لیبیا کشتی حادثے میں 7 پاکستانیوں کے جاں بحق ہونے کی تصدیق
اشاعت کی تاریخ: 11th, February 2025 GMT
ویب ڈیسک: وفاقی تحقیقاتی ادارے (ایف آئی اے) نے لیبیا کشتی حادثے میں جاں بحق ہونے والے افراد میں7 کے پاکستانی شہری ہونے کی تصدیق کردی۔
ایف آئی اے کے مطابق لیبیا کشتی حادثے میں جاں بحق ہوے والے 16 افراد میں سے7 افراد پاکستانی تھے جن کی شناخت ان کے پاسپورٹ سے ہوئی۔
ایف آئی اے کا بتانا ہے کہ حادثے میں جاں بحق 7 پاکستانی خیبر پختونخوا کے رہائشی ہیں جن میں سے 6 کا تعلق کرم اور ایک کا باجوڑ سے ہے۔
پنجاب حکومت کا آرگنائزڈ کرائم کے خاتمے کیلئے بڑا فیصلہ
واضح رہے کہ گزشتہ روز لیبیا میں پاکستانی سفارتخانے نے بتایا تھا کہ 65 مسافروں کو لے جانے والی کشتی مرسا ڈیلا کی بندرگاہ کے قریب الٹی گئی تھی۔
ابتدائی معلومات میں یہ بات سامنے آئی تھی کہ حادثے میں 16 پاکستانی جاں بحق ہوئے تاہم گزشتہ روز جاں بحق ہونے والے صرف 10 افراد کی لاشیں نکالی گئی تھیں۔
ذریعہ: City 42
پڑھیں:
اوورسیز پاکستانی کنونشن کی کامیابی ریاست سے وابستگی کا مظہر ہے ، فیصل کریم کنڈی
اوورسیز پاکستانی کنونشن کی کامیابی ریاست سے وابستگی کا مظہر ہے ، فیصل کریم کنڈی WhatsAppFacebookTwitter 0 19 April, 2025 سب نیوز
اسلام آباد(سب نیوز)گورنر خیبرپختونخوا فیصل کریم کنڈی نے کہا ہے کہ اوورسیز پاکستانی کنونشن کی کامیابی اور دنیا بھر سے پاکستانیوں کی بھرپور شرکت اس بات کا ثبوت ہے کہ بیرون ممالک مقیم پاکستانی آج بھی نظریہ پاکستان اور ریاست کے ساتھ کھڑے ہیں۔وہ اسلام آباد میں سابق ڈپٹی میئر سید ذیشان علی نقوی کی جانب سے اوورسیز پاکستان فانڈیشن (او پی ایف)کے چیئرمین سید قمر رضا، مینجنگ ڈائریکٹر افضال بھٹی اور بیرون ملک سے آئے مہمانوں کے اعزاز میں منعقدہ عشائیے سے بطور مہمانِ خصوصی خطاب کر رہے تھے۔
مارگلہ کی پہاڑیوں کے دامن میں منعقدہ اس پر وقار تقریب میں اسلام آباد کی اہم سیاسی، سماجی، اور کاروباری شخصیات نے شرکت کی۔ تقریب کا مقصد اوورسیز پاکستانیوں کے مسائل اور تجاویز پر کھل کر تبادلہ خیال کرنا تھا۔اس موقع پر او پی ایف کے چیئرمین سید قمر رضا نے کہا کہ کنونشن میں کیے گئے اعلانات صرف زبانی دعوے نہیں بلکہ ان پر فوری اور مربوط عملدرآمد کا روڈ میپ موجود ہے۔ انہوں نے بتایا کہ اوورسیز کنونشن ہر سال منعقد کیا جائے گا تاکہ سمندر پار پاکستانیوں کے مسائل کو موثر انداز میں حل کیا جا سکے سابق میئر اسلام آباد ذیشان نقوی نے مختلف براعظموں سے آنے والے مہمانوں کا شکریہ ادا کرتے ہوئے کہا کہ اسلام آباد میں اوورسیز پاکستانیوں کی موجودگی نے ایک خوبصورت اور امید افزا ماحول پیدا کیا ہے۔
انہوں نے تجویز دی کہ یہ میلہ ہر سال سجے تاکہ بیرون ملک مقیم پاکستانیوں کے باہمی روابط مضبوط ہوں اور پاکستان کی معاشی ترقی میں ان کا کردار مزید بڑھ سکے۔پارلیمانی سیکرٹری فرح ناز اکبر نے کہا کہ بیرون ملک مقیم پاکستانیوں نے ریاست مخالف پروپیگنڈا کو نہ صرف مسترد کیا بلکہ ماہانہ چار ارب ڈالر سے زائد ترسیلات زر بھجوا کہ ایک نیا ریکارڈ بھی قائم کیا جو کہ موجود حکومتی نظام پر اورسیز پاکستانیوں کے اعتماد کا اظہار ہے۔تقریب کے شرکا نے کنونشن کے انعقاد کو احسن اقدام قرار دیا جس میں نہ صرف انہیں اپنے مسائل پر بات کرنے کا موقع ملا بلکہ اس بارے میں وزیر اعظم شہباز شریف ، آرمی چیف عاصم منیر اور دیگر حکومتی رہنماوں کو سننے کا موقع بھی ملا۔
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی