ایک شخص رات کی تاریکی میں قبل از فجر دریا کنارے بیٹھا تھا کہ کنکریوں سے معمور اک زنبیل اس کے ہاتھ لگی، اس نے ہاتھ بڑھا کر زنبیل سے کنکری لی اور دریا میں پانی کی طرف اچھال دی، جسکے دریا میں گرنے سے پانی سے پیدا ہونے والی آواز اسے سرور آگیں محسوس ہوئی، تو دوبارہ اک اور کنکری پانی کی طرف اچھالی، پھر یونہی اس صدائے آب سے محظوظ ہونے واسطے یکے بعد دیگرے کنکریاں پھینکتا رہا، یہاں تک کہ آفتاب کی شعائیں رات کی تاریکی کو چیرتی ہوئی نمودار ہونے لگیں، اور پاس پڑی زنبیل سے سیاہی چھٹنے لگی، جس میں اب صرف ایک کنکری باقی تھی، اتنے میں بیاضِ شمس نے سوادِ لیل پر غلبہ پا کر چار سو کو منور کیا، اس آدمی نے وہ باقی بچی کنکری کو بغور دیکھا، تو معلوم ہوا کہ وہ کنکری نہیں، بلکہ قیمتی نگینہ ہے، اب اس پر یہ عیاں ہوا کہ جنہیں وہ پتھر سمجھ کر دریا میں پھینکے جا رہا تھا حقیقت میں وہ پتھر نہیں، بلکہ جواہر تھے۔
پھر مارے ندامت کے، کف افسوس ملتے ہوئے بڑبڑانے لگا : ہائے میری کم عقلی، پتھر سمجھ کر نگینوں کو پھینکتا رہا، محض اک آواز سے محظوظ ہونے واسطے، اگر مجھے انکی قیمت کا اندازہ ہوتا تو یہ غلطی کبھی نہ کرتا۔
جانتے ہیں کہ وہ شخص کون ہے؟
وہ شخص میں ہوں، آپ ہیں، ہم سب ہیں؛
جواہر سے بھری وہ زنبیل” زندگی و عمر ہے، جسکی ہر آن و گھڑی ہم بے مقصد، بلا فائدہ ضائع کرتے چلے جا رہے ہیں۔
صدائے آب” (جس میں وہ شخص مدہوش ہوا تھا وہ) دنیا کا فانی مال و متاع اور خواہشات ہیں۔
رات کی تاریکی” غفلت ہے
سورج کا ظہور” وقت أجل حقیقت کا عیاں ہونا ہے، جس سے واپسی کا کوئی راستہ نہیں۔
تو چلیے : ابھی سے بیدار ہو جاتے ہیں، جواہر جیسے ان قیمتی لمحات کو یوں بے فائدہ ضائع نہیں کرتے، وگرنہ اس وقت ندامت ہو گی، جب یہ پشیمانی کچھ فائدہ نہ دے گی۔
(اک عربی تحریر کا اُردو ترجمہ)
ذریعہ: Jasarat News
پڑھیں:
راولپنڈی: مسافر گاڑی دریا میں گرگئی، 3 افراد کی لاشیں برآمد
راولپنڈی کے قریب کہوٹہ آزاد پتن روڈ پر مسافر گاڑی دریا میں گر گئی، ریسکیو اہلکاروں نے 3 افراد کی لاشیں نکال لی ہیں۔ ریسکیو حکام کے مطابق حادثے کے بعد ریسکیو آپریشن جاری ہے، دریا سے مزید افراد کو نکالنے کی کوشش کی جارہی ہے۔ ریسکیو حکام کے مطابق تیز رفتاری کے باعث گاڑی ڈرائیور کے کنٹرول سے نکل کر دریا میں گری۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر