ایریزونا: ایئر پورٹ پر دو چھوٹے طیاروں میں تصادم، ایک شخص ہلاک
اشاعت کی تاریخ: 11th, February 2025 GMT
ویب ڈیسک—امریکہ کی ریاست ایریزونا کے ایک ہوائی ڈے پر دو چھوٹے پرائیویٹ طیاروں میں تصادم کے نتیجے میں ایک شخص ہلاک جب کہ متعدد زخمی ہو گئے ہیں۔
حکام کا کہنا ہے کہ پیر کو اسکاٹسڈیل ایئر پورٹ پر لینڈنگ کے دوران ایک طیارہ رن وے سے اتر گیا اور پارکنگ میں کھڑے ایک اور طیارے سے ٹکرا گیا۔
رپورٹس کے مطابق لینڈنگ کرنے والا طیارہ راک بینڈ ’ماٹلی کروو‘ کے رکن وینس نیل کا تھا۔
وینس نیل کے ترجمان وورک رابنس کا ایک بیان میں کہنا تھا کہ وینس نیل جہاز میں سوار نہیں تھے۔
حادثے کے شکار ہونے والے طیارے کے حوالے سے انہوں نے مزید بتایا کہ اس جہاز میں دو پائلٹ اور دو مسافر سوار تھے۔
اسکاٹسڈیل ایئرپورٹ کی ایک ترجمان کیلی کسٹر کا کہنا تھا کہ ہوئی اڈے کی جانب آنے والا طیارہ رن وے پر اپنی درست سمت برقرار نہیں رکھا سکا تھا اور ایک نجی پراپرٹی پر موجود گلف اسٹریم 200 طیارے سے ٹکرا گیا تھا۔
انہوں نے مزید کہا کہ ایسا معلوم ہو رہا تھا کہ ایئرپورٹ پہنچے والے طیارے کا بایاں لینڈنگ گیئر فیل ہو چکا ہے اور یہ ان طیاروں میں تصادم کا سبب بنا۔
ان کا کہنا تھا کہ ٹیکساس سے آنے والے طیارے پر چار افراد سوار تھے جب کہ ایئرپورٹ پر پارکنگ میں موجود جہاز میں ایک شخص موجود تھا۔
اسکاٹسڈیل فائر ڈپارٹمنٹ کے مطابق حادثے میں زخمی ہونے والے دو افراد کو ٹراما سینٹر منتقل کیا گیا ہے۔
ان کا کہنا تھا کہ اس واقعے میں ایک شخص ہلاک ہوا ہے جس کی لاش طیارے سے نکالنے کے لیے فوری کارروائی شروع کی گئی۔
Photo Gallery:
حادثے کے بعد حکام نے رن وے کو بند کر دیا ہے۔
اسکاٹسڈیل کی خاتون میئر لیزا بوروسکی کا کہنا ہے کہ وہ صورتِ حال کا جائزہ لے رہی ہیں اور ایئرپورٹ حکام، پولیس اور وفاقی اداروں سے رابطے میں ہیں۔
یہ ایئر پورٹ جیٹ طیاروں کی آمد اور روانگی کے لیے مشہور ہے۔ اس خطے میں جب کھیلوں کے بڑے مقابلے ہوتے ہیں تو یہاں پرائیویٹ جہازوں کی آمد اور روانگی بڑھ جاتی ہے۔
امریکہ میں حالیہ دنوں میں کئی فضائی حادثات ہوئے ہیں جن میں سب سے زیادہ 67 اموات دو ہفتے قبل دارالحکومت واشنگٹن ڈی سی کے قریب ایک مسافر طیارے اور فوجی ہیلی کاپٹر میں تصادم میں ہوئی ہیں۔
جنوری کے آخر میں فلاڈیلفیا میں ایک طیارہ گر کر تباہ ہو گیا تھا جس میں طیارے میں سوار چھ افراد ہلاک ہوئے تھے جب کہ زمین پر موجود ایک شخص بھی مارا گیا تھا۔
گزشتہ ہفتے الاسکا میں ایک چھوٹا طیارہ لاپتا ہو گیا تھا جس کے بارے میں بعد ازاں رپورٹ سامنے آئی کہ وہ گر کر تباہ ہو چکا ہے اور اس میں سوار تمام 10 افراد ہلاک ہو گئے ہیں۔
اس رپورٹ میں خبر رساں ادارے ’ایسوسی ایٹڈ پریس‘ سے معلومات شامل کی گئی ہیں۔
.ذریعہ: Al Qamar Online
کلیدی لفظ: پاکستان کھیل کہنا تھا کہ گیا تھا ایک شخص میں ایک کا کہنا
پڑھیں:
برطانوی طیارہ بردار جہاز بحر ہند اور بحر الکاہل میں جنگی گروپ کی قیادت کرے گا
برطانیہ کی شاہی بحریہ کا مرکزی اور جدید طیارہ بردار جہاز “ایچ ایم ایس پرنس آف ویلز” جلد ہی ایک اہم مشن پر بحرِ ہند اور بحر الکاہل کی جانب روانہ ہونے والا ہے۔ یہ جہاز ایک کثیر ملکی بحری جنگی گروپ کی قیادت کرے گا، جس کا مقصد دنیا کو یہ دوٹوک پیغام دینا ہے کہ “ہم اپنے عزم میں سنجیدہ ہیں”۔
طیارہ بردار جہاز، جس کی مالیت 3 ارب پاؤنڈ (تقریباً 4 ارب ڈالر) ہے، آٹھ ماہ پر محیط ایک بڑے مشن کی قیادت کرے گا، جس میں برطانیہ، ناروے اور کینیڈا کے جنگی بحری جہاز شامل ہوں گے۔ یہ مشن بحیرہ روم، مشرقِ وسطیٰ، جنوب مشرقی ایشیا، جاپان اور آسٹریلیا تک پھیلا ہوا ہو گا۔ اس میں تقریباً 40 ممالک کے ساتھ مشترکہ مشقیں، کارروائیاں اور سرکاری دورے شامل ہوں گے۔
آج منگل کے روز پورٹسماؤتھ بندرگاہ کے قریب ہزاروں خاندانوں اور حامیوں کے جمع ہونے کی توقع ہے، جو 65 ہزار ٹن وزنی اس جنگی جہاز کو الوداع کہنے آئیں گے۔ اس روانگی کے موقع پر شاہی بحریہ کی تباہ کن جنگی کشتی “ایچ ایم ایس ڈونٹلس” بھی طیارہ بردار جہاز کے ساتھ روانہ ہو گی۔
بعد میں ناروے کی دو جنگی کشتیاں بھی اس بیڑے کا حصہ بنیں گی، جب کہ برطانیہ اور کینیڈا کی فریگیٹس بھی پلیموَتھ بندرگاہ سے روانہ ہو کر مشن میں شامل ہوں گی۔
یہ بحری جنگی گروپ (CSG) مکمل تب ہوگا جب شاہی بحریہ کی امدادی کشتی “آر ایف اے ٹائیڈسپرنگ” بھی اس میں شامل ہو جائے گی۔ علاوہ ازیں، “آپریشن ہائی ماسٹ” کے نام سے جاری اس مشن کے دوران دیگر بحری جہاز اور ممالک بھی مرحلہ وار اس کارروائی میں شریک ہوں گے۔
روانگی کے بعد کے دنوں میں 18 برطانوی ایف-35 بی لڑاکا طیارے بھی طیارہ بردار جہاز پر شامل کیے جائیں گے، اور توقع ہے کہ مشن کے دوران یہ تعداد 24 طیاروں تک پہنچ جائے گی۔
اسی کے ساتھ ساتھ، متعدد ہیلی کاپٹرز اور ڈرون طیارے بھی اس بحری بیڑے کا حصہ بنیں گے۔
Post Views: 1
پاک-چین میری ٹائم کے شعبے میں مذاکرات کا پانچواں دور، تعاون برقرار رکھنے کا فیصلہ