شاہ رخ خان کی کلکتہ نائٹ رائیڈرز کو اہم محاذ پر شکست
اشاعت کی تاریخ: 11th, February 2025 GMT
انگلینڈ کی دی ہنڈریڈ فرنچائز لیگ کی ایک ٹیم کو حاصل کرنے کی دوڑ چیلسی فٹبال کلب کے مالکان نے شاہ رخ خان کی آئی پی ایل فرنچائز کولکتہ نائٹ رائیڈر کو پیچھے چھوڑ دیا۔
ریئل اسٹیٹ کمپنی کین انٹرنیشنل (جو چیلسی فٹبال کلب کے شریک مالک ٹوڈ بوہلے اور چیلسی کے ڈائریکٹر جونتھن گولڈسٹین کی ملکیت ہے) نے دی ہنڈریڈ کی ٹیم ٹرینٹ راکٹس کے 49 فی صد حصص خرید لیے ہیں۔
مزید پڑھیئے: ٹیم ہارے یا جیتے اُسے سپورٹ کرنا ہے، محسن نقوی
ایک رپورٹ کے مطابق بوہلے اینڈ کمپنی نے ٹرینٹ راکٹس کو تقریباً 3 کروڑ 90 لاکھ برطانوی پاؤنڈز (13 ارب 52 کروڑ پاکستانی روپے)میں خریدا۔
ای ایس پی این کرک انفو کی رپورٹ کے مطابق کین انٹرنیشنل نے اس بولی میں کولکتہ نائٹ رائیڈر اور بھارتی انویسٹر امت جین کو شکست دے کر ٹرینٹ راکٹس کی ملکیت حاصل کی۔
کلکتہ نائٹ رائیڈر ریڈ چلیز انٹرٹینمنٹ کی ملکیت ہے جس کے مالک بولی وڈ اداکار شاہ رخ خان، بزنس مین جے مہتا اور ان کی اہلیہ اداکارہ جوہی چاولہ ہیں۔
مزید پڑھیئے: نو تعمیر شدہ نیشنل اسٹیڈیم کا رنگا رنگ افتتاح
اگر یہ بولی کلکتہ نائٹ رائیڈر جیت جاتی تو ٹرینٹ راکٹس بھی ٹرنباگو نائٹ رائیڈرز، ایل اے نائٹ رائیڈرز اور ابو ظہبی نائٹ رائیڈرز کے بینر تلے آجاتی۔
دی ہنڈریڈ میں پہلے بھی دو آئی پی ایل فرنچائز ز اپنی ٹیمیں رکھتی ہیں۔ ممبئی انڈینز کی مالک کمپنی ریلائنس انڈسٹریز 6 کروڑ پاؤنڈز مالیت پر اوول انونسبلز کے 49 فی صد حصص رکھتی ہے جبکہ لکھنؤ سپر جائنٹس کی مالک کمپنی آر پی ایس جی گروپ 11 کروڑ 60 لاکھ پاؤنڈز کی ویلیویشن پر مانچسٹر اورجنلز کے 49 فی صد حصص رکھتی ہے۔
.ذریعہ: Express News
کلیدی لفظ: نائٹ رائیڈرز نائٹ رائیڈر ٹرینٹ راکٹس
پڑھیں:
ٹرانس جینڈر کپ: سکھر نے خیرپور کو شکست دیکر ٹائٹل جیت لیا
سندھ میں خواجہ سرا کرکٹرز بھی ایکشن میں آگئے۔صوبائی حکومت کے محکمہ کھیل کے تحت ہونے والا ٹرانس جینڈر کپ سکھر نے خیرپور کو مات دے کر اپنے نام کرلیا، میچ کے دوران وکٹیں حاصل کرنے پر خواجہ سرا اپنے مخصوص انداز میں خوشی کا اظہار کرتے رہے جبکہ فاتح ٹیم نے کامیابی پر والہانہ انداز میں جشن منایا۔
رسہ کشی کے دلچسپ مقابلے میں بھی خواجہ سراوں نے بھرپور ہمت اور طاقت کا مظاہرہ پیش کیا۔
موصولہ اطلاعات کے مطابق میونسپل اسٹیڈیم، سکھر میں خواجہ سرا صبا شاہ اور سویرا بلوچ کی ٹیموں کے درمیان فلڈ لائٹ کرکٹ میچ میں سکھر اور خیرپور ڈویژن کے 35 خواجہ سرا ایکشن میں نظرآ ئے۔ سرکاری سطح پر منعقد ہونے والے اپنی نوعیت کے پہلےٹرانس جینڈر نمائشی میچ میں خیرپور نے پہلے کھیلتے ہوئے5 وکٹوں پر 59 رنز بنائے۔ سونو نے جارحانہ انداز میں ایک چوکے اور تین چھکوں کی مدد سے 25 رنز اسکور کیے۔ سکھر کی نومی نے 2 کھلاڑیوں کو آؤٹ کیا۔
جواب میں سکھر گولڈن نے 3 وکٹیں گنوا کر5 اوررز میں ہدف حاصل کرلیا۔ نومی نے بولنگ کے بعد بیٹنگ میں بھی عمدہ کارکردگی دکھائی اور27 رنز بناکر پلیئر آف دی میچ ایوارڈ حاصل کیا۔
بعدازاں ٹگ آف وار کے مقابلے میں خیرپور نے سکھر کو ہرادیا،آخر میں انعامات تقسیم کیے گئے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج