شہدادپور،ریٹائرڈ ملازمین سراپااحتجاج
اشاعت کی تاریخ: 11th, February 2025 GMT
شہدادپور (نمائندہ جسارت) گروپ انشورنس، بینوولنٹ فنڈ سمیت ریٹائرڈ ملازمین کے دیگر تمام الاؤنسز نہ دیے جانے کیخلاف گریوا کے ضلعی صدر میر محمد ڈاہری، خیر محمد مری، یوسف گاھو، محمد ہارون خاصخیلی، جیئند وسان، معشوق علی لغاری، غلام حیدر لغاری، ہاشم سولنگی، جمشیر لغاری، علی غلام نظامانی اور علی کی قیادت میں لطیف پارک سے پریس کلب کلب تک احتجاجی مظاہرہ کیا۔ اس موقع پر گریوا کے ضلعی صدر میر محمد ڈاہری، یوسف گھاؤ خیر محمد مری، ہارون خاصخیلی اور دیگر رہنماؤں نے خطاب کرتے ہوئے کہا کہ اس احتجاج کے ذریعے ہم سندھ حکومت سے مطالبہ کرتے ہیں کہ گروپ انشورنس سمیت ریٹائرڈ ملازمین کے جائز مسائل فوری طور پر حل کیے جائیں اور ملازمین کی بے چینی دور کی جائے۔
پڈعیدن ،دوموٹرسائیکلوں میں تصادم ،نوجوان جاں بحق
پڈعیدن(نمائندہ جسارت) پڈعیدن پھل لنک روڈ پر تیز رفتار دو موٹرسائیکلوں میں تصادم کے نتیجے میں ایک نوجوان 15 سالہ فرحان مری موقع پر ہی دم توڑگیا جبکہ دو نوجوان رضوان راجپر اور عثمان راجپر شدید زخمی ہو گئے ۔اہل علاقہ نے پہنچ کر لاش اور زخمیوں کو اسپتال پہنچایا پولیس نے ضروری کارروائی کے بعد لاش ورثا کے حوالے کردی جبکہ زخمیوں کو ابتدائی طبی امداد کے بعد نوابشاہ منتقل کردیا۔
ذریعہ: Jasarat News
پڑھیں:
آغا راحت کی سرکاری ملازمین پر تنقید مناسب نہیں، انجینیئر انور
گلگت بلتستان کے وزیر زراعت نے ایک بیان میں کہا کہ اگر کسی افسر کے خلاف ٹھوس شواہد کے ساتھ کرپشن کے ثبوت ہیں تو محترم آغا کرپشن کی روک تھام کے متعلقہ اداروں سے رجوع کریں تاکہ ہم بھی آغا کے موقف کی تائید کریں گے۔ اسلام ٹائمز۔ گلگت بلتستان کے وزیر زراعت و خوراک انجینیر محمد انور نے اپنے ایک بیان میں کہا ہے کہ آغا راحت حسین ایک زمہ دار شخصیت ہونے کے باوجود سرکاری ملازمین پر تواتر سے تنقید مناسب نہیں ہے۔ انہوں نے کہا کہ آغا صاحب ہمارے لئے لائق احترام ہیں لیکن ہر جمعے کی تقریر میں مخصوص افسران کو نشانہ بنانا جائز نہیں ہے۔ آغا راحت کو سنی سنائی باتوں پر تحقیق کرنی چاہیے کیونکہ لوگ اپنے ذاتی مفادات کیلئے ان تک غلط خبریں پہنچاتے ہیں۔ انہوں نے کہا کہ گلگت بلتستان میں اس وقت ہم آہنگی اور محبت کا ماحول ہے اور ہم چاہتے ہیں کہ یہی ماحول برقرار رہے کیونکہ امن، ترقی ہم سب کی مشترکہ ضرورت ہے۔ ہم جب ایک دوسرے کا احترام کریں گے تو یہی ماحول دیرپا ہو گا، سرکاری افسران کے حوالے سے آغا راحت کی جانب سے متواتر بیانات اور تنقید کا سامنے آنا سمجھ سے باہر ہے۔ وزیر زراعت نے مزید کہا کہ اگر کسی افسر کے خلاف ٹھوس شواہد کے ساتھ کرپشن کے ثبوت ہیں تو محترم آغا کرپشن کی روک تھام کے متعلقہ اداروں سے رجوع کریں تاکہ ہم بھی آغا کے موقف کی تائید کریں گے۔ لیکن پسند ناپسند اور بغیر تحقیق کے مخصوص افسران کو ہدف تنقید بنانا نامناسب ہے اور یہ روش آغا راحت کے علاوہ اگر کوئی دوسرے طبقے کا مذہبی پیشوا بھی اپناتا ہے تو بھی زیادتی ہے۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش