کراچی: انٹر میں کم نتائج پر قائم کمیٹی نے الٹا زیادہ نمبر والوں کو نشانے پر لے لیا
اشاعت کی تاریخ: 10th, February 2025 GMT
کراچی انٹر بورڈ کے 11ویں جماعت کے کم نتائج پر قائم کمیٹی نے الٹا زیادہ نمبر حاصل کرنے والے طلبا کی تحقیقات کر ڈالی۔
این ای ڈی یونیورسٹی کے وائس چانسلر کی قیادت میں تشکیل دی گئی فیکٹ فائنڈنگ کمیٹی نے کراچی انٹر بورڈ کے 11ویں جماعت کے نتائج پر تحقیقات مکمل کر لی ہیں جس کے دوران غلطیوں کی نشاندہی بھی کی گئی ہے۔
ذرائع کے مطابق کمیٹی نے اپنی رپورٹ تیار کر کے سندھ اسمبلی میں پیش کرنے کے لیے 12 فروری کی تاریخ مقرر کی ہے۔
کمیٹی نے انٹر بورڈ کراچی کے نتائج میں صرف 30 فیصد نمبرز حاصل کرنے کے بعد اس کی جانچ پڑتال شروع کی تھی۔ اس دوران این ای ڈی یونیورسٹی کے ناظم امتحانات نے اپنی ٹیم کے ہمراہ انٹر بورڈ کراچی کے دفتر پر پیر کو چھاپہ مارا اور امتحانی سیکشنز میں این ای ڈی کے ملازمین کو تعینات کر دیا تھا۔
کمیٹی کی تحقیقات میں زیادہ نمبرز حاصل کرنے والی کاپیوں کی دوبارہ جانچ پڑتال کی گئی جبکہ کم نمبرز اور اسکروٹنی کے بجائے اے گریڈ حاصل کرنے والے طلبا کی کاپیاں چیک کی گئیں۔
کمیٹی نے اپنی رپورٹ میں یہ بھی ذکر کیا کہ نتائج میں بعض غلطیوں کی نشاندہی کی گئی ہے، جن میں کتابوں کی فراہمی اور سلیبس کے بروقت مکمل نہ ہونے کے مسائل شامل ہیں۔
وائس چانسلر این ای ڈی ڈاکٹر سروش لودھی کی قیادت میں کی جانے والی اس تحقیقات میں سفارشات تیار کی گئی ہیں تاکہ آئندہ اس طرح کی مشکلات سے بچا جا سکے۔
کمیٹی کے مطابق، نتائج کی جانچ پڑتال درست تھی لیکن کچھ شکایات اور لاپرواہی بھی سامنے آئی ہیں جن کے حوالے سے اصلاحات کی تجویز دی گئی ہے۔
کمیٹی میں دو نئے اراکین شامل کیے گئے ہیں جن میں چیئرمین چارٹر انسپیکشن اینڈ ایویلیوایشن کمیٹی نعمان احسن اور این ای ڈی یونیورسٹی کے ناظم امتحانات صفی احمد ذکی شامل ہیں۔
اس سے قبل کمیٹی میں شامل سیکریٹری سندھ ایچ ای سی ڈاکٹر اکبر زیدی اور آئی بی اے کے ایگزیکٹیو ڈائریکٹر نے ذاتی وجوہات کی بنا پر معذرت کرلی تھی
.ذریعہ: Express News
پڑھیں:
مبینہ کرپشن کی تحقیقات، اسپیکر کے پی بابر سلیم سواتی کو کلین چٹ مل گئی
سپیکر خیبر پختونخوا اسمبلی بابر سلیم سواتی—فائل فوٹوانٹرنل اکاؤنٹیبلٹی کی مبینہ کرپشن کی تحقیقاتی رپورٹ میں اسپیکر خیبر پختونخوا اسمبلی بابر سلیم سواتی کو کلین چٹ مل گئی، تمام الزامات سے بری ہوگئے۔
رکن انٹرنل اکاؤنٹیبلٹی کمیٹی قاضی انور کی اسپیکر کے پی سے متعلق انکوائری رپورٹ سامنے آگئی۔
رپورٹ کے مطابق اسپیکر بابر سلیم سواتی پر لگائے گئے الزمات ثابت نہیں ہو سکے، اسپیکر ہاؤس کی تزئین و آرائش پر 3 کروڑ روپے کی ادائیگی میں اسپیکر کا کوئی کردار نہیں تھا، بحیثیت اسپیکر بابر سواتی کا آسٹریلیا میں ہونے والی کانفرنس میں شرکت کے لیے جانا ضروری تھا۔
ذرائع کا کہنا ہے کہ اسپیکر خیبر پختونخوا اسمبلی بابر سلیم سواتی نے اپنے خلاف احتساب کمیٹی میں جمع کروائی گئی شکایت کا تحریری جواب دے دیا۔
رپورٹ میں کہا گیا ہے کہ کلاس فور ملازمین کو روزگار تبادلے کے دفتر کی سفارش پر بغیر اشتہار قوائد کے مطابق بھرتی کیا گیا، اسپشل سیکریٹری سمیت تمام تقرریاں اور ترقیاں قانون کے مطابق قرار پائیں، اسمبلی سیکریٹریٹ میں تمام تقرریاں اور ترقیاں ڈی پی سی کی سفارشات پر ہوئیں۔
انٹرنل اکاؤنٹیبلٹی کمیٹی رپورٹ کے مطابق اسپیکر اپنے عہدے کے لحاظ سے اسمبلی کے سامنے جوابدہ ہیں نہ کہ کمیٹی کے سامنے۔
تحقیقاتی رپورٹ تحریک انصاف کے سیکریٹری جنرل سلمان اکرم راجہ کو ارسال کردی گئی۔
رپورٹ میں کہا گیا کہ اعظم سواتی نے اسپیکر کے پی اسمبلی پر کرپشن اور غیر قانونی بھرتیوں کا الزام لگایا تھا۔
اسپیکر نے الزامات کا نوٹس لیتے ہوئے خود انکوائری کے لیے پارٹی کمیٹی کو خط لکھا تھا، کمیٹی نے اعظم خان سواتی سے الزامات کے ثبوت طلب کیے تھے۔
غزہ کا گمنام ہیرو، پیاسوں تک پانی پہنچانے والا ابراہیم علوش