جماعت اسلامی کا سندھ حکومت ہٹاؤ تحریک شروع کرنے کا انتباہ
اشاعت کی تاریخ: 9th, February 2025 GMT
کراچی /جیکب آباد(اسٹاف رپورٹر) جماعت اسلامی سندھ کے جنرل سیکرٹری محمد یوسف نے کہا ہے کہ 16فروری کو شکارپور کندن بائی پاس پر اپر سندھ میں بدامنی، ڈاکو راج اور کینالوں کیخلاف تاریخی دھرنا دیا جائے گا،عوام دھرنے میں بھرپور شرکت کرکے ڈاکو راج اور نااہل حکمرانوں کیخلاف اتحاد کاثبوت دے،حکومت نے بزور طاقت ہمیں روکنے کی کوشش کی تو یہ تحریک پیپلزپارٹی کی حکومت کو ہٹانے کی تحریک میں تبدیل ہوجائے گی،حکمران ہوش کے ناخن لیں اور عوام کو ڈاکو راج سے نجات دلانے کیلئے سنجیدہ اقدامات کریں ،سندھ میں بدامنی اور ڈاکو راج کی
انتہاہوگئی ہے پولیس اور ریاستی ادارے ڈاکووں کے سامنے بے بس نظرآتے ہیں جبکہ پرامن شہریوں کو تنگ کیا جاتا ہے ۔ان خیالات کا اظہار انہوں نے جیکب آباد پریس کلب میں ایک پرہجوم پریس کانفرنس اور ٹائون ہال میں ورکرز کنونشن سے خطاب کرتے ہوئے کیا۔ اس موقع پر ضلعی امیر ابوبکر سومرو،حاجی دیدار لاشاری سمیت دیگر رہنماء بھی موجود تھے۔ محمد یوسف نے مزید کہا کہ16فروری کو ہمارا دھرنا غیرمعینہ مدت کیلئے ہوگا اگر کوئی یہ سمجھتا ہے کہ ہم چندگھنٹے بیٹھ کر چلے جائیں گے تو یہ ان کی بھول ہے جب تک صوبائی حکومت ہمیں امن امان کی بحالی کیلئے سنجیدہ اقدامات اٹھانے کی یقین دھانی نہیں کراتی ہمارا دھرنا جاری رہے گا۔ سندھ حکومت صوبائی وزیرداخلہ کو فی الفور برطرف کرے کیوں کہ وہ امن امان اور عوام کے جان ومال کے تحفظ میں مکمل طور پر ناکام ہوچکے ہیں۔عوام کی جیبوں سے اربوں روپے سیکورٹی اداروں اور پولیس پر خرچ کئے جارہے ہیں مگر لوگ امن کیلئے ترس گئے ہیں یہاں کسی شخص کی جان، مال اور عزت محفوظ نہیں ہے ،جو حکومت عوام کا تحفظ نہیں کرسکتی اسے کرسی پر مزید بیٹھنے کا کوئی حق نہیں ہے۔جوحکومت عوام کو امن بھی نہ دے سکے اور احتجاج کرنے سے بھی روکے ایسا نہیں ہوگا اب سندھ بولے گا،سندھ کا عوام نکلے گا اور ان شااللہ اس ظلم کیخلاف تاریخی دھرنا دیں گے۔سندھ کے بالائی اضلاع میں امن امان کی بحالی کیلئے ایک سال سے جاری تحریک کی قیادت جماعت اسلامی کررہی ہے اور ان شااللہ اس جدوجہد کو اس وقت تک جاری رکھیں گے جب تک سندھ میں مکمل طور پر امن بحال نہیں ہوجاتا۔سندھ پولیس عوام کا تحفظ،ڈاکووں کی سرکوبی کی بجائے ہمیں ڈرانے دھمکانے کی کوشش کررہی ہے، پولیس اور قانون نافذ کرنے والے اداروں کو معلوم ہے کہ ڈاکووں کے پاس اسلحہ کہاں سے آتا ہے ان کی سہولتکاری کون کررہا ہے اسلئے ان کی سرپرستی کرنے کی بجائے انہیں لغام دی جائے اور عوام کو تحفظ دینے کیلئے مؤثراقدامات کئے جائیں۔
ذریعہ: Jasarat News
کلیدی لفظ: ڈاکو راج
پڑھیں:
اسلام آباد میں ریڈزون کو کنٹینرز لگا کر سیل کر دیا گیا، حکومت کا جماعت اسلامی سے رابطہ
