ایشین فٹبال کپ کوالیفائرز 2027 سے پاکستان کے باہر ہونے کا خدشہ
اشاعت کی تاریخ: 10th, February 2025 GMT
فیفا کی جانب سے پاکستان فٹبال فیڈریشن (پی ایف ایف (کو معطل کیے جانے کے سبب ایشین کپ کوالیفائرز 2027 میں پاکستان کی شرکت خطرے میں پڑ گئی۔
ایشین فٹ بال کنفیڈریشن (اے ایف سی) کی طرف سے جاری کردہ ایک خط کے مطابق پاکستان کی مردوں کی قومی ٹیم فی الحال 2027 کے ایشین کپ کوالیفائرز میں شرکت کے لیے نااہل ہے تاوقتیکہ منگل 4 مارچ 2025 تک مذکورہ معطلی اٹھا نہ لی جائے۔
یہ بھی پڑھیں: فیفا نے پاکستان فٹبال فیڈریشن کی رکنیت ایک بار پھر کیوں معطل کردی؟
پی ایف ایف کی معطلی 6 فروری 2025 کو نافذ ہوئی تھی جس کا مطلب ہے کہ پی ایف ایف نے اپنی رکنیت کے حقوق کھو دیے ہیں اور اب وہ معطلی ہٹنے تک بین الاقوامی مقابلوں بشمول ایشین کپ کوالیفائرز میں شامل نہیں ہو سکے گی۔ کوالیفائرز 25 مارچ 2025 کو شروع ہونے والے ہیں۔
اے ایف سی نے پی ایف ایف کو ایک سخت ڈیڈ لائن دی ہے کہ اگر کوالیفائر شروع ہونے سے 3 ہفتے قبل 4 مارچ 2025 تک معطلی نہیں اٹھائی گئی تو پاکستان ٹورنامنٹ سے دستبردار ہونے پر مجبور ہو جائے گا۔
اس سے پی ایف ایف کے پاس مسائل کو حل کرنے کے لیے بہت کم وقت باقی رہ جاتا ہے کیونکہ اسے مقابلہ کی مختلف ضروریات جیسے کہ ٹیم کی رجسٹریشن اور میچ کی تصدیق کو بھی پورا کرنا ہوگا۔
مزید پڑھیے: سعودی عرب میں فٹبال کی تاریخ کا بہترین ورلڈ کپ ہوگا، رونالڈو
فیفا کی جانب سے پی ایف ایف کی حالیہ معطلی پاکستان کے فٹبال کے حوالے سے عزائم کے لیے ایک اہم دھچکا ہے۔ اے ایف سی ایشین کپ کوالیفائرز سے محروم ہونا نہ صرف ٹیم کے مسابقتی مستقبل کو متاثر کرے گا بلکہ ملک کے اندر کھیل کی مزید ترقی میں بھی رکاوٹ بنے گا۔
ایشین کوالیفائرز کی ڈیڈ لائن کے قریب آنے کے ساتھ ساتھ تمام نظریں پی ایف ایف اور فیفا پر ہیں تاکہ یہ تعین کیا جا سکے کہ آیا پاکستان کی جانب سے ایشیا کے سب سے بڑے فٹ بال مقابلوں میں سے ایک میں شرکت کے لیے معطلی بروقت ختم ہو جائے گی۔
واضح رہے کہ حال ہی میں فیفا نے فیفا پاکستان فٹبال فیڈریشن کو فوری طور پر معطل کردیا ہے اور پاکستان کی ٹیموں پر انٹرنیشنل ایونٹس میں شرکت پر پابندی عاٸد کردی ہے۔
مزید پڑھیں: سعودی عرب میں ہونے والے ورلڈکپ میں سیالکوٹ کے بنے فٹ بالز استعمال ہوں گے: سفارتکار
اس کی وجہ یہ بیان کی گئی کہ پی ایف ایف اپنے آئین میں وہ ترامیم شامل کرنے میں ناکام رہی جو شفاف اور جمہوری انتخابات کو یقینی بنانے اور فیفا کے طے شدہ اصولوں کے مطابق پی ایف ایف کی نارملائزیشن کا عمل مکمل کرنے میں اہم کردار ادا کرسکتی ہیں۔ ۔ معطلی کے سبب پاکستان کو فیفا سے ملنے والے فنڈز کی فراہمی بھی معطل ہوجائے گی۔
فیفا کا کہنا تھا کہ پی ایف ایف کی معطلی اس وقت تک برقرار رہے گی جب تک پی ایف ایف کانگریس فیفا اور ایشین فٹبال کنفیڈریشن (اے ایف سی) کی جانب سے پیش کردہ آئینی ترامیم کی منظوری نہیں دے دیتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشین فٹ بال کنفیڈریشن ایشین فٹبال کپ کوالیفائرز 2027 پاکستان فٹبال فیڈریشن فیفا.ذریعہ: WE News
کلیدی لفظ: ایشین فٹبال کپ کوالیفائرز 2027 پاکستان فٹبال فیڈریشن فیفا پاکستان فٹبال فیڈریشن پی ایف ایف کی پاکستان کی کی جانب سے اے ایف سی ایشین فٹ کے لیے
پڑھیں:
پنجاب میں غیر معمولی ہیٹ ویو کا خدشہ
لاہور (اُردو پوائنٹ اخبارتازہ ترین۔ 19 اپریل2025ء) پنجاب میں غیر معمولی ہیٹ ویو کا خدشہ، تعلیمی اداروں میں موسم سرما کی تعطیلات کب ہوں گی؟۔ تفصیلات کے مطابق پنجاب بھر میں ہیٹ ویو کا خدشہ، ہیٹ ویو کے باوجود محکمہ سکول ایجوکیشن نے سالانہ کلینڈر کے مطابق یکم جون سے موسم گرما کی چھٹیوں کی اجازت مانگ لی۔(جاری ہے)
محکمہ سکول ایجوکیشن نے یکم جون سے چھٹیاں دینے کی سمری وزیر اعلی کو بھی بھیجوا دی، سیکرٹری ایجوکیشن خالد نذیر ووٹو کا کہنا تھا کہ سکولوں میں ہیٹ ویو کی وجہ سے جلد بھی چھٹیاں دی جاسکتی ہیں،موسم گرما کی چھٹیاں دینے کے حوالے سے سمری وزیر اعلی پنجاب کو بھیجوائی جاچکی ہے، چھٹیاں جلد دینے یا نہ دینے کا حتمی منظوری وزیر اعلی پنجاب دیں گی۔
والدین کا کہنا تھا کہ ہیٹ ویو کے خدشہ کے باوجود تاحال سکولوں کے اوقات کار میں کمی نہیں کی گئی،حکومت کو چاہیے کی گرمی کی شدت کو دیکھتے ہوئے سکولوں کے اوقات کار میں فوری کمی جائے۔ موسم گرما کی چھٹیاں دینے کے حوالے سے بھی شیڈول کا جلد اعلان کیا جائے۔ اساتذہ کے مطابق چھٹیوں کے شیڈول کا اعلان تاخیر سے کرنے سے نصابی سرگرمیوں کا ٹائم ٹیبل بنانے میں مشکلات درپیش ہیں۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل