لاہور میں سجا کتوں اور بلیوں کا اتوار بازار
اشاعت کی تاریخ: 10th, February 2025 GMT
لاہور میں کتوں اور بلیوں کے اتوار بازارمیں جہاں قیمتی اور اعلی نسل کے پالتو جانور دیکھنے کو ملتے ہیں وہیں افسوسناک پہلو یہ بھی ہے کہ یہاں چند دن اور ہفتوں کے پپزکو ان کی ماؤں سے الگ کرکے یہاں بیچ دیا جاتا ہے۔
لاہور کی ٹولنٹن مارکیٹ میں سال بھرمختلف جانوروں اور پرندوں کی خرید وفروخت ہوتی ہے لیکن اتوار کےروز مارکیٹ کے قریب ہی کتوں اور بلیوں کا بازار سجتا ہے
یہاں کئی اعلی نسل کے کتے اور بلیاں فروخت کے لیے لائی جاتی ہیں جن کی قیمت 500 روپے سے لیکر دولاکھ تک ہوتی ہے۔ ایک نوجوان شہروز نے بتایا کہ وہ اپنا ہسکی ڈاگ فروخت کرنے ہیں جس کی قیمت 40 سے 50 ہزا روپے تک ہے۔ انہوں نےبتایا کہ یہ نسل کتیا اور بھیڑے کی ملاپ سے لی گئی ہے، ان کے چہرے بھیڑے جیسے ہوتے ہیں
شہروز کے مطابق نسلی کتوں کی قیمتیں کوالٹی، عمر اور خصوصیات کی بنا پر طے کی جاتی ہیں۔ہمارے پاس کتوں کی قیمت ڈیڑھ سے دو لاکھ روپے کے درمیان ہوتی ہے، جرمن شیفرڈ سب سے مہنگا ہے۔ اس کے علاوہ ڈیلمیشن، جرمن شیفرڈ، سیم برناڈز، ہسکی، پمڈینینز، گرے ہاؤنڈر،پوائنٹر،بل ڈاگ اور پیٹبول شامل ہیں
اتوار بازار میں جہاں لاہور کے علاوہ مختلف شہروں سے شوقین افراد کتے اور بلیاں خریدنے آتے ہیں وہیں کچھ ایسی فیملیز بھی اپنے بچوں کے لئے پیٹ خریدتی ہیں۔ ایک خاتون عروسہ خان نے بتایا ان کے بچے کافی دنوں سےضد کررہے تھے کہ انہیں ایک پیٹ خرید کردیا جائے۔ وہ جاب کرتی ہیں اس لئے ورکنگ ڈے میں نہیں آسکتیں۔ اتوار کو چھٹی کا دن ہےاس لئے وہ بچوں کو بھی ساتھ لے آئی ہیں تا کہ وہ اپنی پسند کا پپی خرید لیں۔
دیگر شہری بھی اسی وجہ سے اتواربازار کا رخ کرتےہیں یہاں سے انہیں ٹولنٹن مارکیٹ کی نسبت سستےجانور مل جاتے ہیں لیکن اس کا ایک نقصان بھی ہے۔ زیادہ تر شہریوں کے ساتھ دھوکا ہوتا ہے۔ انہیں عام کتا یا بلی اعلی نسل کی بتا کر فروخت کردی جاتی ہیں جس کی خریدنے والوں کو پہچان نہیں ہوتی ہے۔
نیامت بھٹی نامی ایک شخص جو اتوار بازار میں کئی برسوں سے کتےفروخت کررہے ہیں انہوں نے کہا اگر آپ کو کتےاوربلی کی نسل کی پہچان نہیں ہے تو آپ دھوکا کھاسکتےہیں۔ اس لئے جب بھی یہاں سے کوئی جانور خریدنے آئیں تو کسی ایسےفرد کو ساتھ ضرور لائیں جو ان کی پہچان رکھتا ہو۔ انہوں نےبتایا کہ یہاں عام (آوارہ) کتوں کے بچوں کو اعلی نسل کےبتا کر بیچ دیا جاتا ہے۔ بعض لوگ پلے کی خوبصورتی بڑھانےکےلئے ان پر سیاہ دھبے بنادیتے ہیں لیکن جب کوئی فیملی انہیں خرید کر گھرلے جاتی اور اسے نہلاتی ہیں تو وہ رنگ اترجاتا ہے۔
شہروز بھی نیامت بھٹی کی بات کی تصدیق کرتے ہیں انہوں نےبتایا کہ یہاں90 فیصد کتے جنہیں جرمن شیفرڈکہہ کرفروخت کیا جاتا ہے وہ مکس بریڈ ہوتی ہے
یہاں بلیوں کی صورتحال بھی ایسی ہی ہے، عام آوارہ اوربیماربلیاں اعلی نسل کی بتا کرفروخت کردی جاتی ہیں۔ کتوں اور بلیوں کی خرید وفروخت کے اس دھندے کا ایک افسوسناک پہلو یہ بھی ہے کہ یہاں چنددن اور ہفتے کی پلے ان کی ماؤں سے الگ کرکے بیچنے کے لئے لائے جاتے ہیں لیکن حکومتی ادارے خاموش دکھائی دیتے ہیں۔
جانوروں کے حقوق کے لئے سرگرم عنیزہ خان عمرزئی کہتی ہیں یہ جانوروں کے ساتھ ظلم کے مترادف ہے کہ بچوں کو ان کی ماؤں سے الگ کرکے فروخت کردیا جاتا ہے۔ ا سکے علاوہ ان پالتوں جانوروں کی خرید وفروخت کو بھی وائلڈلائف کی طرح ریگولیٹ کرنے کی ضرورت ہے۔ بعض فیملز بچوں کے شوق کے لئے انہیں پپز اور کیٹس خرید دیتے ہیں اور جب بچوں کا دل اکتا جاتا ہے تو پھر ان بےزبانوں کو لاوارث اور بے سہارا چھوڑدیا جاتا ہے۔
.ذریعہ: Express News
کلیدی لفظ: اتوار بازار اعلی نسل جاتی ہیں جاتا ہے کی خرید ہوتی ہے کے لئے
پڑھیں:
سینیٹ اجلاس میں کینالز کے معاملے پر پیپلزپارٹی کا واک آوٹ، اپوزیشن کا شور شرابہ
وزیر قانون نے کہا کہ وفاقی وزیر آبی وسائل یہاں موجود ہیں اور ہماری کابینہ کے سینیئر اراکین بیٹھے ہوئے ہیں، یہ سب سوالوں کے جواب دینے کے لیے یہاں موجود ہیں، اگر یہ طرز سیاست آپ نے رکھنا ہے تو اس سے ملک کی خدمت نہیں ہو گی۔ اسلام ٹائمز۔ سینیٹ کے اجلاس میں اپوزیشن کے شور شرابے کی وجہ سے ایوان مچھلی بازار بن گیا، کینالز کے معاملے پر اپوزیشن نے شدید احتجاج کیا، پیپلزپارٹی کے خلاف منافقانہ سیاست کے نعرے لگائے گئے جبکہ کینالز کے معاملے پر پاکستان پیپلزپارٹی نے ایوان سے واک آؤٹ کیا۔ سینیٹ اجلاس میں اظہار خیال کرتے ہوئے وفاقی وزیر قانون اعظم نذیر تارڑ نے کہا کہ کینالز کے معاملے پر قانون اور آئین کے مطابق بیٹھ کر بات ہوگی، رانا ثناء اللہ وزیر اعظم کی ہدایت پر حکومت سندھ اور پیپلزپارٹی سے رابطے میں ہیں۔ انہوں نے کہا کہ پانی کے معاملے پر احتجاج کے بجائے بات چیت کریں، وزیر اعظم کے مشیر برائے بین الصوبائی رابطہ و سیاسی امور رانا ثنااللہ نے حکومت سندھ سے رابطہ کیا ہے اور یہ پیغام پہنچایا ہے کہ یہ سارا معاملہ آئین اور قانون کے مطابق حل کیا جائے گا۔ اعظم نذیر تارڑ نے کہا کہ اس سلسلے میں کثیر جماعتی مشاورت کی تجویز بھی زیر غور ہے۔
انہوں نے کہا کہ اس معاملے پر کوئی چیز بلڈوز نہیں ہو رہی ہے، وزیر اعظم پاکستان نے اس بابت خصوصی ہدایت کی جس کے بعد رانا ثناء اللہ حکومت سندھ اور پیپلزپارٹی کے ساتھ رابطے میں آئے۔ انہوں نے کہا کہ پیپلزپارٹی ہماری حلیف جماعت ہے، یہ بالکل واضح فیصلہ ہے کہ اس معاملے پر قانون اور آئین کے مطابق بیٹھ کر بات ہوگی، لیکن اپوزیشن شائد بات اس لیے نہیں سننا چاہتی کہ اس کے پاس پوچھنے کو نہ کوئی سوال ہے اور نہ سننے کی ہمت ہے۔ وزیر قانون نے کہا کہ وفاقی وزیر آبی وسائل یہاں موجود ہیں اور ہماری کابینہ کے سینیئر اراکین بیٹھے ہوئے ہیں، یہ سب سوالوں کے جواب دینے کے لیے یہاں موجود ہیں، اگر یہ طرز سیاست آپ نے رکھنا ہے تو اس سے ملک کی خدمت نہیں ہو گی۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش