ٹریفک حادثات، ہیڈ کانسٹیبل کو بھی چالان کا اختیار دینے کا فیصلہ، قوانین پر عملدرآمد کیلیے حکام کو ایک ہفتے کی مہلت
اشاعت کی تاریخ: 14th, February 2025 GMT
کراچی (اسٹاف رپورٹر) وزیر داخلہ سندھ ضیاء الحسن لنجار کی زیر صدارت سینٹرل پولیس آفس کراچی میں منعقدہ ایک اعلی سطحی اجلاس میں ٹریفک حادثات کے اسباب، روک تھام اور اسکے پیش منظر میں کیے جانیوالے فیصلوں پر عمل درآمد کے حوالے سے اقدامات اور لائحہ عمل کا تفصیلی جائزہ لیا گیا۔ ضیاء الحسن لنجار کا کہنا تھا کہ وزیر اعلی سندھ نے بھی ٹریفک ایشوز سے متعلق اجلاس میں احکامات دیے ہیں اور اس ضمن میں ہمیں ایک ٹیم کی حیثیت سے ناصرف ان احکامات کو فالو کرنا ہوگا بلکہ تمام ترٹریفک ایشوز اور معاملات سے متعلق سخت پالیسی پر عمل درآمد کو بھی یقینی بنانا ہوگا۔ ان کا کہنا تھا کہ ٹریفک قوانین کی خلاف ورزیوں پر ہیڈ کانسٹیبل کو بھی چالان ٹکٹس کے اجراء کا اختیار دینے جا رہے ہیں جسکا مقصد زیادہ سے زیادہ ٹکٹس چالان جاری کرنا اور شہریوں کو ٹریفک قوانین کا پابند بنانا ہے۔ وزیر داخلہ نے کہا کہ تمام ایس ایس پیز ٹریفک، جملہ پولیس فورس کو آئندہ پیر سے سڑکوں، شاہراہوں اور ٹریفک لائٹس سگنلز پر دیکھنا چاہتا ہوں۔ لہٰذا خود کو آج ہی سے سخت ڈیوٹی کا پابند بنالیں کیونکہ آپ تمام کے پاس صرف آئندہ پیر تک کا وقت ہے۔ ضیاء الحسن لنجار نے کہا کہ میں یا میرے فیملی ممبرز کو بھی ٹریفک رولز کی خلاف ورزی پر چالان دیا جائے کیونکہ قانون سب کے لیے یکساں اور برابر ہے۔ انہوں نے آپریشن پولیس کو تاکید کی کہ وہ ٹریفک پولیس کی بھرپور مدد کو یقینی بنائے اور شہر میں ٹریفک کی روانی کے لیے ان سے ہر ممکن تعاون کریں۔ انہوں نے کہا کہ پولیس افسران تفویض کردہ فرائض کو سنجیدہ لیں اور کام کرکے دکھائیں بصورت دیگر عہدوں سے برخاست کردیا جائیگا۔ وزیر داخلہ نے کہا کہ پارکنگ سے متعلق وزیر اعلی سندھ نے پالیسی ترتیب دیدی ہے اور اس ضمن میں پارکنگ کو ختم کیا جا رہا ہے اور پارکنگ مافیا کے خلاف سخت کریک ڈاؤن کیا جائے۔ انہوں نے بتایا کہ صرف اور صرف سنگل لائن پارکنگ کی اجازت ہوگی تاہم ڈبل لائن پارکنگ پر متعلقہ ایس او کو معطل کرتے ہوئے بلیک لسٹ کر دیا جائیگا۔ شہر میں چلنے والی بھاری گاڑیوں کی فٹنس اور انسپکشن کی جائے جبکہ ڈرائیورز کا بھی میڈیکل کرایا جائے۔ انہوں نے ڈی آئی جی ٹریفک کو ہدایات دیں کہ میئر کراچی کے پاس دستیاب واٹر ٹینکرز کی فہرست پر مل کر لائحہ عمل تیار کیا جائے۔ وزیر داخلہ نے کہا کہ اسلحہ کی نمائش کرنیوالوں کے خلاف سخت اقدامات کیئے جائیں جبکہ ڈالے پر کوئی نہیں بیٹھے گا پولیس ہو یا سیکیورٹی گارڈ انھیں گاڑی کے اندر بٹھایا جائے اور یہ ہدایات ڈالہ مالکان کو بھی بتادی جائیں۔انہوں نے کہا کہ کچرا اٹھانیوالی گاڑیوں کے علاوہ اشیائے خورونوش، زرعی اجناس، تعمیراتی سامان ودیگر ہیوی گاڑیوں کو پابندی سے استثناہے۔جبکہ فینسی نمبر پلیٹس، رنگین شیشوں،بلیو لائٹس،پریشر ہارنز وغیرہ کے خلاف جاری مہم کو تیز کیا جائے۔آئی جی سندھ نے کہا کہ حکومت سندھ کے احکامات پر عمل درآمد کو یقینی بنارہے ہیں۔جبکہ ٹریفک پولیس کے مجموعی اقدامات میں بہتری کے لیئے اقدامات کررہے ہیں۔اجلاس میں آئی جی سندھ غلام نبی میمن، ایڈیشنل آئی جی کراچی،ڈی آئی جیز، ہیڈکوارٹرز،ڈی ایل برانچ،ٹریفک سمیت تمام زونل ڈی آئی جیز، تمام ایس ایس پیز کراچی و ٹریفک زونز کے علاوہ اے آئی جی آپریشنز سندھ نے بالمشافہ اور ڈی آئی جیز و ایس ایس پیز حیدرآباد،ایس بی اے،میرپورخاص، لاڑکانہ اور سکھر نے ذریعہ ویڈیولنک شرکت کی۔
.ذریعہ: Jasarat News
کلیدی لفظ: وزیر داخلہ ڈی ا ئی جی انہوں نے کو بھی
پڑھیں:
مصطفی عامر قتل کیس: پولیس مقابلے کے مقدمے میں اہم پیش رفت، غیر قانونی اسلحے سے متعلق اہم انکشافات
مصطفی عامر اغوا و قتل کیس سے جڑے پولیس مقابلے کے مقدمے میں پیش رفت سامنے آگئی جبکہ مقابلے میں استعمال ہونے والا اسلحہ پیچنے والے ملزم کو عبوری چالان مفرور قرار دیدیا گیا۔
اے وی سی سی میں درج پولیس مقابلے میں استعمال ہونے والے غیر قانونی اسلحے سے متعلق اہم انکشافات سامنے آگئے۔
کامران قریشی سے عدالتی حکم پر جیل میں تفتیش کی گئی، تفتیشی افسر انسپکٹر محمد علی نے ایکسپریس سے خصوصی گفتگو کی اور کہا کہ مصطفی عامر اغوا و قتل کیس کے مرکزی ملزم ارمغان کے والد ملزم کامران قریشی سے تفتیش کی گئی ہے۔
انہوں نے کہا کہ کی جانیوالی تفتیش کے دوران ملزم نے بتایا کہ پشاور میں فرحت اللہ سے اسلحہ خریدا، تفتیشی افسر نے کہا کہ فرحت اللہ کیخلاف غیر قانونی اسلحہ کے مقدمے میں 512 کی کارروائی کی ہے، عبوری چالان میں فرحت اللہ کو مفرور قرار دیا ہے۔
انسپکٹر محمد علی کا کہنا تھا کہ ٹیمیں تشکیل دی جارہی ہیں، تاکہ ملزم کی گرفتاری یقینی بنائی جائے۔
انہوں نے کہا کہ آئندہ ہفتے کیس پراپرٹی اور فارنزک رپورٹ کے لیئے پنجاب بھی جاؤنگا۔ روان ہفتے میں ملزم ارمغان عرف آرمی شریک ملزم شیراز اور کامران قریشی کیخلاف عبوری چالان خصوصی عدالت میں پیش کردیں گے۔
انہوں نے بتایا کیس بلکل واضح ہے وائرل ہونے والی سی سی ٹی وی فوٹیج میں دیکھا جاسکتا ہے کہ ملزم ارمغان نے کس طرح پولیس پر فائرنگ کی۔ فائرنگ کے نتیجے میں اے وی سی سی افسر و اہلکار بھی زخمی ہوئے۔
انسپکٹر محمد علی نے کہا کہ بلوچستان حب میں مصطفی عامر قتل کیس کا ایک مقدمہ درک ہے جو قانونی تقاضوں کو پورا کرنے بعد کراچی منتقل کردیا جائیگا۔
عبوری چالان سے متعلق پوچھے گئے سوال پر تفتیشی افسرر نے بتایا کہ اسکروٹنی کے لیئے عبوری چالان محکمہ پراسیکیوشن میں جمع کرائے تھے کچھ اعتراضات لگائے گئے ہیں جنہیں دور کرکے دوبارہ جمع کرائینگے۔
ان کا کہنا تھا کہ امید ہے کہ ہفتے کو مقدمات کے عبوری چالان عدالت میں جمع کرادیئے جائیں۔ ملزمان ارمغان، شیراز اور کامران قریشی کے مقدمات کی تفتیش اور ٹرائل سے متعلق جواب دیتے ہوئے تفتیشی افسر نے نتایا کہ ہمارے پاس قتل پولیس مقابلے سمیت دیگر درج مقدمات میں ٹھوس شواہد موجود ہیں، اغوا و قتل میں ملوث ملزمان کو سزائیں دلوائیں گے۔
دوسری جانب کراچی سینٹرل جیل جوڈیشل مجسٹریٹ ساؤتھ شہزاد خواجہ کی عدالت کے روبرو ملزم کامران قریشی کیخلاف غیر قانونی اسلحہ اور منشیات برآمدگی کے مقدمے کی سماعت ہوئی۔
جیل حکام کی جانب ملزم کامران قریشی کو عدالت پیش نا کیا جاسکا۔ تفتیشی افسر بھی عدالت پیش نا ہوئے، تفتیشی افسر کی جانب سے حتمی چالان جمع کرانا تھا۔
عدالت نے سماعت 25 اپریل تک ملتوی کردی، سماعت کے بعد میڈیا سے غیر رسمی گفتگو میں وکیل صفائی خرم عباس اعوان نے کہا کہ آج میرے موکل کو پیش نہیں کیا گیا، وجوہات معلوم نہیں، منتظم عدالت میں مصطفی عامر قتل کیس سمیت دیگر مقدمات میں ملزم ارمغان کے طبی معائنوں سمیت دیگر کارروائیوں کی دستاویزات کی سرٹیفائیڈ کاپیوں کے لییے درخواست دی ہے۔
ان کا کہنا تھا کہ دیکھتے ہیں کہ وہ منظور کی جاتی ہے یا نہیم۔ ملزم کی طبیعت سے متعلق سوال پر وکیل صفائی نے کہا کہ میری کامران قریشی سے جیل میں ملاقات ہوئی تھی ان طبیعت ناسازتھی آنکھوں کا انفیکش ہوا ہے۔
وکیل صفائی خرم عباس اعوان نے کہا میرے موکل کیخلاف ایف آئی اے نے ایک اور مقدمہ درج کیا ہے۔ ابھی ایک مقدمے میں ملزم ریمانڈ پر ہے، آئندہ سماعت پر دیکھیں گے کہ عدالت میں ایف آئی اے کی جانب سے کیا رپورٹ جمع کرائی جاتی ہے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی