اسحاق ڈار اور ایرانی وزیر خارجہ کا ٹیلیفونک رابطہ، مشرق وسطیٰ کی صورتحال پر بات چیت
اشاعت کی تاریخ: 9th, February 2025 GMT
اسلام آباد : پاکستان کے نائب وزیراعظم اور وزیر خارجہ اسحاق ڈار اور ایرانی وزیر خارجہ سید عباس عراقچی کے درمیان ٹیلیفون پر بات چیت ہوئی، جس میں مشرق وسطیٰ کی موجودہ صورتحال اور غزہ میں فلسطینیوں کی مشکلات پر توجہ مرکوز کی گئی۔
اسحاق ڈار نے غزہ میں فلسطینیوں کی بے گھر ہونے کی صورتحال کو انتہائی پریشان کن اور غیر منصفانہ قرار دیا۔ انہوں نے کہا کہ فلسطینی سرزمین صرف فلسطینی عوام کی ہے اور اقوام متحدہ کی قراردادوں کے مطابق دو ریاستی حل ہی سب سے بہتر اور منصفانہ راستہ ہے۔ پاکستان ہمیشہ فلسطینی ریاست کے قیام کی حمایت کرتا رہے گا، اور اس کا دارالحکومت القدس الشریف ہو گا۔
اسحاق ڈار نے یہ بھی تجویز دی کہ اس مسئلے پر بات چیت کے لیے او آئی سی وزرائے خارجہ کا ایک غیر معمولی اجلاس بلایا جائے، جس کی پاکستان حمایت کرے گا۔ دونوں وزراء نے اس معاملے پر آئندہ بھی مسلسل رابطے رکھنے پر اتفاق کیا۔
.ذریعہ: Nai Baat
کلیدی لفظ: اسحاق ڈار
پڑھیں:
پاکستان روانڈا کی ترقی کرتی معشیت میں اہم کردار ادا کرسکتا ہے، وزیر خارجہ اسحاق ڈار
نائب وزیراعظم و وزیرخارجہ اسحاق ڈار اور روانڈا کے وزیرخارجہ اولیور جین پیٹرک دہونگیرہے نے اسلام آباد میں مشترکہ پریس کانفرنس کی جس میں اسحاق ڈار نے روانڈا کے وزیرخارجہ کی پاکستان آمد کا خیر مقدم کیا۔
ان کا کہنا تھا کہ پاکستان روانڈا کے ساتھ تعلقات کو بہت اہمیت دیتا ہے، دونوں ممالک دوطرفہ تعلقات اور تعاون کو مزید مضبوط بنانے کے لیے پرعزم ہیں۔
یہ بھی پڑھیے: کانگو میں پھنسے پاکستانیوں کو روانڈا میں داخلے کی اجازت مل گئی، دفتر خارجہ
اسحاق ڈار کا کہنا تھا کہ پاکستان روانڈا کی مصنوعات کے لیے پرکشش منڈی ہے، پاکستان ٹیکسٹائل، چاول اور دیگر مصنوعات کی برآمد میں عالمی پہچان رکھتا ہے، پاکستان پہلے ہی سے روانڈا سے چائے درآمد کررہا ہے۔
انہوں نے کہا کہ پاکستان روانڈا کی ترقی کرتی معشیت میں اہم کردار ادا کرسکتا ہے، مختلف شعبوں میں پاکستان اور روانڈا کے مضبوط تعلقات پہلے سے قائم ہیں، مجھے خوشی ہورہی ہے کہ روانڈا کے وزیر خارجہ کے دورے کے درمیان اسلام آباد میں روانڈا کے ہائی کمیشن کا قیام عمل میں لایا جارہا ہے۔
اس موقع پر خطاب کرتے ہوئے روانڈا کے وزیر خارجہ نے کہا کہ پاکستانی ہم منصب اسحاق ڈار سے مفید بات چیت ہوئی، پاکستان کا یہ میرا پہلا دورہ ہے۔
انہوں نے کہا کہ پاکستان کے ساتھ اعلیٰ سطح رابطوں کے لیے پرعزم ہیں، اعلیٰ سطح رابطوں سے دوطرفہ تعلقات مزید مضبوط ہوں گے، پاکستان اور روانڈا کے تعلقات باہمی احترام پر مبنی ہیں۔
یہ بھی پڑھیے: راونڈا کے وزیر خارجہ کی آسلام آباد آباد، سینیئر حکام نے استقبال کیا
روانڈا کے وزیرخارجہ کا کہنا تھا کہ پاکستان کے ساتھ دوطرفہ تجارت کا حجم بڑھانا چاہتے ہیں، پاکستان کے لیے اپنی مصنوعات روانڈا برآمد کرنے کے مواقع موجود ہیں۔
ان کا یہ بھی کہنا تھا کہ دونوں ممالک میں کرکٹ کے فینز موجود ہیں، پاکستان ہمیں کرکٹ میں مہارت سکھائے گا، ہم نے ڈپلومیٹک ٹریننگ پر ایم او یو دستخط کیے، ہم دیگر ایم او یوز پر بھی دستخط کرنے کا سوچ رہے ہیں۔
واضح رہے کہ روانڈا کے وزیر خارجہ، نائب وزیراعظم و وزیر خارجہ کی دعوت پر پاکستان کا 2 روزہ دورہ کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اولیور جین پیٹرک دہونگیرہے پاکستان روانڈا وزیرخارجہ
مئی کیلئے ایل این جی کارگو اوپن مارکیٹ میں فروخت کرنے کا فیصلہ