سندھ سالڈ ویسٹ مینجمنٹ بورڈ کا اجلاس ، شہر کی صفائی ستھرائی کے انتظامات پر گفتگو ، اہم ہدایات بھی جاری
اشاعت کی تاریخ: 11th, February 2025 GMT
کراچی: مینیجنگ ڈائریکٹر سندھ سالڈ ویسٹ مینجمنٹ بورڈ، طارق علی نظامانی کی صدارت میں ہونے والے اجلاس میں شہر کی صفائی ستھرائی کے انتظامات پر تفصیل سے گفتگو کی گئی۔ اجلاس میں طارق علی نظامانی نے ہدایت دیتے ہوئے کہا کہ کچرالینڈ فل سائٹ یا جی ٹی ایس تک کچرا منتقلی کے لیے ہیوی گاڑیوں کی آمدورفت صرف رات کے اوقات میں کی جائے گی تاکہ شہر میں ہیوی ٹریفک کے باعث حادثات میں اضافے کو روکا جا سکے۔ انہوں نے واضح طور پر کہا کہ سندھ حکومت کی جانب سے وضع کردہ ٹریفک قوانین پر سختی سے عمل درآمد کیا جائے گا اور کسی بھی خلاف ورزی کی صورت میں کمپنی پر بھاری جرمانے عائد کیے جائیں گے۔اجلاس میں تمام اضلاع کے متعلقہ افسران اور نجی کمپنیز کے نمائندگان بھی موجود تھے۔
ایم ڈی سالڈ ویسٹ مینجمنٹ بورڈ کی ہدایت پر، شبِ برات کے دوران عوام کی سہولت کے لیے ضلع جنوبی، شرقی، غربی، وسطی، کورنگی، کیماڑی، اور ملیر میں مرکزی قبرستانوں کی صفائی ستھرائی کا کام جاری ہے۔ اس دوران ان قبرستانوں کے باہر ریلیف کیمپ بھی لگائے جائیں گے جہاں عوام کی شکایات کا فوری ازالہ کیا جائے گا۔
تمام اضلاع میں مساجد اور امام بارگاہوں کے اطراف بھی صفائی ستھرائی کی جائے گی اور چونے کا چھڑکاؤ کیا جائے گا۔ اس مقصد کے لیے اضافی سینیٹری ورکرز کو شفٹوں میں تعینات کیا جائے گا۔
شکایات کا فوری ازالہ اور شکایتی مراکز کی فعالیت
شکایات کے فوری ازالے کے لیے خصوصی عملہ ہر وقت موجود رہے گا اور اس کے علاوہ شکایتی مراکز بھی فعال رہیں گے۔ شہریوں کی شکایات سالڈ ویسٹ کے ہیلپ لائن نمبر 1128، واٹس ایپ نمبر 0318-1030851 یا SSWMB Complaints Karachi ایپ کے ذریعے بھی درج کرائی جا سکتی ہیں۔
طارق علی نظامانی نے تمام متعلقہ افسران اور نجی کمپنیز کو ہدایت کی کہ وہ مذہبی دنوں کے دوران مساجد، امام بارگاہوں اور قبرستانوں میں آنے والے شہریوں کو ہر ممکن سہولت فراہم کریں اور اس سلسلے میں دیگر اداروں کے ساتھ مکمل رابطے میں رہیں۔
.ذریعہ: Daily Ausaf
کلیدی لفظ: صفائی ستھرائی کیا جائے گا سالڈ ویسٹ کے لیے
پڑھیں:
متنازع کینالز منصوبہ: نواز شریف اور شہباز شریف کی پیپلزپارٹی کے تحفظات دور کرنے کی ہدایت
پاکستان مسلم لیگ ن کے صدر نواز شریف اور وزیراعظم شہباز شریف نے دریائے سندھ سے کینالز نکالنے کے متنازع منصوبے پر پیپلزپارٹی کے تحفظات دور کرنے کی ہدایت کردی۔
وزیراعظم کے مشیر برائے سیاسی امور رانا ثنااللہ نے ایک بیان میں کہا ہے کہ نواز شریف اور شہباز شریف نے ہدایت کی ہے کہ پیپلزپارٹی سے بات چیت کرکے مسئلے کا حل نکالا جائے، ہم وسائل کی منصفانہ تقسیم پر یقین رکھتے ہیں۔
یہ بھی پڑھیں حکومت متنازع نہری منصوبہ روکے ورنہ ساتھ نہیں چل سکتے، بلاول بھٹو نے شہباز شریف کو خبردار کردیا
انہوں نے کہاکہ پیپلزپارٹی کی قیادت کا بہت احترام ہے لیکن انہیں ذمہ داری سے بات کرنی چاہیے، کیوں کہ وہ وفاق کا حصہ ہے اور آئینی عہدوں پر موجود ہے۔
انہوں نے کہاکہ 1991 میں صوبوں کے درمیان طے پانے والے معاہدے اور 1992 کے ارسا ایکٹ کی موجودگی میں کسی سے ناانصافی نہیں ہو سکتی، کسی صوبے کا پانی دوسرے صوبے کے حصے میں نہیں جا سکتا، اس امر کو یقینی بنانے کے لیے ملک میں آئینی طریقہ کار اور قوانین موجود ہیں۔
رانا ثنااللہ نے کہاکہ پانی کے معاملے پر سیاست نہیں ہونی چاہیے، تمام مسائل پر ٹیبل پر بیٹھ کر حل ہو سکتے ہیں، ہم سمجھتے ہیں کہ اکائیوں کی مضبوطی وفاق کی مضبوطی ہے۔
واضح رہے کہ دریائے سندھ سے کینالز نکالنے کے منصوبے پر پیپلزپارٹی سامنے آگئی ہے، اور اعلان کیا ہے کہ ہم کسی صورت دریائے سندھ سے کینالز نہیں نکالنے دیں گے۔
یہ بھی پڑھیں سوال ہی پیدا نہیں ہوتا کہ وفاقی حکومت نہروں کے منصوبے پر کام کرسکے، وزیراعلیٰ سندھ
گزشتہ روز حیدر آباد میں جلسہ عام سے خطاب کرتے ہوئے چیئرمین پی پی پی بلاول بھٹو نے کہاکہ اگر نہروں کے متنازع منصوبے پر نظرثانی نہ کی گئی تو ہم مرکز میں مسلم لیگ ن کے ساتھ نہیں چل سکتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ارسا ایکٹ بلاول بھٹو پیپلزپارٹی تحفظات دریائے سندھ شہباز شریف متنازع کینالز منصوبہ مسلم لیگ ن معاہدہ نواز شریف ہدایت وی نیوز
17 اپریل کو عام تعطیل کا اعلان