ماورا حسین کی رخصتی کی جذباتی ویڈیو وائرل
اشاعت کی تاریخ: 12th, February 2025 GMT
پاکستان شوبز انڈسٹری کی معروف اداکارہ ماورا حسین کی رخصتی کی جذباتی ویڈیو سوشل میڈیا پر وائرل ہوگئی۔
پاکستان شوبز انڈسٹری کی معروف جوڑی ماورا حسین اور امیر گیلانی گزشتہ دنوں شادی کے بندھن میں بندھے تھے تاہم رخصتی کے وقت کی دل کو چھو لینے والی ویڈیو سوشل میڈیا پر کافی وائرل ہو رہی ہے جو صارفین کی توجہ کا مرکز بنی ہوئی ہے۔
معروف اداکار و گلوکار فرحان سعید نے اپنی جذباتی پرفارمنس اور تو تھوڑی دیر اور ٹھہر جا گانا گا کر لمحے مزید یادگار بنائے اور دلہن ماورا حسین کو رخصت کیا۔
View this post on InstagramA post shared by MAWRA (@mawrellous)
ماورا حسین نے اپنے انسٹا گرام اکاؤنٹ پر رخصتی کی جذباتی ویڈیو شیئر کی، جس میں رخصتی کے اہم لمحات کو دکھایا گیا ہے۔
ماورا حسین نے کیپشن میں لکھا کہ میں اس گانے کے لئے تیار نہیں تھی، بلکہ ہم اس گانے کے لئے تیار نہیں تھے۔ انہوں نے فرحان سعید کو ٹیگ کرتے ہوئے کہا کہ میں آپ سے بہت پیار کرتی ہوں بھائی۔
ماورا حسین اور امیر گیلانی کی رواں ماہ شادی ہوئی تھی، دونوں پانچ سال سے دوست بھی تھے، ان کی شادی کی تقریبات سوشل، ڈیجیٹل اور الیکٹرانک میڈیا پر توجہ کا مرکز بنی رہیں۔
.ذریعہ: Daily Mumtaz
کلیدی لفظ: ماورا حسین
پڑھیں:
ایشوریا رائے نے ریکھا کو ’ماں‘ کہہ کر پکارا، ویڈیو وائرل
ایشوریا رائے بچن جو بالی ووڈ کی صفِ اول کی اداکاراؤں میں شمار ہوتی ہیں ان کی ایک ویڈیو وائرل ہو رہی ہے جس میں وہ ریکھا کو ’ماں‘ کہہ کر پکار رہی ہیں۔
ویڈیو وائرل ہوئی تو صارفین نے اس پر مختلف تبصرے کیے۔ جہاں کئی صارفین نے ایشوریا کے اس انداز کو سراہا وہیں چند صارفین کا کہنا تھا کہ یہ صرف کمیرے کے سامنے اداکاری کی گئی ہے۔
View this post on Instagram
A post shared by Entertainment Hub (@im_xiddi)
یہ پہلا موقع نہیں ہے جب ایشوریا نے ریکھا کو ’ماں‘ کہہ کر پکارا ہو بلکہ اس سے قبل 22ویں اسٹار اسکرین ایوارڈز پر ایشوریا کو فلم ’جذبہ‘ میں عمدہ اداکاری پر ایوارڈ دیا گیا جو ریکھا نے انہیں دیا۔ جس پر ایشوریا نے اسٹیج پر کہا، ’ماں کے ہاتھوں یہ ایوارڈ حاصل کرنا میرے لیے باعثِ فخر ہے‘۔ جس پر ریکھا نے محبت بھرا جواب دیا کہ، ’میری خواہش ہے آئندہ بھی میں تمہیں اسی طرح ایوارڈ دیتی رہوں‘۔
ریکھا اور ایشوریا کے درمیان یہ خاص تعلق برسوں پرانا ہے۔ ریکھا نے ایک بار ایشوریا کے نام ایک نہایت جذباتی اور محبت بھرا خط بھی تحریر کیا تھا، جو 2016 میں فیمینا میگزین میں شائع ہوا، بالکل اس وقت جب ایشوریا کی فلم ’اے دل ہے‘ مشکل ریلیز ہونے والی تھی۔ یہ خط ایشوریا کے فلمی کیریئر کے 20 سال مکمل ہونے پر لکھا گیا تھا، اور اس میں ریکھا نے ایشوریا کے ساتھ اپنی پہلی ملاقات کی یادیں تازہ کیں۔
خط کا آغاز ریکھا نے ان الفاظ سے کیا: ’میری ایش‘، جو ان دونوں کے تعلق کی گہرائی کا واضح اظہار تھا۔
یہ بھی پڑھیں: جیا بچن کی کس بات پر ایشوریا رائے سب کے سامنے آبدیدہ ہو گئیں؟
خط میں ریکھا نے لکھا کہ وہ عورت جو اپنی روح سے ہم آہنگ ہو، وہ کسی بہتے ہوئے دریا کی مانند ہوتی ہے۔ رکتی نہیں، بہاؤ سے ہٹتی نہیں، اور جہاں جانا چاہتی ہے، وہاں بغیر کسی بناوٹ کے پہنچتی ہے۔ جب وہ اپنی منزل پر پہنچتی ہے تو مکمل طور پر اپنے اصل میں ہوتی ہے۔
انہوں نے کہا کہ لوگ شاید یہ بھول جائیں کہ تم نے کیا کہا یا کیا کیا، لیکن وہ کبھی نہیں بھول پائیں گے کہ تم نے انہیں کیسا محسوس کروایا۔ تم ایک جیتی جاگتی مثال ہو کہ ہمت تمام خوبیوں کی بنیاد ہے، کیونکہ اس کے بغیر کوئی بھی خوبی دیرپا نہیں ہو سکتی۔
ریکھا نے خط میں مزید لکھا کہ تم نے زندگی کے ہر لمحے کو شعور اور شکرگزاری کے ساتھ جیا۔ تم نے وہ راستے چُنے جن سے تمہیں عشق تھا، اور پھر انہیں اتنی خوبصورتی سے نبھایا کہ دیکھنے والے تمہارے سحر میں گرفتار ہو گئے۔ تم مکمل ہو، خود میں کافی ہو۔ کسی کو کچھ ثابت کرنے کی ضرورت نہیں۔ زندگی ان لمحوں سے ناپی جاتی ہے جو ہمیں حیران کر دیتے ہیں، نہ کہ صرف سانسوں کی گنتی سے۔
یہ بھی پڑھیں: ریکھا اور امیتابھ بچن کے افیئر پر جیا بچن کیا کہتی ہیں؟
ایشوریا کے لیے لکھے گئے خط میں ریکھا نے مزید کہا کہ تم نے وقت کی سختیوں سے گزر کر خود کو نئے انداز میں جنم دیا، بالکل اس پرندے کی طرح جو خاکستر سے اٹھ کر دوبارہ بلند ہو جاتا ہے۔ وہ چاند سی معصوم چہرے والی لڑکی، جسے میں نے پہلی بار دیکھا تھا، آج بھی میرے دل کو اسی شدت سے چھو لیتی ہے۔
ریکھا نے مزید کہا کہ تم نے ہر کردار میں اپنی جان ڈال دی، لیکن تمہارا سب سے خوبصورت کردار وہ ہے جو تم نے بطور ماں ادا کیا، محبت دیتی رہو، روشنی پھیلاتی رہو، اور اپنا وہ جادو بکھیرتی رہو جو تمہاری پہچان بن چکا ہے۔
خط کے آخر میں انہوں نے ایشوریا رائے کو دعائیں دیتے ہوئے لکھا کہ میرے دل سے تمہارے لیے بہت دعائیں ہیں۔ جیتی رہو، مجھے تم سے محبت ہے۔ ’ریکھا ماں‘
واضح رہے کہ ایشوریا رائے میگا اسٹار امیتابھ بچن کے بیٹے اور مشہور اداکار ابھیشیک بچن کی شریکِ حیات ہیں۔ حالیہ دنوں میں ان کے ازدواجی رشتے کے حوالے سے مختلف چہ مگوئیاں گردش کر رہی ہیں، جن میں کہا جا رہا ہے کہ یہ رشتہ مشکلات کا شکار ہے اور ایشوریا ممکنہ طور پر طلاق لے لیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھیشیک بچن امیتابھ بچن ایشوریا رائے ایشوریا رائے طلاق بالی ووڈ جیا بچن ریکھا
دہشت گردوں کی 10 نسلیں بھی بلوچستان اور پاکستان کا کچھ نہیں بگاڑ سکتیں، آرمی چیف