چیمپئنز ٹرافی:سیکورٹی کیلیے فوج تعینات کرنے کی منظوری
اشاعت کی تاریخ: 9th, February 2025 GMT
اسلام آباد (صباح نیوز) آئی سی سی چیمپئنز ٹرافی 2025ء کی سیکورٹی کیلیے کراچی، لاہور اور راولپنڈی میں پاک فوج تعینات کرنے کی منظوری دیدی گئی۔ وفاقی کابینہ نے آئین کے آرٹیکل 245 کے تحت فوج تعینات کرنے کی منظوری دی۔ میڈیا رپورٹس کے مطابق کرکٹ کے عالمی ایونٹ کے موقع پر پاک فوج، سول آرمڈ فورسز، پولیس اور قانون نافذ کرنے والے ادارے مشترکہ سیکورٹی فراہم کریں گے۔ ذرائع کا کہنا ہے کہ چیمپئنز ٹرافی 2025ء کیلیے 12 فروری سے ٹیمیں پاکستان پہنچ رہی ہیں، پی سی بی، پنجاب اور سندھ حکومت کی درخواست پر سیکورٹی کیلیے فوج کی تعیناتی کی
منظوری دی گئی۔ ذرائع کے مطابق وزارت داخلہ نے ٹیموں کی فول پروف سیکورٹی کیلیے اداروں اور صوبائی محکمہ داخلہ کو ہدایات جاری کردیں، چیمپئنز ٹرافی کیلیے آنے والی ٹیموں کو صدارتی سطح کی سیکورٹی فراہم کی جائے گی۔چیمپنئنز ٹرافی 2025 کا پاکستان میں 19 مارچ سے آغاز ہورہا ہے، ایونٹ 9 مارچ تک جاری رہے گا، میچز کراچی، لاہور اور راولپنڈی میں کھیلے جائیں گے۔بھارت نے اپنی ٹیم پاکستان بھیجنے سے انکار کردیا، جس پر ان کے میچز ہائبرڈ ماڈل کے تحت یو اے ای میں منعقد ہوں گے، بھارتی ٹیم کے کوالیفائی کرنے پر ایک سیمی فائنل بھی دبئی میں ہوگا، اگر بھارتی ٹیم فائنل میں پہنچی تو ٹائٹل میچ بھی دبئی میں کھیلا جائے گا۔دوسری جانب پاکستان، نیوزی لینڈ اور جنوبی افریقا کے درمیان سہ فریقی سیریز کا آغاز ہوگیا ہے، جس کیلیے پہلی بار سیکورٹی خدشات کے پیش نظر اینٹی ڈرون ٹیکنالوجی آپریشنل کردی گئی ہے۔
ذریعہ: Jasarat News
کلیدی لفظ: چیمپئنز ٹرافی
پڑھیں:
ٹیکس وصولیوں کا ہدف پورا کرنے کیلیے ایف بی آر نے ہفتے کی چھٹی ختم کردی
اسلام آباد:فیڈرل بورڈ آف ریونیو(ایف بی آر)نے رواں مالی سال 2024-2025 کیلئے مقرر کردہ ٹیکس وصولیوں کے اہداف کے حصول کو یقینی بنانے کے لیے ہفتے کی چھٹی منسوخ کرنے کا اعلان کردیا۔
فیڈرل بورڈ آف ریونیو ریونیو ڈویژن کی طرف سے تمام لارج ٹیکس آفسز (ایل ٹی اوز)، مِیڈیم ٹیکس آفسز (ایم ٹی اوز)، کارپوریٹ ٹیکس آفسز (سی ٹی اوز) اور ریجنل ٹیکس آفسز (آر ٹی اوز) کو ہدایات بھی جاری کردی گئی ہیں۔
فیڈرل بورڈ آف ریونیو (ایف بی آر) کی جانب سے تمام فیلڈ فارمشنز کو لکھے جانے والے مراسلے میں کہا گیا ہے کہ وہ 30 جون 2025 تک ہفتہ کے دن معمول کے مطابق دفتری اوقات میں کام کریں گے۔
مراسلے کے مطابق یہ فیصلہ محصولات کی وصولی کے عمل کو موٴثر بنانے اور اہداف کے حصول کو یقینی بنانے کے لیے کیا گیا ہے، 30 جون 2025 تک تمام ٹیکس آفس کی بروز ہفتہ کی چھٹی منسوخ کی گئی ہے۔
ایف بی آر نے اپنے تمام دفاتر پر زور دیا کہ وہ ایک جامع حکمت عملی اپنائیں، جس پر زیادہ سے زیادہ ریونیو کے سلسلے کو فوکس کیا جائے۔
ذرائع کے مطابق، متعلقہ اداروں کو تاکید کی گئی ہے کہ وہ اپنی کارکردگی میں بہتری لائیں اور قانون نافذ کرنے کے اقدامات میں تاخیر نہ کریں تاکہ قومی خزانے کو درکار وسائل بروقت دستیاب ہو سکیں۔
واضح رہے کہ بین الاقوامی مالیاتی فنڈ (آئی ایم ایف) نے حال ہی میں پاکستان کو رواں مالی سال کے لیے اپنے سالانہ ٹیکس ہدف کو 12,970 ارب روپے سے کم کرکے 12,370 ارب روپے کرنے کی اجازت دی تھی اورنظرثانی کے باوجود ایف بی آر کو مسلسل دباوٴ کا سامنا ہے کیونکہ مالی سال 25 کے پہلے نو ماہ کے لیے اس کا ریونیو شارٹ فال پہلے ہی 700 ارب روپے تک پہنچ گیا ہے۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل