قونصل جنرل خالد مجید نے فری میڈیکل کیمپ میں خدمات پراسناد تقسیم کیں
اشاعت کی تاریخ: 10th, February 2025 GMT
قونصل جنرل خالد مجید، شریف زمان اور ڈاکٹر امجد عبید خطاب کررہے ہیں
قونصل جنرل پاکستان خالد مجید نے پاکستان ویلفیئرسوسائٹی جدہ کے زیراہتمام ہر پندرہ روزہ جمعہ کو فری میڈیکل کیمپ کےڈاکٹرز، فارمسٹ اوررضا کاروں کی خدمات کو سراہتے ہوئے ان کو قونصلیٹ جدہ میں منعقدہ ایک تقریب میں تعریفی اسناد سے نوازا۔ تقریب میں پاکستانی کمیونٹی کی ممتازاورنمایاں سماجی شخصیات کے ساتھ ساتھ سوسائٹی کے اہم عہدیداران جن میں نائب صدرشریف زمان، جنرل سیکرٹری ڈاکٹر محمد امجد عبید، کیمپ ڈائریکٹرمحمد یونس عبدالستار اور دیگر نے شرکت کی۔ قونصل جنرل خالد مجید نے سوسائٹی کی کمیونیٹی کے لئے خدمات کی تعریف کرتے ہوئے کہا کہ انسانیت کی خدمات کا انعام تو اللہ تعالی ہی دے گا۔ تعریفی سیرٹیفیک دینے سے اس میڈیکل کیمپ میں شرکت کرنے والوں کی حوصلہ افزائی ہوگی ۔ انہوں نے کہا کہ اپ لوگ قابل تحسین ہیں کہ چھٹی کا دن جو کہ اپنی فیملی کے ساتھ گزرانے کے لئے ہوتا ہے اپ اس دن اس کیمپ میں ا کر انسانیت کی خدمت کرتے ہیں۔ قونصل جنرل نے بتایا کہ قونصلیٹ کی نئی عمارت ان شاء اللہ اس سال کے اخر تک تیار ہو جائے گی نئی عمارت میں میڈیکل کیمپ کے لئے 4 کمرے مختص کئے گئے ہیں۔ قبل ازیں تلاوت قرآن پاک اورنعت رسولِ مقبول ﷺ سے تقریب کا آغاز ہوا جس کو پیش کرنے کی سعادت حافظ طحہ محمد فیصل نے حاصل کی۔ نائب صدرمحمد شریف زمان نے مہمانوں کا خیرمقدم کیا اورسوسائٹی کی سرگرمیوں پر روشنی ڈالی۔ انھوں نے کہا فری میڈیکل کیمپ کو 19 سال مکمل ہو چکے ہیں۔ اس دوران 416 میڈیکل کیمپس کا انعقاد کیا گیا۔ جس میں 52 ہزار سے زائد مریضوں کو مفت طبی سہولیات اور ادویات فراہم کی گئیں۔ سوسائٹی فری میڈیکل کیمپ کے علاوہ مستحق خاندانوں کی امداد اور طلباء کے تعلیمی اخراجات کے لئے بھی مدد کرتی ہے۔ جنرل سیکرٹری ڈاکٹرامجد عبید نے احتیاطی تدابیر پر لیکچر دیتے ہوئے بتایا کہ کس طرح قدرتی غذائیں استعمال کرکے بیماریوں سے بچا جا سکتا ہے۔ کیمپ ڈائریکٹر محمد یونس عبدالستار نے کہا کہ آجکل ہرماہ تقریبا 300 مریضوں کی تعداد کیمپ میں علاج کے لئے رجسٹرڈ ہوتی ہے۔ کیمپ میں پچھلے دو سالوں میں 16آپریشز ہوئے جن میں آنکھوں میں موتیا کے 12 آپریشن ہوئے۔ ۔سوسائٹی کے تحت پاکستان میں ایک کڈنی سنٹر بھی کام کررہا ہے جہاں گردوں کی بیماریوں کا مفت علاج کیا جاتا ہے۔ تقریب کی نظامت اریب محمد یونس نے سرانجام دی۔ اختتام پرقونصل جنرل خالد مجید نے میڈیکل کیمپ میں خدمات فراہم کرنے والوں میں اسناد تقسیم کی گئیں۔
.ذریعہ: Jasarat News
کلیدی لفظ: قونصل جنرل خالد مجید فری میڈیکل کیمپ خالد مجید نے کیمپ میں کے لئے
پڑھیں:
امریکا کا افریقا میں غیرضروری سفارت خانے اور قونصل خانے بند کرنے پر غور
امریکا کا افریقا میں غیرضروری سفارت خانے اور قونصل خانے بند کرنے پر غور WhatsAppFacebookTwitter 0 20 April, 2025 سب نیوز
