائل پر روشنی ڈالتے ہوئے حکومت سے مطالبہ کیا کہ ریٹائرڈ اساتذہ کو فوری طور پر گروپ انشورنس فنڈ اور بینوویلنٹ فنڈ فراہم کیا جائے۔ مقررین کا کہنا تھا کہ سرکاری ملازمین اپنی ساری زندگی ملک و قوم کی خدمت میں گزار دیتے ہیںلیکن ریٹائرمنٹ کے بعد انہیں بنیادی مالی سہولتوں سے محروم رکھا جاتا ہے جو کہ انتہائی افسوسناک ہے۔ انہوں نے کہا ایک جانب ہماری جائز مراعات حکومت دینے پر تیار نہیں اور دوسری جانب اپنی مراعاتیں اور تنخواہوں سو فیصد اضافہ کرکے ہمارے زخموں پر نمک چھڑکا جارہا ہے۔ انہوں نے کہا اگر ملک بحران میں ہے تو صرف عوام ہی قربانی دے اگر اراکین اسمبلی چاہیے تو چار سال بغیر تنخواہوں اور مراعاتوں کے قوم کی خدمت کر سکتے ہیں سب کی مالی پوزشن مضبوط ہے کوئی رکن اسمبلی غریب نہیں ہے لیکن اس کے باوجود غریب عوام اور سرکاری ملازمین کو آئی ایم ایف کے نام پر تنگ کیا جارہا ہے اجلاس میں مختلف قراردادیں منظور کی گئیں جن میں حکومت سے اپیل کی گئی کہ وہ ریٹائرڈ ملازمین کے جائز حقوق کو یقینی بنائے اور انہیں وہ تمام مالی مراعات فراہم کرے جو ان کا قانونی حق ہیں۔اجلاس کے آخر میں ایسوسی ایشن کے رہنماؤں نے اعلان کیا کہ اگر حکومت نے ان مطالبات پر جلد توجہ نہ دی تو کراچی میں ہونے والے اجتماع میں مزید سخت لائحہ عمل اختیار کیا جائے گا اور احتجاجی حکمت عملی پر غور کیا جائے گا۔
.ذریعہ: Jasarat News
پڑھیں:
پیپلز پارٹی کا بلدیاتی الیکشن کا مطالبہ
ویب ڈیسک : پاکستان پیپلز پارٹی نے مسلم لیگ ن سے پنجاب میں بلدیاتی انتخابات کرانے کا مطالبہ کر دیا ہے اجلاس میں دیگر امور پر بھی بات ہوئی۔
گورنر ہاؤس لاہور میں پیپلز پارٹی اور ن لیگ کی کو آرڈینیشن کمیٹی کا اجلاس ہوا جس میں پاور شیئرنگ فارمولے اور گورننس سمیت مختلف امور پر بات چیت کی گئی۔اجلاس کے بعد میڈیا سے گفتگو کرتے ہوئے پاکستان پیپلز پارٹی کے رہنما حسن مرتضیٰ نے کہا کہ آج کے اجلاس میں زراعت سمیت قومی مسائل پر مل کر چلنے پر اتفاق ہوا جبکہ ہم نے ن لیگ سے پنجاب میں بلدیاتی انتخابات کرانے کا مطالبہ کیا ہے۔پی رہنما کا کہنا تھا کہ بلدیاتی بل پر تحفظات ہیں۔ اس میں جمہوریت کی اصل روح کو ہی ختم کر دیا گیا ہے۔ ہمیں گورننس سمیت چند جامعات سے متعلق بھی تحفظات ہیں۔ اجلاس میں مثبت پیش رفت ہوئی ہے اور آئندہ ہفتے دوربارہ میٹنگ ہوگئی۔
ہر وقت پیاس؛ سنگین مرض کی نشانی
اسپیکر پنجاب اسمبلی ملک محمد احمد خان نے کہا کہ پانی کی تقسیم ارسا طے کرتی ہے۔ اس معاہدے میں پانی کی تقسیم کا فارمولہ بھی طے ہے۔موسمی اثرات کی وجہ سے پانی کی کمی کا سامنا ہوا ہے۔ سندھ اور پنجاب کاحق ہےکہ اپنا اپنا پانی استعمال کریں۔ دونوں صوبے پانی کی تقسیم نمبرز اور ڈیٹا پر بات کریں گے۔کتنے ملین ایکڑ پانی لینا ہے، کتنے ڈیمز بنا سکتے ہیں یہ ارسا دستاویز میں لکھا ہے۔
ملک احمد خان نے کہا کہ ہمیں صوبائی خودمختاری کا خیال رکھنا ہوگا اور معاملے کو سیاسی طور پر بھی دیکھنا ہوتا ہے۔ کالا باغ ڈیم ایشو بھی سامنے ہے۔ سندھ کے تحفظات دور ہونے چاہئیں۔
افغان شہریوں کی واپسی؛ ازالہ شکایات کیلئے وزارت داخلہ میں کنٹرول روم قائم
امریکی شہریت رکھنے والے یرغمالی سے متعلق حماس کا اہم بیان سامنے آگیا