وزیرداخلہ محسن نقوی کی ہدایت پرمتعددنادرادفاترہفتہ کوبھی کھلارکھنےکافیصلہ
اشاعت کی تاریخ: 13th, February 2025 GMT
کلیم اختر:نادرانےبڑھتی آبادی اورشہریوں کی رجسٹریشن ضروریات کےپیش نظراہم اقدام اٹھانے کا فیصلہ کر لیا۔
وزیرداخلہ محسن نقوی کی ہدایت پر چیئرمین نادرا اور ڈائریکٹر جنرل نادرالاہورریجن کی زیر نگرانی متعددنادرادفاترکوہفتہ کےروزبھی کھلارکھنےکافیصلہ کیا گیا ہے۔
لاہورریجن بھرکے9اضلاع کےمزید27نادرامراکزہفتےکےروزکھلےرہیں گے،27نادرامراکزشہریوں کوتمام تردستاویزی سروسز فراہم کریں گے۔
نادرادفاترہفتہ کےروزصبح ساڑھے8 تا ساڑھے4بجے تک مکمل طورپر کھلےرہیں گے۔شہری شناختی کارڈاوردیگردستاویزات کی تجدیدواجراکی سہولت حاصل کر سکیں گے۔
نادرامیگاسنٹر ایجرٹن روڈ 7 روز24گھنٹےعوام الناس کوقومی رجسٹریشن کی خدمات فراہم کریگا۔
محکمہ اوقاف پنجاب میں بدعنوانی کا انکشاف، افسران معطل
.ذریعہ: City 42
پڑھیں:
سعودی شہریوں کو پاکستان آنے کیلئے کسی ویزا کی ضرورت نہیں، وزیر داخلہ
اسلام آباد:وفاقی وزیرداخلہ محسن نقوی کی سعودی عرب کے سفیر نواف بن سعید احمد المالکی سے ملاقات ہوئی جس میں انہوں نے کہا کہ سعودی شہریوں کو پاکستان آنے کے لئے کسی ویزا کی ضرورت نہیں، وہ جب چاہے پاکستان آسکتے ہیں۔
ڈپلومیٹک انکلیو سعودی سفارتخانے آمد پر سعودی عرب کے سفیر نے وزیر داخلہ محسن نقوی کا خیر مقدم کیا۔ ملاقات میں باہمی دلچسپی کے امور، دوطرفہ تعلقات کے فروغ اور باہمی تعاون بڑھانے کے حوالے سے تبادلہ خیال کیا گیا۔
وزیر داخلہ محسن نقوی نے معاشی و سماجی شعبوں میں پاکستان کا بھرپور ساتھ دینے پر سعودی عرب کی حکومت اور سفیر کا شکریہ ادا کیا۔ انہوں نے کہا کہ پاک گلف تعاون کونسل انسداد منشیات کانفرنس میں سعودی عرب کے اعلی سطح کے وفد کی شرکت پر مشکور ہیں، انسداد منشیات اور انسانی اسمگلنگ کی روک تھام کیلئے سعودی عرب کے ساتھ تعاون بڑھانا چاہتے ہیں۔
انہوں نے کہا کہ بھکاریوں اور غیر قانونی امیگریشن روکنے کے لئے پاسپورٹ کے حصول کے لیے نئی شرائط عائد کی جا رہی ہیں، بھکاری مافیا کے خلاف گھیرا تنگ کر دیا گیا ہے۔
محسن نقوی کا کہنا تھا کہ سعودی شہریوں کے لئے پاکستان آنے پر کوئی ویزا نہیں، جب چاہیں آئیں۔
وزیر داخلہ محسن نقوی نے منشیات کیس میں ملوث بے گناہ خاندان کی رہائی کے لیے بھر پور تعاون پر بھی سعودی حکومت اور سفیر کا شکریہ ادا کیا۔
انہوں نے کہا کہ بے گناہ خاندان کی رہائی و وطن واپسی کے لیے سعودی عرب نے بہت ساتھ دیا، سعودی عرب حکومت کے تعاون کی بدولت ہی خاندان کے 5 افراد کو رہائی ملی اور وطن واپس آئے۔
اس موقع پر سعودی سفیر کا کہنا تھا کہ پاکستان کے ساتھ انتہائی قریبی تعلقات ہیں، مزید فروغ دینا چاہتے ہیں۔
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی