وکی کوشل کو اپنی آنے والی فلم ’چھاوا‘ کیلئے کان چھدوانا مہنگا پڑ گیا
اشاعت کی تاریخ: 10th, February 2025 GMT
بالی ووڈ اداکار وکی کوشل کو اپنی آنے والی فلم ’چھاوا‘ کے لیے کان چھدوانا مہنگا پڑ گیا۔
بھارتی میڈیا رپورٹس کے مطابق تاریخی فلم ’چھاوا‘ جس میں وکی کوشل مراٹھا جنگجو سمبھاجی مہاراج کا کردار ادا کر رہے ہیں، کی ایڈوانس بکنگ کا آغاز ہو چکا ہے جوکہ رواں ماہ 14 فروری کو ریلیز ہونے جا رہی ہے۔
A post shared by Vicky Kaushal (@vickykaushal09)
حال ہی میں وکی کوشل نے سوشل میڈیا پر ایک پوسٹ کے ذریعے مداحوں کو آگاہ کیا کہ اس کردار میں ڈھلنے کے لیے انہیں کن چیلنجز کا سامنا کرنا پڑا۔ اپنی ہر فلم کے کردار میں جلد ڈھل جانے کے لیے مشہور وکی کوشل نے انسٹاگرام پر اپنے سخت جم سیشنز کی تصاویر شیئر کیں۔
تاہم مداحوں کی توجہ ایک خاص ویڈیو نے حاصل کر لی، جس میں وکی کوشل کو کان چھدواتے ہوئے دیکھا جا سکتا ہے۔ ویڈیو میں دکھایا گیا کہ جیسے ہی کان چھیدنے والی مشین ان کے کان کی لو میں پیوست ہوئی، وہ درد سے بلبلا اٹھے۔ مداحوں نے کمنٹ سیکشن میں ان کے خلوص اور لگن کو سراہا۔
View this post on InstagramA post shared by Maddock Films (@maddockfilms)
وکی کوشل نے اپنی پوسٹ میں ایک تصویر بھی شیئر کی، جس میں وہ سخت ورزش اور محنت کے ذریعے اپنا وزن 100 کلو تک بڑھاتے نظر آ رہے ہیں۔ اس سے قبل، ایک انٹرویو میں بھی وکی کوشل نے انکشاف کیا تھا کہ انہوں نے ’چھاوا‘ میں اپنے کردار کے لیے 25 کلو وزن بڑھایا ہے۔
انہوں نے مزید بتایا کہ فلم کے لیے انہیں باقاعدہ ایکشن کی تربیت حاصل کرنی پڑی اور مہینوں تک ایکشن سیکوئنسز کی مشق کرنی پڑی۔
واضح رہے کہ وکی کوشل، رشمیکا مندانا اور اکشے کھنہ کی فلم ’چھاوا‘ 14 فروری کو سینما گھروں کی زینت بنے گی۔
.ذریعہ: Daily Mumtaz
کلیدی لفظ: وکی کوشل نے کے لیے
پڑھیں:
کابل؛ اپنی سرزمین دہشتگردی کیلئے استعمال نہیں ہونے دیں گے، امن وامان کیلئے مل کر کام کرنا ہوگا، اسحاق ڈار
کابل :نائب وزیراعظم اسحاق ڈار کا کہنا ہے کہ ہم اپنی سرزمین دہشت گردی کیلئے استعمال نہیں ہونے دیں گے۔ امن وامان کیلئے دونوں ممالک کو کام کرنا ہوگا، پاک افغان کے درمیان تجارت میں اضافہ ضروری ہے، افغان باشندوں کو باعزت طریقے سے واپس بھجوایا جا رہا ہے۔
کابل میں نائب وزیراعظم اسحاق ڈار نے نیوز کانفرنس کرتے ہوئے کہا کہ افغانستان کے ساتھ تجارت کے فروغ پر بات ہوئی، تجارتی سامان کی نقل و حمل کیلئے تبادلہ خیال ہوا۔
وزیرخارجہ اسحاق ڈار نے کہا کہ سسٹم سے دونوں ممالک کو فائدہ ہوگا، ٹریک اینڈ ٹریس سسٹم سے تجارتی سامان کی ترسیل میں تیزی آ سکتی ہے۔
اسحاق ڈار نے نیوز کانفرنس میں کہا کہ سامان کی نقل وحمل کیلئے 2 کمپنیاں شامل کر دی ہیں۔ دونوں ممالک کے درمیان تجارتی وفود کا تبادلہ ضروری ہے، طورخم بارڈر پر آئی ٹی سسٹم کو جلد فعال کیا جائے گا۔
نائب وزیراعظم نے کہا کہ پاک افغان کے درمیان تجارت میں اضافہ ضروری ہے، افغان باشندوں کو باعزت طریقے سے واپس بھجوایا جا رہا ہے، ہم اپنی سرزمین دہشت گردی کے لئے استعمال نہیں ہونے دیں گے۔ خطےمیں امن وامان کیلئے دونوں ممالک کو کام کرنا ہوگا۔
اسحاق ڈار نے نیوز کانفرنس میں مزید کہا کہ افغان باشندوں کو اپنے اثاثہ جات واپس لے جانے کی اجازت ہوگی، خطے میں ترقی کیلئے سب کو مل کر کام کرنا ہوگا۔
واضح رہے کہ نائب وزیراعظم اسحاق ڈار اس وقت کابل کے اہم دورے پر ہیں، جہاں انھوں نے پاک افغان مذاکرات کے دوران افغانستان کے عبوری وزیراعظم ملا محمد حسن اخوند زاد اور افغان ہم منصب امیر خان متقی سے اہم ملاقاتایں کیں
ترجمان دفترخارجہ کے مطابق نائب وزیراعظم اسحاق ڈار کی افغان وزیراعظم ملا حسن اخوند سے ملاقات کے دوران دوطرفہ تعلقات، سیکیورٹی امور، سلامتی، تجارت، ٹرانزٹ تعاون، دیگر امور پر تبادلہ خیال گیا گیا اور برادرانہ تعلقات کو مذید مضبوط کرنے کے عزم کا اعادہ کیا گیا۔
سپریم کورٹ : 9 مئی کے مزید اہم مقدمات سماعت کے لیے مقرر