نوجوان سوشل میڈیا کا مثبت استعمال کریں، ڈاکٹر حسن قادری
اشاعت کی تاریخ: 10th, February 2025 GMT
منہاج سپریم کونسل کے چیئرمین کا کہنا ہے کہ سوشل میڈیا آج کے دور کا جدید ابلاغی ٹول ہے۔ اس کے جہاں ثمرات ہیں وہاں مضمرات بھی ہیں۔ اسے استعمال کرنیوالوں کی تربیت لازم ہے۔ والدین کی یہ ذمہ داری ہے کہ وہ اپنے بچوں کی تعلیم کے ساتھ ساتھ تربیت کا بھی بندوبست کریں۔ بالخصوص اپنے بچوں کے شب و روز اور سوشل میڈیا کے استعمال پر نظر رکھیں۔ اسلام ٹائمز۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے جرمنی فرینکفرٹ میں معاشرتی اقدار کا تحفظ اور سیرت مصطفیؐ کے موضوع پر خصوصی سیمینار سے خطاب کرتے ہوئے کہا کہ اسلام قیامت تک کا ضابطہ حیات ہے۔ ہر دور کے ابلاغی تقاضوں کے مطابق دعوت و تبلیغ کو عام کرنا بحیثیت مسلمان ہم سب کی دینی ذمہ داری ہے۔ اسلام معاشرتی تقاضوں کو پورا کرنے کی تعلیم دیتا ہے۔ مصطفوی معاشرہ، معیشت اور معاشرت کے تقاضوں سے لاتعلق نہیں رہ سکتا اور نہ ہی اسلام کے اندر رہبانیت ہے۔ انہوں نے کہا کہ سوشل میڈیا آج کے دور کا جدید ابلاغی ٹول ہے۔ اس کے جہاں ثمرات ہیں وہاں مضمرات بھی ہیں۔ اسے استعمال کرنیوالوں کی تربیت لازم ہے۔ والدین کی یہ ذمہ داری ہے کہ وہ اپنے بچوں کی تعلیم کے ساتھ ساتھ تربیت کا بھی بندوبست کریں۔ بالخصوص اپنے بچوں کے شب و روز اور سوشل میڈیا کے استعمال پر نظر رکھیں۔
انہوں نے کہا کہ حضور نبی اکرمؐ خلق کے اعلیٰ ترین مرتبہ پر فائز ہیں، قرآن نے اُن کے خلق کو حسین قرار دیا ہے۔ اپنے اخلاق و کردار سنوارنے کی کوشش کرنا بھی آپؐ کی اطاعت و اتباع ہے۔ سیمینار میں میاں عمران الحق، ڈاکٹر چن نصیب، میاں مقصود اکرام، فیصل حسین مشہدی، راجہ بابر حسین، علامہ حسن میر قادری، علامہ سید فرحت حسین شاہ، علامہ ہارون عباسی الازہری، مفتی ممتاز حسین پیرزادہ، علامہ صدیق احمد پتھروی، علامہ توصیف احمد، سجاد وڑائچ، یاسر احمد، حاجی ارشاد وڑائچ، جویریہ سجاد، قاری فیض احمد، سید ارشد شاہ، شفیق مراد، علامہ سردار افتخار، فیض عالم قادری نے شرکت کی۔ منہاج القرآن انٹرنیشنل کی سپریم کونسل کے چیئرمین اپنے 4 روزہ تنظیمی و دعوتی دورہئ جرمنی کے بعد گزشتہ رات سویڈن روانہ ہو گئے جہاں وہ سیرت النبیؐ کانفرنس اور پاکستانی کمیونٹی کی طرف سے منعقدہ سماجی تقریبات و سیمینار سے خطاب کریں گے۔
ذریعہ: Islam Times
کلیدی لفظ: سوشل میڈیا اپنے بچوں
پڑھیں:
نوجوان قومی اثاثہ‘ فکر اقبال کو تعلیمی نصاب کا حصہ بنائیں گے: احسن اقبال
لاہور+ اسلام آباد (کلچرل رپورٹر+ نمائندہ خصوصی) علامہ محمد اقبال کے یوم وفات پر اقبال اکادمی کے زیراہتمام ’’عصر حاضر اور فکر اقبال‘‘ پر ایوان اقبال میں کانفرنس ہوئی۔ افتتاحی سیشن کی صدارت وفاقی وزیر احسن اقبال نے کی۔ مہمان خصوصی منیب اقبال تھے۔ ماہر اقبالیات ڈاکٹر تقی عابدی، ڈاکٹر فخر الحق نوری، ڈاکٹر عارف خان، ڈاکٹر نجیب جمال، ڈاکٹر رابعہ سرفراز اور رانا اعجاز حسین، ڈاکٹر عبدالرؤف رفیقی، ڈاکٹر مجاہد حسین نے بھی شرکت کی۔ احسن اقبال نے کہا کہ ہمارے نوجوان قومی اثاثہ ہیں، حکومت اقبال کے فکر کو تعلیمی نصاب کا حصہ بنائے گی، تمام صوبوں میں اقبال اکادمی کی شاخوں کا قیام عمل میں لایا جائے گا اور 2027 میں علامہ اقبال کی 150ویں یوم پیدائش کو قومی و بین الاقوامی سطح پرشاندار طریقے سے منانے کے انتظامات کیے جائیں گے۔ منیب اقبال نے کہا کہ تعلیمی نظام میں اقبال کے افکار کو شامل کرنے کی ضرورت ہے۔ قبل ازیں احسن اقبال نے ڈائریکٹر اقبال اکادمی کے ہمراہ مزار اقبال پر حاضری دی، پھولوں کی چادر چڑھائی اور فاتحہ خوانی کی۔ اقبال اکادمی میں گوشہ نوادرات اقبال کا افتتاح بھی کیا۔ دریں اثناء احسن اقبال نے اسلام آباد میںاْڑان پاکستان انوویشن حب‘‘ کے سیزن 2 کا باقاعدہ افتتاح کیا۔ 10 ارب روپے مالیت کے اس قومی پروگرام کا مقصد تخلیقی سوچ، اشتراکِ عمل اور جدت کو فروغ دے کر پاکستان کو معاشی و سماجی ترقی کی نئی راہوں پر گامزن کرنا ہے۔ انہوں نے بتایا کہ پاکستان انوویشن فنڈ کے تحت اب تک 39 منصوبوں کو 14 کروڑ 70 لاکھ روپے کی معاونت فراہم کی جا چکی ہے، جنہوں نے زراعت، صحت، تعلیم اور ٹیکنالوجی جیسے اہم شعبوں میں مثبت اور قابل پیمائش نتائج دیئے ہیں۔
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی