سہ فریقی کرکٹ سیریز: جنوبی افریقہ کے خلاف میچ میں پاکستان نے کون سے 2 نئے ریکارڈ قائم کیے؟
اشاعت کی تاریخ: 12th, February 2025 GMT
پاکستان نے سہ فریقی کرکٹ سیریز میں جنوبی افریقہ کے خلاف اپنے میچ میں ایک روزہ کرکٹ میں قومی ٹیم کی جانب سے سب سے بڑا ہدف حاصل کرنے اور چوتھی وکٹ کی شراکت میں سب سے بڑی پارٹنرشپ قائم کرنے کا ریکارڈ بنا لیا ہے۔
بدھ کو پاکستان اور جنوبی افریقہ کے درمیان سہ فریقی کرکٹ سیریز کے تیسرے میچ میں جنوبی افریقہ نے پاکستان کو مقررہ 50 اوورز میں 353 رنز کا ہدف دیا جسے پاکستان نے چوتھی اور پانچویں وکٹ کی شراکت میں 49 اوورز میں 4 وکٹوں کے نقصان پر مکمل کر لیا۔
پاکستان کے لیے کرکٹ کی تاریخ میں یہ سب سے بڑا ہدف تھا جسے پاکستان نے 49 اوورز میں 4 وکٹوں کے نقصان پر حاصل کر لیا، اس سے قبل پاکستان نے ایک روز میچوں میں سب سے بڑا ہدف 31 مارچ 2022 کو آسٹریلیا کے خلاف لاہور قذافی اسٹیڈیم میں کھیلے جانے والے میچ میں حاصل کیا تھا، اس میچ میں پاکستان نے آسٹریلیا کی جانب سے دیا گیا 349 رنز کا ہدف 49 اوورز میں 4 وکٹوں کے نقصان پر حاصل کیا تھا۔
پاکستان نے آسٹریلیا سے قبل 10 اکتوبر 2023 کو بھارت کے شہر حیدرآباد میں کھیلے گئے میچ میں سری لنکا کی جانب سے دیا گیا 345 رنز کا ہدف 48.
دوسری جانب سہ فریقی کرکٹ سیریز میں پاکستان اور جنوبی افریقہ کے درمیان تیسرے ون ڈے میچ میں پاکستانی بیٹرز کپتان محمد رضوان اور نائب کپتان سلمان علی آغا نے چوتھی وکٹ میں پاکستان کی جانب سے سب سے بڑی شراکت قائم کرنے کا بھی ریکارڈ قائم کیا ہے۔
قومی ٹیم کے کپتان اور نائب کپتان نے صرف 229 گیندوں پر 260 رنز کی شراکت قائم کی، اس شراکت میں کپتان محمد رضوان نے 128 گیندوں پر ناقابل شکست 122 رنز بنائے جبکہ سلمان آغا نے 103 گیندوں پر 134 رنز بنائے۔
اس سے قبل چوتھی وکٹ کی شراکت میں 206 رنز کی سب سے بڑی پارٹنر شپ پاکستان کے سابق کپتان شعیب ملک اور محمد یوسف کے درمیان قائم ہوئی تھی، دونوں بلے بازوں نے 26 ستمبر 2009 کو سینچورین کرکٹ گراؤنڈ پر بھارت کے خلاف قائم کی تھی۔
اس میچ میں شعیب ملک نے 16 چوکوں کی مدد سے 126 گیندوں پر 128 رنز اسکور کیے تھے جبکہ محمد یوسف نے 7 چوکوں کی مدد سے 88 گیندوں پر 87 رنز اسکور کیے تھے، اس میچ میں پاکستان نے بھارت کو 54 رنز سے شکست دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی افریقہ سلمان آغا سہ فریقی کرکٹ سیریز شعیب ملک محمد رضوان محمد یوسفذریعہ: WE News
کلیدی لفظ: جنوبی افریقہ سہ فریقی کرکٹ سیریز شعیب ملک محمد رضوان محمد یوسف سہ فریقی کرکٹ سیریز جنوبی افریقہ کے میچ میں پاکستان پاکستان نے کی جانب سے گیندوں پر شراکت میں کی شراکت کے خلاف بڑا ہدف قائم کی
پڑھیں:
خان اکیڈمی اور کیئر فاؤنڈیشن کی شراکت، بذریعہ خانمیگو اساتذہ کی رہنمائی کا نیا قدم
— جنگ فوٹوخان اکیڈمی پاکستان نے کیئر فاؤنڈیشن کے ساتھ ایک مفاہمتی یادداشت پر دستخط کیے ہیں، جس کے تحت دونوں ادارے مل کر خانمیگو کا پائلٹ پروگرام شروع کریں گے۔
یہ پروگرام پاکستان میں موجود کیئر فاؤنڈیشن کے اسکولوں میں اساتذہ کو جدید اے آئی ٹیکنالوجی سے لیس کرے گا تاکہ تدریس کا معیار بہتر بنایا جا سکے۔
کیئر فاؤنڈیشن گزشتہ 30 سالوں سے تعلیم کے میدان میں نمایاں خدمات انجام دے رہا ہے اور اس وقت ملک بھر میں 1100 اسکولوں کو سپورٹ فراہم کر رہا ہے۔ اس شراکت کے ذریعے اساتذہ کو خانمیگو اے آئی جیسے جدید ٹولز فراہم کیے جائیں گے، جو ناصرف سبق کی منصوبہ بندی میں مدد دیں گے بلکہ بچوں کی دلچسپی اور سیکھنے کے عمل کو بھی بہتر بنائیں گے۔
یہ معاہدہ اخوت کے بانی و چیئرمین ڈاکٹر امجد ثاقب اور خان اکیڈمی پاکستان کے سی ای او ذیشان حسن کے درمیان طے پایا۔
بانی و چیئرپرسن کیئر فاؤنڈیشن مسز سیما عزیز کا کہنا ہے کہ یہ شراکت ہماری اُس سوچ کی عکاسی کرتی ہے کہ ہر بچے کو معیاری تعلیم تک برابر رسائی حاصل ہونی چاہیے، خانمیگو جیسے اے آئی ٹولز کے ذریعے ہمارے اساتذہ مزید مؤثر انداز میں پڑھا سکیں گے اور بہتر نتائج لا سکیں گے۔
خان اکیڈمی پاکستان کے سی ای او ذیشان حسن کا کہنا ہے کہ ہمیں خوشی ہے کہ کیئر فاؤنڈیشن کے ساتھ مل کر پاکستان میں خانمیگو کا پائلٹ سسٹم متعارف کروا رہے ہیں، ہمیں امید ہے کہ یہ ٹول ہمارے اساتذہ کی روزمرہ تدریس میں مدد دے گا اور نئی نسل کے سیکھنے کے سفر کو بہتر بنائے گا۔
یہ پائلٹ پروگرام پاکستان میں تعلیم کے شعبے میں اے آئی کے مثبت استعمال کی جانب ایک اہم قدم ہے، اگر کامیاب رہا تو یہ شراکت ملک بھر کے اسکولوں میں ٹیکنالوجی کے مؤثر استعمال کی راہ ہموار کرے گی، جس سے سیکھنے اور سیکھانے کا معیار بہتر ہو گا۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں