نئی دلی میں رنگارنگ پاکستان فیسٹ کا انعقاد، تصویری نمائش بھی پیش کی گئی
اشاعت کی تاریخ: 10th, February 2025 GMT
پاکستانی ہائی کمیشن نئی دلی کے زیر انتظام پاکستان فیسٹ کا انعقاد کیا گیا جہاں پاکستانی تہذیب و تمدن، ثقافت اور پکوانوں سمیت فنون لطیفہ کی عکاسی کی گئی۔
یہ بھی پڑھیں: 5سالہ پاکستانی مارشل آرٹسٹ کا کارنامہ، انڈیا کا ریکارڈ توڑ دیا
پاکستان فیسٹ میں متعدد اسٹالز لگائے گئے، جن میں فیس پینٹ، روایتی پاکستانی ملبوسات اور پاکستانی پکوان کے اسٹالز بھی شامل ہیں، پاکستانی روایات، تہذیب، فنون لطیفہ اور تاریخ کے تناظر میں ایک تصویری نمائش بھی پیش کی گئی۔
To celebrate ????????’s rich cultural
heritage & diverse cuisine, @PakinIndia organized a 'Pakistan Fest' in New Delhi, today.
— Pakistan High Commission India (@PakinIndia) February 9, 2025
اس موقع پر نئی دلی میں پاکستانی ناظم الامور سعد احمد وڑائچ نے اپنے خطاب میں بتایا کہ پاکستان فیسٹ کے رنگ اور لذیذ ذائقے پاکستان کی قابل فخر ثقافت اور روایات کا منہ بولتا ثبوت ہیں، اس طرح کی تقریبات ثقافتی افہام و تفہیم کے فروغ کے لیے اہم ہیں۔
مزید پڑھیں: پاکستان اور انڈیا کے نامو ر فنکاروں کی تعلیمی قابلیت جان کر آپ دنگ رہ جائیں
ان کا کہنا تھا کہ ہمدردی اور دوستی کی فضا کو فروغ دینے کے لیے اس طرح کی تقریبات ضروری ہیں، مختلف شعبہ ہائے زندگی سے تعلق رکھنے والے افراد کی بڑی تعداد پاکستان فیسٹ میں شریک ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان فیسٹ پاکستان ہائی کمیشن نئی دلی ناظم الامورذریعہ: WE News
کلیدی لفظ: پاکستان فیسٹ پاکستان ہائی کمیشن نئی دلی ناظم الامور پاکستان فیسٹ نئی دلی
پڑھیں:
پاکستان عظیم ثقافتی ورثے کا امین ہے: سفیر پاکستان
واشنگٹن:واشنگٹن ڈی سی میں سالانہ ونٹرنیشنل ایونٹ روایتی جوش و خروش سے منعقد ہوا، جس میں دنیا بھر کے تقریباً ستر سفارتخانوں نے شرکت کی۔
اس رنگارنگ عالمی ثقافتی تقریب میں پاکستانی ثقافت کا رنگ سب سے نمایاں رہا، جس نے غیر ملکی شرکاء کی خصوصی توجہ حاصل کی۔
تقریب میں امریکہ میں سفیر پاکستان، رضوان سعید شیخ نے خصوصی شرکت کی اور پاکستان کے منفرد، وسیع اور دلکش ثقافتی ورثے کو عالمی دنیا کے سامنے پیش کرنے پر اظہارِ مسرت کیا۔
سفیر پاکستان نے تقریب سے خطاب کرتے ہوئے کہا کہ پاکستان عظیم ثقافتی ورثے کا امین ہے۔ ہماری ثقافت اپنی دل انگیز خوبصورتی اور حیرت انگیز تنوع کی وجہ سے ایک منفرد پہچان رکھتی ہے۔
انہوں نے مزید کہا کہ پاکستانی ثقافت کے شاہکار ہماری تاریخ، معاشرتی اقدار اور قدرتی حسن سے جڑے رشتے کی بھرپور ترجمانی کرتے ہیں۔
ونٹرنیشنل تقریب میں پاکستانی بوتھ سب کی توجہ کا مرکز رہا جہاں روایتی پاکستانی کھانوں اور چائے سے مہمانوں کی تواضع کی گئی اور پاکستانی آرٹ، ثقافتی فن پاروں، جواہرات اور قیمتی پتھروں کی دلکش نمائش کی گئی۔
امریکا سمیت مختلف ممالک سے آئے شرکاء نے پاکستانی دستکاری اور ثقافتی اشیاء میں گہری دلچسپی کا اظہار کیا
رضوان سعید شیخ نے مختلف ممالک کے اسٹالز کا بھی دورہ کیا اور وہاں کے نمائندوں سے غیر رسمی گفتگو کی۔ انہوں نے کامیاب ایونٹ کے انعقاد پر جین ڈو پلین اور دیگر منتظمین کو مبارکباد پیش کی۔
سفیر پاکستان نے کہا کہ ونٹرنیشنل جیسے ایونٹس عالمی ثقافتوں کو روشناس کرانے اور اقوامِ عالم کو ایک دوسرے کے مزید قریب لانے میں اہم کردار ادا کرتے ہیں۔
آخر میں انہوں نے پاکستان بوتھ کی شاندار کامیابی میں حصہ ڈالنے والے تمام منتظمین اور سفارت خانۂ پاکستان واشنگٹن ڈی سی کی ٹیم کی کاوشوں کو خصوصی طور پر سراہا۔
تقریب کا اختتام پاکستان کی ثقافتی خوبصورتی اور مہمان نوازی کے عالمی سطح پر ایک بار پھر سراہے جانے کے ساتھ ہوا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر