تین دہائیوں بعد ہارس اینڈ کیٹل شو کا پوری سج دھج سے آغاز، وزیراعظم ، وزیراعلیٰ پنجاب کی افتتاحی تقریب میں شرکت
اشاعت کی تاریخ: 9th, February 2025 GMT
تین دہائیوں بعد ہارس اینڈ کیٹل شو کا پوری سج دھج سے آغاز، وزیراعظم ، وزیراعلیٰ پنجاب کی افتتاحی تقریب میں شرکت WhatsAppFacebookTwitter 0 9 February, 2025 سب نیوز
لاہور(سب نیوز)تین دہائیوں بعد نیشنل ہارس اینڈ کیٹل شو کا پوری سج دھج سے آغاز ہو گیا۔وزیراعلی مریم نواز شریف نے فورٹریس سٹیڈیم آمد پروزیر اعظم محمد شہباز شریف کا خیر مقدم کیا، دونوں کی روایتی بگھی میں آمد ہوئی جبکہ چارگھڑ سواروں کے دستے نے چبوترے کے سامنے آکر ہارس اینڈ کیٹل شو کے آغاز کی اجازت طلب کی ۔
مہمانان خصوصی نے رسمی اجازت دے کر ہارس اینڈ کیٹل شو2025کاباقاعدہ افتتاح کردیا، مریم نواز شریف نے ہینڈ پرنٹ سے میلے کا منفرد ڈیجیٹل افتتاح بھی کیا۔ہارس اینڈ کیٹل شو کا آغاز ہوتے ہی فورٹریس سٹیڈیم ڈھول کی تھاپ سے گونج اٹھا، پاکستان، کویت، ناروے عمان، قطر، سعودی عرب، ساتھ افریقہ اور امریکہ کی انٹرنیشنل ٹینٹ پیکنگ ٹیموں کے دستوں نے مارچ کیا، پاکستان ایران ترکیہ تاجکستان کی آرچری ٹیموں کے دستے نے مارچ کیا، ڈھول کی تھاپ پر ناچتے اونٹ اور اونٹنیوں سے لائیو سٹاک مارچ کا آغاز ہوا۔
ایونٹ میں نیلی راوی ساہیوال اور دیگر پنجاب کی بہترین نسل کی بھینس کی نمائش ہوئی جبکہ لوہی، مندری بھیڑ، تھل، فیصل آباد اور گجرات بیتل اور ناچی بکریوں بھی نمائش کیلئے پیش کی گئیں، علاقائی اور صوبائی ثقافت کی عکاسی کرتے رنگ برنگے فلوٹ حاضرین کی دلچسپی کا مرکز بنے رہے۔اسی طرح سجے سجائے فلوٹس پر روایتی علاقائی رقص کے مظاہرے سینکڑوں ڈھولچی کے دستے نے اپنے فن کا مظاہرہ کیا، بیک وقت 6 ڈھول بجاتے ڈھولچی مرکز نگاہ بن گئے، ہارس اینڈ کیٹل شو میں درویش رقص کا سحر انگیز شو بھی پیش کیا گیا۔
سلواکیہ کے ماہر فنکاروں نے لیزر لائٹس کرتب سے شائقین کو محظوظ کیا، مقدونیہ کے بینڈ نے ہارس اینڈ کیٹل شو میں اپنے فن کا مظاہرہ کیا ، معروف کوریوگرافر وہاب شاہ نے سینکڑوں فنکاروں کے ہمراہ پنجاب کے روایتی گیت پیش کر کے سماں باندھ دیا۔دوسری جانب عاطف اسلم کی خصوصی پرفارمنس سے ہزاروں بچے اور نوجوان سٹیج کے سامنے جمع ہو گئے ،تقریب میں ڈرون سے قومی پرچم، مینار پاکستان اور دیگر قومی و علاقائی لیزر امیج بھی پیش کئے گئے۔ہارس اینڈ کیٹل شو میں مشعلیں روشن کی گئیں، ایونٹ میں کثیر تعداد میں فیملیز نے شرکت کی اور تالیاں بجا کر داد دیتے رہے۔وزیراعلی پنجاب نے حاضرین کے پاس جا کر ملاقات کی، حاضرین نے پرجوش نعروں سے مریم نواز شریف کا خیر مقدم کیا۔
ذریعہ: Daily Sub News
پڑھیں:
ہیٹ ویو کا خطرہ، یکم جون سے تعطیلات کی سمری منظوری کیلئے وزیراعلیٰ کو ارسال
لاہور(اوصاف نیوز)محکمہ سکول ایجوکیشن پنجاب نے صوبے بھر میں ہیٹ ویو کے خطرے کے باوجود یکم جون سے موسم گرما کی تعطیلات شروع کرنے کے لیے وزیراعلیٰ سے منظوری مانگ لی۔
تفصیلات کے مطابق پنجاب بھر میں رواں موسم گرما کے دوران غیر معمولی ہیٹ ویو کا خدشہ ہے تاہم اس کے باوجود محکمہ سکول ایجوکیشن پنجاب نے قبل از وقت تعطیلات کے بجائے سالانہ کلینڈر کے مطابق یکم جون سے موسم گرما کی چھٹیوں کی اجازت مانگ لی۔
سیکرٹری تعلیم خالد نذیر وٹو نے بتایا کہ متوقع ہیٹ ویو کی وجہ سے موسم گرما کی چھٹیاں طے شدہ وقت سے پہلے شروع ہو سکتی ہیں۔ تاہم اس بارے میں حتمی فیصلہ وزیر اعلیٰ کریں گے۔
واضح رہے کہ اس ماہ کے شروع میں صوبائی حکومت نے بڑھتے ہوئے درجہ حرارت کی وجہ سے اسکولوں کے اوقات پہلے ہی مختصر کر دیے تھے۔
اسکولوں کے اوقات میں 30 منٹ کی کمی 7 اپریل سے لاگو ہوئی اور یہ 15 اکتوبر تک جاری رہے گی۔ اسکول اب صبح 7:30 بجے کھلتے ہیں، بند ہونے کے اوقات سنگل اور ڈبل شفٹوں کے لیے ایڈجسٹ کیے گئے ہیں۔
شیڈول میں تبدیلی کے باوجود کچھ والدین اب بھی طلباء کے شدید گرمی میں مبتلا ہونے پر تشویش کا شکار ہیں اور حکومت پر زور دے رہے ہیں کہ وہ گرمیوں کی تعطیلات جلد اعلان کرنے پر غور کرے۔
مقبوضہ کشمیر: ضلع رام بن میں طوفانی بارشوں اور سیلاب سے بچےسمیت 3 افراد جاں بحق
17 اپریل کو عام تعطیل کا اعلان