آرمی چیف کا کل گرین پاکستان انیشی ایٹیو‘کے پراجیکٹس کا دورہ
اشاعت کی تاریخ: 13th, February 2025 GMT
آرمی چیف کل ’’گرین پاکستان انیشی ایٹیو‘‘ کے مختلف پراجیکٹس کا دورہ کرینگے ، اس موقع پر ان کے ہمراہ دیگر حکومتی شخصیات بھی موجود ہونگی۔ دورے میں جی پی آئی کے ’’سمارٹ ایگری فارم‘‘، ’’گرین ایگری مال‘‘ اور ’’تحقیقی سہولت مراکز‘‘ کا افتتاح بھی شامل ہے۔
تفصیلات کے مطابق آرمی چیف جنرل عاصم منیر کل ’’گرین پاکستان انیشی ایٹیو‘‘ کے مختلف پراجیکٹس کا دورہ کریں گے۔ اس موقع پر دیگر اہم حکومتی شخصیات بھی ان کے ہمراہ ہونگی۔خصوصی سرمایہ کاری سہولت کونسل (ایس آئی ایف سی) کے گرین پاکستان انیشیٹو (جی پی آئی) کے تحت 14 فروری کو آرمی چیف اور وفاقی و صوبائی حکام اس دورے کے دوران جی پی آئی کے تحت جاری زرعی منصوبوں اور مختلف سہولیات کا جائزہ لیں گے۔آرمی چیف کے دورہ کے دوران جی پی آئی کے ’’سمارٹ ایگری فارم‘‘، ’’گرین ایگری مال‘‘ اور ’’تحقیقی سہولت مراکز‘‘ کا افتتاح بھی شامل ہے، اس دوران شرکاء کو جی پی آئی کی زرعی ترقی سے متعلق اہم کامیابیوں کے بارے میں آگاہی بھی دی جائے گی۔دورہ کے دوران جی پی آئی کی جانب سے کارپوریٹ فارمنگ میں استعمال ہونے والی زرعی مشینری اور جدید ٹیکنالوجی کی نمائش بھی رکھی گئی ہے۔ زرعی شعبے کے بارے میں آگاہی کیلئے ماڈل فارمز دورے کا بھی اہتمام کیا گیا ہے۔پیرووال اور مظفرگڑھ میں تیار کئے گئے ماڈل فارمز کسانوں کو جدید زرعی تکنیکوں سے روشناس کرائیں گے، آرمی چیف اور وفاقی و صوبائی حکام کے دورے سے جی پی آئی کے زرعی ترقیاتی منصوبوں کو مزید فروغ ملے گا۔
ذریعہ: Nawaiwaqt
پڑھیں:
گرین اور بلیک کے بعد اب نیلی چائے، حیرت انگیز فوائد
گرین اور بلیک چائے کے صحت سے متعلق فوائد تو مشہور ہیں ہی لیکن اب ایک نئی تحقیق میں نیلی چائے کے غیر معمولی اثرات کا بھی انکشاف ہوا ہے۔
یہ بھی پڑھیں: ٹی بیگز والی چائے، آپ کو کیوں نہیں پینی چاہیے؟
بھارتی میڈیا میں چھپنے والی ایک رپورٹ کے مطابق نیلے مٹر کے پھول کی پنکھڑیوں سے بنی نیلی چائے مفید ترین مشروبات میں سے ایک ہے۔
تحقیق میں کہا گیا کہ اس چائے کے 10 صحت سے زیادہ فوائد ہیں جو انسانی صحت پر نمایاں اثرات مرتب کرتی ہے۔ یہ اینٹی آکسیڈنٹس سے بھی بھرپور ہوتی ہے۔
یہ چائے علمی افعال کو بھی بڑھاتا ہے کیونکہ اس میں ایسی خصوصیات ہوتی ہیں جو یاداشت سے وابستہ ایک نیورو ٹرانسمیٹر ایسٹیلکولین کی پیداوار کو متحرک کرتی ہیں۔
نیلی چائے وزن کو کنٹرول کرنے میں بھی مدد کرتی ہے کیوں کہ اس میں کیلوریز کم ہوتی ہیں اور قدرتی طور پر کیفین سے پاک ہوتی ہے۔
مزید پڑھیے: پاکستان میں مقبول چائے کی تاریخ، فوائد اور نقصانات
تحقیق میں یہ بھی کہا گیا ہے کہ نیلی چائے اپنے اینٹی آکسیڈینٹ اور سوزش کو دور کرنے والی خصوصیات کی بدولت کولیجن کی پیداوار کو متحرک کرکے جلد کی صحت کو فروغ دیتی ہے۔
یہ آنکھوں کے لیے بھی فائدہ مند ہے کیونکہ اس میں موجود فلاونوائیڈز ہیں جو آنکھوں میں خون کے بہاؤ کو بہتر بناتے ہیں۔
نیلی چائے زہریلے مادوں اور اضافی سیالوں کو ختم کرنے اور خون میں گلوکوز کی سطح کو متوازن کرکے بلڈ شوگر کی سطح کو کنٹرول کرنے میں بھی مدد کرتی ہے۔
کہا جاتا ہے کہ یہ اعصابی نظام پر اس کے پرسکون اثر کی وجہ سے تناؤ اور اضطراب کو دور کرتی ہے۔ اس کے مدافعتی معاون مرکبات کی وجہ سے مدافعتی نظام کو مضبوط کرتی ہے۔ یہ بالوں کی نشوونما کو فروغ دیتا ہے کیونکہ یہ کھوپڑی میں خون کی گردش کو بہتر بنانے میں معاون ہے۔
مزید پڑھیں: تاروجبہ کے لذیذ چپلی کباب اور خوش ذائقہ سبز چائے
مزید برآں نیلی چائے کو غذائیت سے بھرپور قدرتی خزانہ سمجھا جاتا ہے کیوں کہ اس میں کیلشیم، میگنیشیم، زنک، آئرن، کاپر، نیاسین اور فولک ایسڈ کے علاوہ وٹامن اے، سی، ای، بی1، بی2، بی6، بی5 اور بی7 بھی پائے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نیلی چائے نیلی چائے صحت کے لیے مفید نیلی چائے کے فوائد
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا