افغانستان: قندوز میں خود کش دھماکا، 5 افراد جاں بحق، متعدد زخمی
اشاعت کی تاریخ: 11th, February 2025 GMT
قندوز: افغانستان کے صوبہ قندوز میں ایک خودکش دھماکے کے نتیجے میں 5 افراد جاں بحق اور متعدد زخمی ہو گئے۔
غیر ملکی میڈیا رپورٹس کےمطابق دھماکا قندوز کے کابل بینک میں اس وقت ہوا جب حکومتی اہلکار اپنی ماہانہ تنخواہیں حاصل کرنے کے لیے بینک میں جمع تھے، دھماکے کے بعد علاقے میں خوف و ہراس پھیل گیا اور قریبی عمارتوں میں بھی زبردست نقصان کی اطلاعات موصول ہوئیں۔
قندوز پولیس کے سربراہ جمعہ خان خاکسار نے دھماکے کی تصدیق کرتے ہوئے کہا کہ یہ ایک خودکش حملہ تھا جس میں خودکش حملہ آور نے تنخواہ حاصل کرنے والے افراد کو بینک آنےپر نشانہ بنایا۔
زخمیوں کو فوری طور پر اسپتال منتقل کر دیا گیا ہے جبکہ سیکیورٹی فورسز نے علاقے کو گھیرے میں لے کر تحقیقات کا آغاز کر دیا ہے۔
دھماکے کے وقت بینک میں کئی سرکاری ملازمین موجود تھے جو تنخواہیں لینے آئے تھے، جن میں سے بیشتر زخمی ہوئے ہیں، مقامی حکام کے مطابق زخمیوں کی تعداد میں مزید اضافہ ہونے کا خدشہ ہے۔
دوسری جانب افغان حکومت نے دھماکے کی شدید مذمت کرتے ہوئے حملہ آوروں کو فوری طور پر گرفتار کرنے کی یقین دہانی کرائی ہے،زخمیوں کی مدد کے لیے اعلیٰ حکام اسپتال پہنچے اور اس افسوسناک واقعے کے حوالے سے مزید معلومات حاصل کریں۔
خیال رہےکہ اب تک کسی گروہ نے اس حملے کی ذمہ داری قبول نہیں کی، لیکن طالبان کی حکومت کے بعد یہ خودکش حملہ ایک اور دہشت گردی کی کارروائی کے طور پر سامنے آیا ہے۔
.ذریعہ: Jasarat News
پڑھیں:
ہری پور، جنگلی چیتے کا گھروں پر حملہ، متعدد بکریاں ہلاک
مقامی افراد نے بتایا کہ ہری پور کے علاقے خان پورکے بالائی گاؤں چسکلاں میں جنگلی چیتا آبادیوں میں گھس آیا جس کے باعث گاؤں کے لوگ خوف میں مبتلا ہیں۔ اسلام ٹائمز۔ ہری پور میں جنگلی چیتا آبادی میں گھس آیا اور متعدد بکریاں مار ڈالیں جس کے باعث عوام میں خوف و ہراس پھیل گیا۔ مقامی افراد نے بتایا کہ ہری پور کے علاقے خان پورکے بالائی گاؤں چسکلاں میں جنگلی چیتا آبادیوں میں گھس آیا جس کے باعث گاؤں کے لوگ خوف میں مبتلا ہیں۔ جنگلی چیتے نے مقامی آبادی میں کے دو گھروں پرحملہ کیا، جنگلی چیتا نے حملہ کر کے غریب کسان کی قیمتی بکریاں ہلاک کرڈالیں، بعد ازاں مقامی شخص پر بھی حملے کی کوشش کی، لوگوں کے شورمچانے پر چیتا جنگل میں روپوش ہوگیا۔ مقامی افراد نے بتایا کہ اس سے قبل بھی ایک دوسرے واقعے میں ایک شیر کے حملے سے باپ، بیٹا زخمی ہوگیا جب کہ درجنوں مویشی ہلاک ہوچکے ہیں۔
محکمہ وائلڈ لائف نے تاحال کوٸی عملی اقدامات نہیں کیے جس کے باعث گاؤں کے لوگ خوف میں مبتلا ہیں۔ لوگوں کا کہنا ہے کہ جنگل میں خوراک ختم یونے کی وجہ سے جنگلی شیر، چیتا، ریچھ ملحقہ پہاڑی دیہاتوں کا رخ کرتے ہیں اور غریب کسانوں کی بکریاں، گائے اور مرغیاں چیڑ پھاڑ کر کھا جاتے ہِیں۔
بابراعظم کی ناقص فارم؛ پشاور زلمی کی کپتانی» بھی لینےکا مطالبہ