وزیرِ اعلیٰ سندھ مراد علی شاہ سے فرانس کے سفیر نکولس گالے کی ملاقات
اشاعت کی تاریخ: 10th, February 2025 GMT
---فائل فوٹو
وزیرِ اعلیٰ سندھ مراد علی شاہ سےفرانس کے سفیر نکولس گالے نے ملاقات کی ہے۔
ترجمان وزیرِ اعلیٰ سندھ کے مطابق وزیرِ اعلیٰ سندھ اور فرانسیسی سفیر کے درمیان ہونے والی ملا قات میں باہمی دلچسپی کے امور پر تبادلۂ خیا ل کیا گیا۔
وزیرِ اعلیٰ سندھ نے فرانسیسی سفیر کو بتایا کہ اب معاشی صورتِ حال بہتر ہو رہی ہے جس کا فائدہ پورے ملک کو ہو گا، پاکستان میں دہشت گری اندرونی معاملہ نہیں بلکہ یہ بیرونی سازش ہے، دہشت گردی پر کافی قابو پا لیا ہے، سیکیورٹی ادارے بھر پور کردار ادا کر رہے ہیں۔
وزیر اعلیٰ سندھ نے فرانسیسی سفیر کو 2022ء کے سیلاب متاثرین کی بحالی کے حوالے سے آگاہ کرتے ہوئے کہا کہ سیلاب متاثرین کے لیے 21 لاکھ گھروں کی تعمیر تیزی سے جاری ہے۔
انہوں نے بتایا کہ ملک کی معاشی صورتِ حال کے باعث ترقیاتی پروگرام متاثر ہوا ہے، زراعت کے لیے زرعی زمینوں اور آبپاشی کے نظام کو بحال کیا گیا ہے۔
وزیرِ اعلیٰ سندھ مراد علی شاہ سے اٹلی کی سفیر ماریلیا ارمیلن نے ملاقات کی۔
ترجمان وزیرِ اعلیٰ سندھ نے بتایا ہے کہ ملاقات میں زرعی ٹیکس پر بھی گفتگو کی گئی۔
اس موقع پر فرانسیسی سفیر نے کہا کہ آئی ایم ایف زراعت پر بھی ٹیکس لگانا چاہتا تھا۔
جس پر وزیر اعلیٰ سندھ نے انہیں آگاہ کیا کہ صوبے میں زرعی ٹیکس پہلے سے نافذ تھا، زرعی ٹیکس 3 گنا بڑھایا گیا ہے جو بڑا بوجھ ہو گا، اب زرعی ٹیکس 15 فیصد سے بڑھا کر 45 فیصد کر دیا گیا ہے۔
مراد علی شاہ نے بتایا کہ سندھ میں امن و امان بہت بہتر ہے، صورتِ حال سرمایہ کاروں کے لیے بہت مفید ہے، سندھ حکومت پبلک پرائیوٹ پارٹنر شپ پر بہت اہم منصوبے بنائے اور مزید پر کام جاری ہے۔
وزیرِ اعلیٰ سندھ نے فرانسیسی کمپنیوں کو واٹر ڈیسیلی نیشن میں سرمایہ کاری کی دعوت بھی دی۔
جس پر فرانسیسی سفیر نے فرینچ کمپنیز کے لیےسندھ میں سرمایہ کاری میں دلچسپی کا اظہار کیا۔
فرانسیسی سفیر نے وزیرِ اعلیٰ سندھ کو یو این اوشین کانفرنس میں شرکت کی دعوت بھی دی۔
یو این اوشین کانفرنس 9 تا 13 جون 2025ء فرانس میں ہو رہی ہے۔
.ذریعہ: Jang News
کلیدی لفظ: مراد علی شاہ سے فرانسیسی سفیر زرعی ٹیکس
پڑھیں:
محسن نقوی اور سعودی سفیر کی ملاقات، دوطرفہ تعلقات کے فروغ پر تبادلہ خیال
وفاقی وزیر داخلہ محسن نقوی نے سعودی سفیر سے ملاقات کی جس میں دوطرفہ تعلقات کے فروغ پر تبادلہ خیال کیا گیا۔ڈپلومیٹک انکلیو سعودی سفارتخانے آمد پر سعودی عرب کے سفیر نواف بن سعید احمد المالکی نے وزیر داخلہ محسن نقوی کا خیر مقدم کیا، ملاقات کے دوران باہمی دلچسپی کے امور، دوطرفہ تعلقات کے فروغ اور باہمی تعاون بڑھانے کے حوالے سے تبادلہ خیال کیا گیا۔وزیر داخلہ محسن نقوی نے معاشی و سماجی شعبوں میں پاکستان کا بھرپور ساتھ دینے پر سعودی عرب کی حکومت اور سفیر کا شکریہ ادا کیا۔محسن نقوی نے کہا کہ پاک گلف تعاون کونسل انسداد منشیات کانفرنس میں سعودی عرب کے اعلیٰ سطح کے وفد کی شرکت پر مشکور ہیں، انسداد منشیات اور انسانی سمگلنگ کی روک تھام کیلئے سعودی عرب کے ساتھ تعاون بڑھانا چاہتے ہیں، بھکاریوں اور غیر قانونی امیگریشن روکنے کیلئے پاسپورٹ کے حصول کیلئے نئی شرائط عائد کی جا رہی ہیں۔ان کا کہنا تھا کہ بھکاری مافیا کے خلاف گھیرا تنگ کر دیا گیا، سعودی شہریوں کیلئے پاکستان آنے پر کوئی ویزا نہیں، جب چاہیں آئیں۔وزیر داخلہ نے منشیات کیس میں ملوث بے گناہ خاندان کی رہائی کیلئے بھرپور تعاون پر بھی سعودی حکومت اور سفیر کا شکریہ ادا کیا اور کہا کہ بے گناہ خاندان کی رہائی و وطن واپسی کیلئے سعودی عرب نے بہت ساتھ دیا، سعودی عرب حکومت کے تعاون کی بدولت ہی خاندان کے 5 افراد کو رہائی ملی اور وطن واپس آئے۔اس موقع پر سعودی سفیر کا کہنا تھا کہ پاکستان کے ساتھ انتہائی قریبی تعلقات ہیں جنہیں مزید فروغ دینا چاہتے ہیں۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