قومی اسمبلی : بات کی اجازت نہ ملنے پر پی ٹی آئی کاہنگامہ ، واک آئوٹ : بھارت نیاسندھ طاس معاہدہ چاہتا ہے : پالیمانی سیکرٹری
اشاعت کی تاریخ: 11th, February 2025 GMT
اسلام آباد (نمائندہ خصوصی) قومی اسمبلی کے اجلاس میں پی ٹی آئی کا ایک بار پھر احتجاج، بانی پی ٹی آئی کی رہائی کے لیے نعرے، واک آؤٹ اور کورم کی نشاندہی کی گئی جبکہ حکومت کورم پورا کرنے میں کامیاب رہی۔ اجلاس میں متعدد ارکان نے پوائنٹ آف آرڈر پر اظہار خیال بھی کیا۔ اجلاس کچھ دیر جاری رہنے کے بعد منگل کی دوپہر دو بجے تک ملتوی کر دیا گیا۔ قومی اسمبلی کا اجلاس سپیکر قومی اسمبلی سردار ایاز صادق کی سربراہی میں منعقد ہوا، اجلاس میں اسپیکر قومی اسمبلی نے پینل آف چیئرپرسن کا اعلان کیا جس میں بلال اظہر کیانی عبدالقادر پٹیل ، رومینہ خورشید عالم، سید وسیم حسین، شاہدہ اختر، شیر علی ارباب شامل ہیں۔ اجلاس میں اپوزیشن لیڈر عمر ایوب نے بات کی اجازت دینے کا مطالبہ کیا۔ اجازت نہ ملنے پر حسب روایت اپوزیشن نے احتجاج شروع کر دیا۔ اپوزیشن ارکان ڈیسک بجاتے رہے اپوزیشن کی جانب سے نعرے بازی کی گئی۔ نہ وہ باغی نہ غدار قیدی نمبر 804 اپوزیشن کی جانب سے بانی پی ٹی آئی کی رہائی کے نعرے لگائے گئے اور پی ٹی آئی ارکان نے ایوان سے واک آؤٹ کر دیا۔ اجلاس کی کارروائی جاری رہی ، سپیکر قومی اسمبلی سردار ایاز صادق نے وزارت آبی وسائل کے سوال کا جواب نہ ملنے پر برہمی کا اظہار کیا۔ اور وزارت آبی وسائل کے افسر سے تحریری جواب مانگ لیا۔ پیپلز پارٹی کے رہنما نوید قمر نے کہا کہ منسٹر کو یہاں ہونا چاہئے تھا، سپیکر نے سیکرٹری آبی وسائل کو بھی طلب کر لیا۔ وقفہ سوالات میں سندھ طاس معاہدے سے متعلق سوال پر پارلیمانی سیکرٹری برائے آبی وسائل رانا انصار نے جواب دیتے ہوئے کہا کہ بھارت چاہتا ہے۔ معاہدے کو نئے سرے سے موڈیفائی کیا جائے۔ جس پر پیپلز پارٹی کی رکن اسمبلی نفیسہ شاہ کے سوال پر رانا انصار نے کہا کہ مارچ 2023ء سے پاکستان بھارت سے خط و کتابت میں لگا ہوا ہے، پاکستان اس سلسلے میں خطوط لکھ رہا ہے، وہاں سے کوئی جواب نہیں آرہا ہے، پارلیمانی سیکرٹری ڈاکٹر درشن نے کہا کہ گوادر پورٹ مکمل فعال ہے اجلاس میں ملک بھر میں ایچ آئی وی کے 74ہزار 619 کیسز رجسٹرڈ ہونے کا انکشاف کیا گیا۔ ملک بھر کے اے آر ٹی مراکز میں کل 74 ہزار 619 ایچ آئی وی کیس رجسٹرڈ ہیں۔ پورے ملک میں 94 اینٹی ریٹرو وائرل تھیراپی مراکز قائم ہیں۔ وزارت آبی وسائل نے سندھ طاس معاہدہ سے متعلق سوال پر تحریری جواب قومی اسمبلی میں پیش کر دیا۔ پاکستان نے بگلیہار ڈیم، دریائے نیلم کو دریائے جہلم کی طرف موڑنے پر اعتراض اٹھایا۔ ملک کے تمام بڑے آبی ذخائر پانی کی شدید کمی کا شکار ہے۔ وزارت آبی وسائل نے تحریری جواب میں کہا کہ سندھ میں پانی کی قلت ہے کسان متاثر ہیں۔ روایتی طور پر ہمیشہ نان فلڈ سیزن میں پانی کی قلت ہو جاتی ہے۔ انہوں نے کہا کہ اس معاملے پر مشترکہ مفادات کی کونسل کا اجلاس بلایا جائے، ایم کیو ایم کی رکن اسیہ اسحاق نے کہا کہ کراچی میں تعلیم کے سٹرکچر کو خراب کیا جا رہا ہے کراچی کے میڈیکل کالجز میں 100 ایسے سٹوڈنٹ ہیں جو ڈبل ڈومی سائل پر ائے ہوئے ہیں۔ کراچی کے طلباء کا مستقبل تباہ کیا گیا ہے بچوں کو میٹرک کے امتحان میں فیل کیا گیا اور اس کے بعد ایف اے کے امتحان میں فیل کیا گیا ہمیں زندہ رہنے کا حق حاصل ہے یا نہیں، بعدازاں صدر نشیں عبدالقادر پٹیل نے ایوان کا اجلاس منگل کی دوپہر دو بجے تک ملتوی کر دیا۔ جبکہ 2023 میں مفت آٹا تقسیم کی تفصیلات قومی اسمبلی میں پیش کر دی گئی وزیر صنعت و پیداوار رانا تنویر حسین نے کہا کہ وفاقی حکومت نے مارچ 2023ء میں وفاقی کابینہ کی منظوری سے مفت آٹا تقسیم کا فیصلہ کیا۔ وزارت صنعت و پیداوار کے مطابق اسلام آباد کے شہریوں کو 2023ء میں 1 ارب 36 کروڑ روپے مالیت سے زائد کا مفت آٹا تقسیم کیا گیا۔ اسلام آباد کے 5 لاکھ 88 ہزار 768 شہریوں کو مفت آٹا تقسیم کیا گیا۔ بی آئی ایس پی کے رجسٹرڈ مستحقین کو 10 کلو کے تین تھیلے فراہم کیے گئے۔ مفت آٹا لینے والوں میں بی آئی ایس پی کے 3 لاکھ 30 ہزار 184 خاندان شامل ہیں۔ قومی اسمبلی کو وزارت صحت کی طرف سے بتایا گیا ہے کہ اسلام اباد سیکٹر آئی 14 میں ماں اور بچہ سپیتال کی تعمیر کا منصوبہ زیر عمل ہے۔ گزشتہ پانچ سال کے دوران 11 کمپنیوں کو گاڑیاں بنانے کے لائسنس جاری کیے ہیں، ان میں فوٹون جے ڈبلیو اٹو پارک سازگار انجینئرنگ ورکس خالد اینڈ خالد ہولڈنگز، الحاج اٹو موٹو ، الحاج بس کمپنی اور ایم جی جے ڈبلیو اٹو موبائل پاکستان شامل ہیں۔
.ذریعہ: Nawaiwaqt
کلیدی لفظ: مفت ا ٹا تقسیم قومی اسمبلی اجلاس میں پی ٹی ا ئی نے کہا کہ اسلام ا کیا گیا کر دیا
پڑھیں:
پاکستان ٹیپ بال پریمیئر لیگ اور پاپولر گروپ آف انڈسٹریز میں معاہدہ
data-id="863a0a8" data-element_type="widget" data-widget_type="theme-post-content.default">
کراچی (اسپورٹس رپورٹر) پاکستان میں ٹیپ بال کرکٹ کے فروغ اور اسے بین الاقوامی معیار پر روشناس کرانے کے لیے ایک اہم پیش رفت سامنے آئی ہے۔ پاکستان ٹیپ بال پریمیئر لیگ (PTPL) اور ملک کے معروف کاروباری ادارے پاپولر گروپ آف انڈسٹریز کے مابین ایک اہم اشتراک کا معاہدہ طے پا گیا ہے۔ اس پروقار تقریب میں معاہدے پر پاکستان ٹیپ بال پریمیئر لیگ کے چیف ایگزیکٹو آفیسر (سی ای او) خرم مجید اور پاپولر گروپ آف انڈسٹریز کے منیجنگ ڈائریکٹر (ایم ڈی) شہباز علی ملک نے دستخط کیے۔ اس موقع پر دونوں اداروں کے دیگر اعلیٰ عہدیداران اور کھیلوں سے وابستہ شخصیات بھی موجود تھیں۔ اس موقع پر پاپولر گروپ کے ڈائریکٹر عمران روشن بھی موجود تھے۔ معاہدے کے تحت، پاپولر گروپ اور پی ٹی پی ایل کے اشتراک سے2026 میں ایک شاندار ٹیپ بال کرکٹ ٹورنامنٹ کا انعقاد کیا جائے گا۔ منتظمین کے مطابق یہ میگا ایونٹ کراچی یا لاہور میں سے کسی ایک شہر میں منعقد ہوگا، جس میں ملک بھر سے بہترین ٹیپ بال اسٹارز ایکشن میں نظر آئیں گے۔ اس لیگ کا مقصد گلی محلوں میں کھیلے جانے والے اس مقبول کھیل کو پروفیشنل پلیٹ فارم مہیا کرنا ہے۔ تقریب سے خطاب کرتے ہوئے پاپولر گروپ آف انڈسٹریز کے ایم ڈی شہباز علی ملک نے کہا کہ صحت مند معاشرے کی تشکیل میں کھیلوں کا کردار کلیدی حیثیت رکھتا ہے۔ انہوں نے کہا کہ ہمارا عزم ہے کہ پاکستان کے نوجوانوں کو مثبت سرگرمیوں کی جانب راغب کیا جائے۔ جب کھیلوں کے میدان آباد ہوتے ہیں تو اسپتال ویران ہو جاتے ہیں۔ پاپولر گروپ ہمیشہ سے کھیلوں کی سرپرستی کرتا آیا ہے اور ہم مستقبل میں بھی اس قومی فریضے میں اپنا بھرپور تعاون جاری رکھیں گے۔ انہوں نے مزید کہا کہ ٹیپ بال کرکٹ پاکستان کا سب سے زیادہ کھیلا جانے والا کھیل ہے اور اس ٹورنامنٹ کے ذریعے ہم چھپے ہوئے ٹیلنٹ کو دنیا کے سامنے لائیں گے۔ پاکستان ٹیپ بال پریمیئر لیگ کے سی ای او خرم مجید نے پاپولر گروپ کے تعاون کا شکریہ ادا کرتے ہوئے کہا کہ یہ شراکت داری پاکستان میں ٹیپ بال کرکٹ کے مستقبل کو روشن کرے گی اور کھلاڑیوں کو مالی و پیشہ ورانہ سطح پر مستحکم کرنے میں مددگار ثابت ہوگی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر