سعودی وژن 2030 کی ترقی ایک اہم سنگ میل
اشاعت کی تاریخ: 14th, February 2025 GMT
کراچی(کامرس رپورٹر)سعودی عرب کی قومی فضائی کمپنی سعودیہ، جو مملکت کے وژن 2030 کے حصول کے لیے اپنی پوزیشن مستحکم کر رہی ہے، 2024 کے دوران جدت، نیٹ ورک کی توسیع اور اسٹریٹیجک شراکت داریوں کے ذریعے اپنے کردار کو مزید مستحکم کر رہی ہے۔ سعودی عرب کی عالمی رابطوں کو بڑھانے، اقتصادی ترقی کو فروغ دینے اور نئی مواقع تخلیق کرنے کے مشن میں سعودیہ نے اہم کامیابیاں حاصل کیں، اور اس نے خود کو فضائی شعبے کی تبدیلی میں سرِفہرست پوزیشن پر رکھ لیا ہے۔ویژن 2030 کے تحت 330 ملین مسافروں کی نقل و حرکت، 150 ملین وزیٹرز کی آمد اور 30 ملین حاجیوں کی خدمت کے اہداف کو مدنظر رکھتے ہوئے، سعودیہ نے اس سال اپنے ترقیاتی منصوبے میں قابل ذکر پیش رفت کی ہے۔
.ذریعہ: Jasarat News
پڑھیں:
جے یو آئی بلوچستان کا فلسطین کے حق میں ملین مارچ نکالنے کا اعلان
جے یو آئی بلوچستان کے قائدین نے اعلان کیا کہ 15 مئی کو کوئٹہ میں فلسطینی عوام کی حمایت میں ملین مارچ نکالیں گے۔ اسلام ٹائمز۔ جمعیت علماء اسلام بلوچستان نے کوئٹہ میں فسلطینی عوام سے اظہار یکجہتی کیلئے ملین مارچ کا اعلان کر دیا ہے۔ لاہور میں جے یو آئی بلوچستان کے صوبائی مجلس عاملہ کے غیرمعمولی اجلاس میں فلسطین میں اسرائیلی درندگی اور خونریزی پر شدید رنج و غم اور اضطراب کا اظہار کرتے ہوئے فیصلہ کیا گیا کہ 15 مئی 2025 کو کوئٹہ میں "اسرائیل مردہ باد ملین مارچ" کا انعقاد کیا جائے گا، تاکہ دنیا کو یہ گواہی دی جائے کہ بلوچستان کے غیور فرزند مظلوم فلسطینی بھائیوں کی نصرت اور قبلہ اول کے تحفظ کے لیے ہر قیمت پر میدان عمل میں موجود ہیں۔
اجلاس سے خطاب کرتے ہوئے صوبائی امیر سینیٹر مولانا عبدالواسع نے کہا کہ یہ عظیم مارچ دنیا کو یہ پیغام دے گا کہ اسلام کا رشتہ سرحدوں یا نسلوں کا نہیں بلکہ ایمان، اخوت اور مظلوموں کی حمایت کا رشتہ ہے۔ آج پوری دنیا دیکھ رہی ہے کہ اسرائیل نہتے معصوم بچوں اور بے قصور شہریوں پر بم برسا کر اپنی سفاکیت اور اخلاقی شکستگی کا بدترین مظاہرہ کر رہا ہے۔ انہوں نے کہا کہ اس کی درندگی اور بربریت حق و باطل کے اس معرکے میں اس کی یقینی شکست کا پیش خیمہ ہے۔ امریکہ کی کھلی پشت پناہی نے بھی دنیا پر یہ حقیقت آشکار کر دی ہے کہ امریکہ اب صرف خونریزی، جبر اور سامراجیت کا نمائندہ بن چکا ہے۔ امن، انسانی حقوق اور جمہوریت کے تمام دعوے محض فریب، جھوٹ اور مکاری ثابت ہو چکے ہیں۔ آج امریکہ کے لئے انسانی حقوق کا علًمبردار کہلانا شرم کا مقام بن چکا ہے۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی