ٹنڈوجام آل سندھ ایگریکلچر کا مطالبات کی عدم منظوری پر احتجاج
اشاعت کی تاریخ: 12th, February 2025 GMT
ٹنڈوجام (نمائندہ جسارت )ٹنڈوجام میں آل سندھ ایگریکلچر ریسرچ ریجنل ایمپلائز ایسوسی ایشن کی جانب سے ملازمین کی مراعات میں کمی، پنشن اور فوتی کوٹا ختم کرنے کے خلاف ایک بھرپور احتجاجی ریلی نکالی گئی یگرانومی سیکشن سے شروع ہونے والی اس ریلی کی قیادت صدر علی روشن چنا، غلام مصطفیٰ مگسی، محمد صابر اور نظر پسیو نے کی ریلی مختلف سیکشنز سے ہوتی ہوئی ڈائریکٹر جنرل ریسرچ کے دفتر کے سامنے پہنچی جہاں ملازمین نے دھرنا دیا اور اپنے مطالبات کے حق میں شدید نعرے بازی کی قائدین کا خطاب احتجاجی دھرنے سے خطاب کرتے ہوئے علی روشن چنا، غلام مصطفیٰ مگسی، اور محمد صابر نے کہا کہ حکومت کی جانب سے غریب ملازمین کے ساتھ ناانصافی کی جا رہی ہے ملازمین کی پنشن میں کٹوتی، الاؤنسز میں کمی، اور فوتی کوٹا ختم کرنا سراسر زیادتی ہے، جو ملازمین کے مستقبل کو غیر محفوظ بنا رہی ہے انہوں نے مزید کہا کہ سرکاری اداروں میں ترقیوں کے دروازے بند کر دیے گئے ہیں، جس کی وجہ سے ملازمین کئی سالوں سے ایک ہی گریڈ میں کام کرنے پر مجبور ہیں۔ زرعی تحقیقاتی ادارے کے کوارٹرز پر غیر قانونی قبضے، ملازمین کے لیے سہولیات کا فقدان مقررین نے زرعی تحقیقاتی ادارے کے رہائشی کوارٹرز کی صورتحال پر شدید تشویش کا اظہار کرتے ہوئے کہا کہ یہ کوارٹرز غیر قانونی طور پر دیگر افراد کو دیے جا رہے ہیںجبکہ ادارے کے ملازمین کو ان سہولیات سے محروم رکھا جا رہا ہے اس کے علاوہ، کوارٹرز کی حالت خستہ ہو چکی ہے چھتیں گر رہی ہیں اور بنیادی سہولیات کی کمی ہے جس کی وجہ سے ملازمین اور ان کے اہل خانہ شدید مشکلات کا شکار ہیں ڈی پی سی (ڈپارٹمینٹل پروموشن کمیٹی) بلا کر ملازمین کی فوری ترقی دی جائے زرعی تحقیقاتی ادارے کے کوارٹرز ملازمین کو الاٹ کیے جائیں اور ان کی حالت بہتر بنائی جائے فوتی کوٹا فوری طور پر بحال کیا جائے تاکہ وفات پانے والے ملازمین کے اہل خانہ کو روزگار مل سکے۔ڈرائیوروں کو ٹائم اسکیل دیا جائے تاکہ ان کی تنخواہ میں اضافہ ہو ملازمین کے تمام الاؤنسز بحال کیے جائیں اور پنشن میں کی گئی کٹوتی کو ختم کیا جائے مقررین نے واضح کیا کہ اگر حکومت نے ان مطالبات پر فوری عملدرآمد نہ کیا تو احتجاج کا دائرہ مزید وسیع کیا جائے گا اور یہ احتجاج پورے سندھ میں پھیل سکتا ہے ۔
.ذریعہ: Jasarat News
کلیدی لفظ: ملازمین کے ادارے کے
پڑھیں:
نہروں کے منصوبے کیخلاف سندھ متحد ہے ، پیچھے ہٹنے والے نہیں،وزیراعلیٰ
بعض عناصرکینالز کے خلاف احتجاج کو پیپلز پارٹی کے خلاف بطور سازش استعمال کرنا چاہتے ہیں
بلاول بھٹو پارلیمنٹ میں واضح کر چکے کینالزکو کسی صورت سپورٹ نہیں کیا جا سکتا، مراد علی شاہ
وزیراعلیٰ سندھ سید مراد علی شاہ نے کہا ہے کہ نہروں کے منصوبے کے خلاف سندھ متحد ہے ، ہم پیچھے ہٹنے والے نہیں ہیں۔میڈیا سے گفتگو کرتے ہوئے وزیراعلیٰ سندھ نے نہروں کے منصوبے پر اپنا واضح موقف پیش کیا۔ انہوں نے کہا کہ سندھ کے عوام اس منصوبے کے خلاف متحد اور سراپا احتجاج بنے ہوئے ہیں۔مراد علی شاہ نے کہا کہ عمرکوٹ کے عوام نے سازشی عناصر کو واضح پیغام دیا ہے کہ وہ پاکستان پیپلز پارٹی کے ساتھ کھڑے ہیں۔ سیہون میں گفتگو کرتے ہوئے انہوں نے کہا کہ سوشل میڈیا پر یہ بات چل رہی تھی کہ صرف پیپلز پارٹی ہی کینالز کو بند کروا سکتی ہے اور یہ بات درست ہے کیونکہ ان کینالز کی منظوری نگراں حکومت نے ارسا سے لی تھی۔وزیراعلیٰ سندھ نے واضح کیا کہ پاکستان پیپلز پارٹی کے چیئرمین بلاول بھٹو زرداری پارلیمنٹ ہاؤس میں پہلے ہی یہ واضح کر چکے ہیں کہ ان کینالز کو کسی صورت سپورٹ نہیں کیا جا سکتا۔انہوں نے کہا کہ عمر کوٹ کے ضمنی الیکشن کے دوران عوام نے بھرپور انداز میں پیپلز پارٹی کا ساتھ دیا اور حال ہی میں حیدرآباد ڈویژن میں ہونے والا جلسہ بھی ایک شاندار اور بڑا جلسہ تھا۔ مراد علی شاہ نے اعلان کیا کہ یہ تو صرف ایک ڈویژن کا جلسہ تھا، ابھی سکھر، شہید بینظیر آباد، میرپور خاص اور کراچی میں بھی جلسے ہوں گے ۔مراد علی شاہ نے کینالز کے خلاف احتجاج کرنے والوں کو خوش آمدید کہا اور کہا کہ ان کے احتجاج کو ویلکم کیا جاتا ہے ، تاہم بعض عناصر اس احتجاج کو پیپلز پارٹی کے خلاف سازش کے طور پر استعمال کرنا چاہتے ہیں۔ انہوں نے کہا کہ چیئرمین بلاول بھٹو زرداری نے اعلان کیا ہے کہ ہم کینالز کے معاملے پر عوام کے ساتھ ہیں۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی