آزادکشمیر سمیت ملک کے 21اضلاع کے نمونوں میں پولیو وائرس کی تصدیق
اشاعت کی تاریخ: 9th, February 2025 GMT
آزادکشمیر سمیت ملک کے 21اضلاع کے نمونوں میں پولیو وائرس کی تصدیق WhatsAppFacebookTwitter 0 9 February, 2025 سب نیوز
اسلام آباد (آئی پی ایس )سال 2024کی طرح 2025میں بھی پاکستان پولیو وائرس کی زد میں ہے، چاروں صوبوں کے مزید 21 اضلاع کے ماحولیاتی نمونوں میں خطرناک وائرس نکل آیا ۔
ملک کے جن اضلاع میں پولیو وائرس کی تصدیق ہوئی ہے ان میں وفاقی دارالحکومت اسلام آباد ، خیبرپختونخوا کے اضلاع پشاور، ٹانک، چارسدہ ، صوابی اور آزادکشمیر کا دارالحکومت مظفرآباد شامل ہیں۔بلوچستان کے اضلاع ڈیرہ بگٹی ، خضدار ، نوشکی ، لسبیلہ ، حب ، نصیرآباد کے نمونوں میں بھی پولیو وائرس کی تصدیق ہوگئی۔ پنجاب میں لاہور کے تین مقامات کے نمونوں کے علاوہ ڈی جی خان ، ملتان ، بہاولپور اور جھنگ میں بھی پولیو وائرس موجود ہے ۔
کراچی ایسٹ کے سیوریج نمونوں میں بھی پولیووائرس کی تصدیق ہو گئی ۔ اکیس اضلاع کے سیوریج نمونے آٹھ سے تئیس جنوری کے دوران حاصل کئے گئے تھے ۔ رواں سال پاکستان میں اب تک ایک بچے کو بھی پولیو وائرس متاثرکر چکا ہے۔
.ذریعہ: Daily Sub News
کلیدی لفظ: پولیو وائرس کی تصدیق کے نمونوں بھی پولیو اضلاع کے میں بھی
پڑھیں:
اسلام آباد، لاہور سمیت مختلف شہروں میں شدید زلزلے کے جھٹکے
لاہور(اردوپوائنٹ اخبار تازہ ترین۔19اپریل 2025)وفاقی دارالحکومت اسلام آباد سمیت لاہور اور مختلف شہروں میں شدید زلزلے کے جھٹکے محسوس کئے گئے ،زلزلے کے جھٹکے کے باعث لوگوں میں خوف وہراس پھیل گیااور وہ اپنے گھروں سے نکل اور کلمہ طیبہ کا ورد شروع کر دیا،اس کے علاوہ زلزلے کے جھٹکے لاہور اور گردونواح، اسلام آباد، راولپنڈی، صوابی، دیر، سوات، مالاکنڈ اور چترال سمیت کئی شہروں میں محسوس کئے گئے، پشاور، ایبٹ آباد اور بٹ گرام میں بھی زمین لرز اٹھی۔(جاری ہے)
اس کے علاوہ مردان، مہمند، صوابی،لوئردیر ، کوہاٹ، باجوڑ میں زلزلے کے شدید جھٹکے محسوس ہوئے۔آزادکشمیر کے علاقے بھمبر سماہنی اور گردونواح میں زلزلے کے جھٹکے محسوس کئے گئے،تاحال کسی جانی یا مالی نقصان کی اطلاع موصول نہیں ہوئی، تاہم حکام صورتحال پر کڑی نظر رکھے ہوئے ہیں۔ریسکیو اور ایمرجنسی سروسز کو الرٹ کر دیا گیا ہے جبکہ متعلقہ اداروں کو ممکنہ آفٹر شاکس کے پیش نظر احتیاطی تدابیر اختیار کرنے کی ہدایت جاری کر دی گئی ہے۔بتایا گیا ہے کہ اس کے ساتھ ساتھ ایبٹ آباد،ہزارہ ،سوات ،مالا کنڈ ،دیر،پشاور ،صوابی میں بھی زلزلے کے جھٹکے محسوس کئے گئے تھے
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج