فلسطین عالم اسلام کی پہلی ترجیح ہے، ایرانی عوام کا عزم
اشاعت کی تاریخ: 11th, February 2025 GMT
تہران میں ایرانی عوام نے تجدید عہد کیا کہ میں ہم اللہ اکبر کے نعرے کیساتھ اس بات کا اعلان کرتے ہیں کہ الہٰی تعلیمات، تزویراتی حقائق، پر زور مقاومتی عمل اور پورے ارادے کیساتھ رہبر انقلاب اسلامی سید علی خامنہ ای کے مطیع اور وفادار ہیں۔ اسلام ٹائمز۔ انقلاب اسلامی ایران کی کامیابی کی سالگرہ کی تقریب کا سلسلہ جاری ہے۔ اس سلسلے میں ایران کے دارالحکومت تہران میں ریلی منعقد ہوئی، ریلی میں لاکھوں لوگ شریک ہوئے، ایرانی صدر اور حماس کے رہنما خلیل الحیہ سمیت شخصیات نے شرکا سے خطاب کیا۔ اس موقع پر قرارداد منظور کی گئی۔ بسم الله الرحمن الرحیم اور سورہ انبیا کی آیت 105 ولقد کتبنا فی الزبورِ مِن بَعْدِ الذکر أن الأرْض یَرِثُهَا عِبَادِی الصَّالِحُونَ سے قرارداد کا آغاز ہوا کہ اللہ کے نام سے جو بڑا مہربان نہایت رحم والا ہے، اور ہم نے زبور میں ذکر کے بعد لکھا ہے کہ زمین میرے نیک بندوں کو ملے گی۔
ایرانی عوام نے اعلان کیا کہ اب انقلاب اسلامی کی فتح کی 46ویں سالگرہ کے موقع پر امام خمینی، رہبر معظم امام خامنہ ای کے افکار اور شہدائے انقلاب اسلامی کے نورانی راستے، دفاع مقدس، مزاحمتی محاذ اور عظیم اسلامی ملت ایران کے شہداء بالخصوص شہید حاج قاسم سلیمانی، شہید سید حسن نصر اللہ اور شہید اسماعیل ہنیہ کے ساتھ اپنے عہد کی تجدید کرتے ہیں۔ ہم ایک بار پھر یہ اظہار کرتے ہیں اسلامی انقلاب کے نظریات پر قائم ہیں اور پختہ عزم اور محکم ارداے کے ساتھ اپنے موقف کو دہراتے ہیں۔ انقلاب کے دوسرے مرحلے کے آغاز اور تمدن نوین اسلامی کے احیا کے شعور اوراس کےمنہج پر انقلاب امام مہدی تک جہد و جہد رکھیں گے
ہم اللہ اکبر کے نعرے کیساتھ اس بات کا اعلان کرتے ہیں کہ الہٰی تعلیمات، تزویراتی حقائق، پر زور مقاومتی عمل اور پورے ارادے کیساتھ رہبر انقلاب اسلامی سید علی خامنہ ای کے مطیع اور وفادار ہیں۔ قرارداد میں غیور ایرانی عوام کی جانب سے عزم کا اظہار کیا گیا کہ ہم اسلامی ایران کی بیدار قوم مسئلہ فلسطین کو اسلامی دنیا کی پہلی ترجیح سمجھتے ہوئے مزاحمتی محاذ اور شجاعان اسلام کی فتح پر مبارکباد دیتے ہوئے، بین الاقوامی فوجداری عدالت (دی ہیگ) کے فیصلے کی حمایت کرتے ہیں اور غزہ کے مجرموں کو سزائے موت دینے کا مطالبہ کرتے ہیں۔ ہم مقاومتی محاذ بالخصوص فلسطین، حزب اللہ اور انصار اللہ کی حمایت جاری رکھیں گے۔
ہم مغربی ایشیا اور دنیا کا نقشہ بدلنے کے امریکی فرضی منصوبے کی مذمت کرتے ہوئے اعلان کرتے ہیں کہ ہم متکبر امریکی حکومت سے مذاکرات کو عقل و ہوش کے منافی سمجھتے ہیں۔ ہم ایرانی قوم اسلامی انقلاب کی الہی میراث اور امام خمینی (رح) کے عظیم کارنامے کو محفوظ رکھنے پر یقین رکھتے ہیں جو ہزاروں گلابی کفن پہننے والے شہداء کے پاکیزہ خون کا نتیجہ ہے اور امام راحل سید روح اللہ خمینی کی راہ پر چلتے ہوئے ان کے صالح جانشین، خلف صالح امام حضرت آیت اللہ سید علی خامنہ ای کی مکمل اطاعت کرتے ہوئے پوری بصیرت اور پختہ عزم کے ساتھ رہبر انقلاب کی حیات بخش رہنمائی میں آخری سانس اور آخر فرد تک اس راستے پر چلتے رہیں گے۔