واشنگٹن(سب نیوز )امریکی صدر ڈونلڈ ٹرمپ براعظم افریقا میں امریکی سفارتی موجودگی کو کم کرنے پر غور کررہے ہیں۔عالمی خبر رساں ادارے اے ایف پی کی رپورٹ کے مطابق وائٹ ہاس میں زیرغور حکم نامے کے مسودے کے مطابق امریکا، افریقا میں اپنی سفارتی موجودگی کو ڈرامائی طور پر کم کرے گا اور محکمہ خارجہ کے آب و ہوا کی تبدیلی، جمہوریت اور انسانی حقوق سے متعلق دفاتر کو بھی ختم کر دیا جائے گا۔
وائٹ ہاس میں اس نوعیت کے زیرغور حکم نامے کی موجودگی کی خبر نیویارک ٹائمز نے افشا کی تھی، جس کے بعد ا مریکی وزیر خارجہ مارکو روبیو نے اتوار کو اپنے ایکس اکانٹ پر پوسٹ کیا کہ نیویارک ٹائمز، ایک اور دھوکے کا شکار ہو گیا ہے، یہ خبر جعلی ہے۔تاہم، اے ایف پی کی طرف سے دیکھے گئے ایگزیکٹو آرڈر کے مسودے کی نقل میں اس سال یکم اکتوبر تک محکمہ خارجہ کی مکمل ساختی تنظیم نو کا مطالبہ کیا گیا ہے۔
حکم نامہ کے مسودے میں کہا گیا ہے کہ اس کا مقصد مشن کی ترسیل کو ہموار کرنا، بیرون ملک امریکی طاقت کو پیش کرنا، فضول خرچی، فراڈ، بدسلوکی کو کم کرنا اور محکمہ کو امریکا فرسٹ اسٹریٹجک ڈاکٹرائن کے ساتھ ہم آہنگ کرنا ہے۔سب سے بڑی تبدیلی امریکی سفارتی کوششوں کو چار خطوں میں منظم کرنا ہوگی: یوریشیا، مشرق وسطی، لاطینی امریکا اور ایشیا پیسیفک۔
مسودے کے مطابق موجودہ افریقا بیورو کو ختم کر دیا جائے گا، اس کی جگہ افریقی امور کے لیے خصوصی ایلچی دفتر ہوگا جو محکمہ خارجہ کے بجائے وائٹ ہاس کی داخلی قومی سلامتی کونسل کو رپورٹ کرے گا۔مسودہ حکم میں کہا گیا ہے کہ سب صحارا افریقا میں تمام غیر ضروری سفارت خانے اور قونصل خانے بند کر دیے جائیں گے، باقی تمام مشنوں کو ہدف شدہ، مشن پر مبنی تعیناتیوں کا استعمال کرتے ہوئے ایک خصوصی ایلچی کے تحت مضبوط کیا جائے گا۔
زیر بحث تازہ ترین تجویز امریکی میڈیا میں ایک اور مجوزہ منصوبے کے لیک ہونے کے بعد سامنے آئی ہے جس کے تحت محکمہ خارجہ کے پورے بجٹ کو نصف کر دیا جائے گا، تازہ ترین منصوبے میں، آب و ہوا کی تبدیلی اور انسانی حقوق سے متعلق موجودہ دفاتر کو ختم کر دیا جائے گا۔
کینیڈا میں ، جو واشنگٹن کا ایک اہم اتحادی ہے اور جس کے بارے میں ٹرمپ نے بارہا تجویز دی ہے کہ اسے ضم کر کے 51 ویں ریاست بنا دیا جائے، ٹیم کو نمایاں طور پر محدود کیا جائے گا، اور اوٹاوا میں سفارت خانے کے عملے کے حجم میں بھی نمایاں طور پر کمی لائی جائے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرحافظ نعیم کا فلسطینیوں سے یکجہتی کیلئے 26 اپریل کو ملک گیر ہڑتال کا اعلان حافظ نعیم کا فلسطینیوں سے یکجہتی کیلئے 26 اپریل کو ملک گیر ہڑتال کا اعلان مشکل فیصلے کرنا پڑ رہے، پنجاب حکومت نے کسانوں کو15ارب کا پیکیج دیا: اعظم تارڑ سابق ہیڈ کوچ جیسن گلیسپی کا پی سی بی پر واجبات ادا نہ کرنیکا الزام نائب وزیر اعظم کا افغان وزیر خارجہ کو فون:دورے کی دعوت،امیر خان متقی پاکستان آئیں گے سندھ اور پنجاب کا حق ہے کہ اپنے پانی کی حفاظت کریں، محمد احمد خان نائب وزیرِ اعظم اسحاق ڈار کا عمان کے وزیرِ خارجہ سے ٹیلیفونک رابطہCopyright © 2025, All Rights Reserved
رابطہ کریں ہمارے بارے ہماری ٹیم
امریکی شہریت رکھنے والے یرغمالی سے متعلق حماس کا اہم بیان سامنے آگیا