اسلام آباد میں جماعت اسلامی کے ممکنہ غزہ مارچ کے پیشِ نظر سیکیورٹی کے انتہائی سخت انتظامات کیے گئے ہیں۔ ذرائع کے مطابق، ریڈ زون اور ایکسٹینڈڈ ریڈ زون کے تمام داخلی و خارجی راستے کنٹینرز اور خاردار تاروں سے سیل کر دیے گئے ہیں۔
جماعت اسلامی نے اسرائیل کی جانب سے مظلوم فلسطینیوں وحشیانہ بربریت اور قتل عام کے خلاف 20 اپریل کو اسلام آباد میں غزہ مارچ کا اعلان کیا تھا۔
منصورہ لاہور میں پریس کانفرنس کرتے ہوئے حافظ نعیم الرحمان نے کہا تھا کہ غزہ سے اظہار یکجہتی اور اسرائیلی مظالم کے خلاف 26 اپریل کو تاریخی ہڑتال ہوگی۔
ان کا کہنا تھا کہ یہ معاملہ سیاست کا نہیں بلکہ غزہ والوں سے اظہار یکجہتی کا ہے اس لیے پوری قوم یکجا ہو کر ہڑتال کرے گی۔
جس کے بعد غزہ مارچ کے پیش نظر آج اسلام آباد میں ریڈ زون سیل کیا گیا ہے اور پولیس ذرائع کے مطابق شہر بھر میں چیکنگ سخت کر دی گئی ہے، مختلف حساس مقامات پر پولیس اور رینجرز کے گشت میں اضافہ کر دیا گیا ہے۔ کسی بھی ہنگامی صورتحال سے نمٹنے کے لیے اضافی سیکیورٹی نفری بھی تعینات کر دی گئی ہے۔
ذرائع کے مطابق، اسلام آباد میں کسی بھی غیرقانونی اجتماع یا احتجاج پر پابندی عائد ہے، اور خلاف ورزی کی صورت میں سخت کارروائی عمل میں لائی جائے گی۔ اسلام آباد پولیس کا کہنا ہے کہ شہریوں کے امن کو متاثر کرنے کی اجازت کسی کو نہیں دی جائے گی۔
پولیس حکام نے واضح کیا ہے کہ قانون ہاتھ میں لینے والے عناصر کے خلاف ”پیس فل اسمبلی“ اور ”پبلک آرڈر ایکٹ“ کے تحت کارروائی کی جائے گی تاکہ امن و امان کی صورتحال برقرار رکھی جا سکے۔
فلسطین مارچ پر حکومتی رابطے، لیاقت بلوچ کا مؤقف دوٹوک
وفاقی وزیر داخلہ محسن نقوی اور وزیر مملکت برائے داخلہ طلال چوہدری نے جماعت اسلامی کے سینئر رہنما لیاقت بلوچ سے ٹیلیفونک رابطہ کیا۔ گفتگو کا محور آج اسلام آباد میں ہونے والا ”یکجہتی فلسطین مارچ“ تھا، جس پر حکومتی موقف اور تحفظات کا اظہار کیا گیا۔
جس کے بعد اپنے بیان میں لیاقت بلوچ نے واضح موقف اختیار کرتے ہوئے کہا کہ حکومت کو کوئی حق نہیں کہ وہ فلسطینیوں سے اظہارِ یکجہتی کے پرامن مارچ کو روکے۔ ان کا کہنا تھا کہ جماعت اسلامی کا مارچ مکمل طور پر پرامن ہوگا اور اس کا مقصد صرف مظلوم فلسطینی عوام سے یکجہتی کا اظہار ہے۔
انہوں نے حکومت کو خبردار کرتے ہوئے کہا کہ رکاوٹیں کھڑی کر کے ریاست خود کو دنیا بھر میں بدنامی کا باعث بنائے گی۔ لیاقت بلوچ نے مطالبہ کیا کہ آج اسلام آباد میں ریلی روکنے سے اجتناب کیا جائے اور فلسطین سے اظہارِ یکجہتی کے لیے کسی علاقے کو ”نو گو ایریا“ نہ بنایا جائے۔
انہوں نے مزید کہا کہ کویت کا اسرائیل سے تعلقات ختم کرنے کا اعلان پوری امتِ مسلمہ کے جذبات کی ترجمانی ہے، اور مسلم دنیا کو اسی طرح واضح اور جرات مندانہ مؤقف اپنانے کی ضرورت ہے۔
Post Views: 2
عمران خان کو مذاکرات کے لیے راضی کیا، بات چیت سود مند ہوگی، اعظم سواتی