و السلام علیکم و رحمة الله و برکاته
۲۲ بهمن ماه ۱۴۰۳ مطابق با یازدهم شعبان المعظم شعبان ۱۴۴۶
ذریعہ: Islam Times
کلیدی لفظ: انقلاب اسلامی ایرانی عوام کرتے ہیں خامنہ ای
پڑھیں:
فلسطین کے معاملے پر امت مسلمہ کو فیصلہ کن اقدامات کرنے ہوں گے ، ایاز صادق
ISTANBUL:قومی اسمبلی کے اسپیکر ایاز صادق نے استنبول میں فلسطین کی حمایت میں ہونے والے اجلاس میں فلسطین سمیت دیگر ممالک کے اسپیکرز سے ملاقات میں کہا کہ پاکستان فلسطینیوں کے حق میں آواز بلند کرتا رہے گا اور امت مسلمہ کو اس معاملے پر فیصلہ کن اقدامات کرنے ہوں گے۔
ترکیے کے شہر استنبول میں فلسطین کی حمایت میں منعقدہ اجلاس میں اسپیکر قومی اسمبلی سردار ایاز صادق نے شریک ممالک کے اسپیکرز، پریذائیڈنگ افسران سے اہم ملاقاتیں کیں اور فلسطین کی تشویش ناک صورت حال سمیت باہمی دلچسپی کے دیگر امور پر تبادلہ خیال کیا گیا۔
اسپیکر قومی اسمبلی نے ترکیے کے اسپیکر کے فلسطین کے معاملے پر اہم اجلاس منعقد کرنے کے اقدام کو سراہا اور کہا کہ اجلاس کا مقصد فلسطینی عوام کے ساتھ عالمی یکجہتی کا اظہار تھا اور انہوں نے پاکستان کی فلسطینیوں کے ساتھ غیرمتزلزل حمایت کا عزم دہرایا۔
انہوں نے کہا کہ مسلم اُمہ کو فلسطین پر متحد ہو کر مشترکہ لائحہ عمل اپنانے کی ضرورت ہے، فلسطینیوں پر ریاستی دہشت گردی دنیا کے جدید اصولوں کے منافی ہے، فلسطین کے معاملے پر امت مسلمہ کو فیصلہ کن کرنے ہوں گے۔
اسپیکر قومی اسمبلی ایاز صادق نے فلسطین کے اسپیکر سے ملاقات کی اور فلسطینی عوام سے یک جہتی کا اظہار کیا اور کہا کہ پاکستان کے عوام فلسطینی ماؤں، بچوں اور بزرگوں کا درد محسوس کرتے ہیں۔
ان کا کہنا تھا کہ پاکستان کے عوام کے دل فلسطینی عوام کے ساتھ دھڑکتے ہیں، پاکستان کی پارلیمان اور عوام مشکل گھڑی میں فلسطین کے عوام کے ساتھ کھڑے ہیں اور پاکستان فلسطینی عوام کی اخلاقی، سیاسی اور سفارتی حمایت جاری رکھے گا۔
ایاز صادق نے کہا کہ پاکستان کی پارلیمان نے فلسطینیوں کے حق میں متعدد قراردادیں منظور کیں ہیں، اسرائیلی فورسز نے غزہ میں بربریت کا بازار گرم کر رکھا ہے، فلسطین کی حالت زار پر اقوام عالم کی مجرمانہ خاموشی سمجھ سے بالاتر ہے۔
اس موقع پر فلسطین کے اسپیکر نے پاکستان کے فلسطینی عوام کے لیے دردمندانہ جذبات کو سراہا۔
اسپیکر قومی اسمبلی ایاز صادق نے ترکیہ کے ہم منصب سے بھی ملاقات کی اور فلسطین کی تشویش ناک صورت حال پر مشترکہ حکمت عملی پر زور دیتے ہوئے کہا کہ فلسطین میں انسانی المیہ جنم لے چکا ہے۔
اماراتی ہم منصب سے ملاقات میں ایاز صادق نے فلسطین میں فوری جنگ بندی پر زور دیا، اسی طرح ملائیشیا کے ہم منصب سے ملاقات میں دونوں رہنماؤں نے فلسطین پر پارلیمانی سطح پر تعاون پر اتفاق کیا۔
اسپیکر ایاز صادق نے انڈونیشیا کے اسپیکر سے بھی ملاقات کی، جہاں اسلاموفوبیا پر اظہار تشویش اور فلسطینی عوام سے یکجہتی کا اظہار کیا گیا۔
انہوں نے کہا کہ مشترکہ کوششوں کے ذریعے اقوام عالم کو مظلوم اقوام کے حق خود ارادیت کے لیے بیدار کرنا پڑے گا، پاکستان پارلیمانی سفارت کاری کے ذریعے فلسطینیوں کے حق میں آواز بلند کرتا رہے گا۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