پولیس مقابلے : ڈکیت ہلاک‘ 4زخمی حالت میں گرفتار
اشاعت کی تاریخ: 9th, February 2025 GMT
کراچی( اسٹاف رپورٹر ) شہر کے مختلف علاقوں میں پولیس مقابلوں کے دوران ایک ڈاکو مارا گیا ،دیگر مقابلوں میں 4ملزمان کو زخمی حالت میں گرفتا ر کرلیا گیا ۔ تفصیلات کے مطابق جوہر آباد تھانے کی حدود فیڈرل بی ایریا د ستگیر بلاک 9 اسکول کے قریب دو ڈاکوؤں کی لوٹ مار کے دوران شہریوں نے گھیرا ڈالا ، ڈاکوں نے اپنے گرد گہرا تنگ ہوتے دیکھ کر فائرنگ کر دی،موقع پر گشت پر معمور پولیس اہلکار بھی پہنچ گئے ، فائرنگ کے نتیجے میں ساتھی ڈاکو اپنے ہی ساتھی کی گولی کی زد میں آگیا ،اور موقع پر ہی مارا گیا ،ہلاک ڈاکو کی لاش کو پولیس تحویل میں لے کر عباسی شہید اسپتال منتقل کیا گیا جہاں ہلاک ڈاکو کی شناخت 40سالہ محمد ولی ولد شاہ ولی کے نام سے ہوئی ،ہلاک ڈاکو افغانستان سے تعلق ثابت ہوا ہے ۔ پولیس مزید تفتیش جاری ہے ۔ ادھر اسٹیل ٹاؤن تھانے کی حدود گلشن حدید فیز 02 گھگر پھاٹک پارک لین روڈ کے قریب پولیس اور ڈاکوؤں کے درمیان مقابلہ ہوا ۔ دو طرفہ فائرنگ کے تبادلے کے بعد 02 ڈاکو زخمی حالت میں گرفتار ہوئے ،گرفتار ملزمان کی شناخت گمشاد ولد پٹھان اور حسین کے نام سے ہوئی۔ پولیس نے پستول بمعہ گولیاں ، موبائل فون، نقدی اور نقدی برآمد کر لی۔ زخمیوں کو ہسپتال منتقل کر دیا گیا ہے اور مزید تفتیش جاری ہے۔تھانہ اسٹیل ٹاؤن کے علاقے گلشن حدید کے قریب پولیس اور ڈاکوں کے درمیان مقابلہ ہوا ۔گرفتار ملزمان کی شناخت عبد الرسول اور محمد پناہ عرف حاجی کے نام سے ہوئی۔گرفتار ملزمان کے قبضے سے 2 عدد 30 بور پستول بمعہ گولیاں ، 1 عدد موٹر سائیکل, اور نقدی رقم برامد ہوئی۔ملزمان علاقے میں شہریوں سے لوٹ مار کی واردات کر رہے تھے۔زخمی ملزمان کو طبی امداد کیلئے ہسپتال روانہ کردیا گیا ہے۔اسٹیل ٹاؤن پولیس کی جانب سے ضابطے کے تحت قانونی کاروائی عمل میں لائی جارہی ہے اور مزید تفتیش جاری ہے۔ واضح رہے کہ گلشن حدید، سومار گوٹھ میں مبینہ مقابلے کے بعد پرائیویٹ کار میں اہلکار ایمبولنسوں اور موبائلوں کا کانوائے بنا کر گلیوں سڑکوں پر دونوں زخمیوں کو گھماتے رہے اور بلاوجہ شدید ہوائی فائرنگ کرتے رہے۔
.ذریعہ: Jasarat News
پڑھیں:
کراچی؛ لیاقت آباد میں مبینہ پولیس مقابلہ، ایک ملزم گرفتار، اسلحہ طلائی زیورات برآمد
کراچی:لیاقت آباد لیاری ایکسپریس وے کے قریب پولیس اور ملزمان کے درمیان مبینہ مقابلہ ہوا، جس کے دوران پولیس پر فائرنگ کرنے والا ایک ملزم زخمی حالت میں گرفتار کرلیا گیا۔
ایس ایس پی محمد عمران کے مطابق ملزم نے پولیس پارٹی پر فائرنگ کی جس کے جواب میں پولیس کی جوابی کارروائی سے ملزم زخمی ہوا۔
ایس ایس پی ایس آئی یو کا کہنا ہے کہ گرفتار ملزم کے قبضے سے اسلحہ اور طلائی زیورات برآمد کرلیے گئے ہیں جبکہ پولیس نے موقع سے شواہد بھی اکٹھے کرلیے ہیں۔ پولیس کے مطابق ملزم کو طبی امداد کے لیے قریبی اسپتال منتقل کردیا گیا۔
ایس ایس پی محمد عمران خان نے بتایا کہ گرفتار ملزم کی شناخت اور اس کا سابقہ مجرمانہ ریکارڈ حاصل کیا جارہا ہے جبکہ واقعے سے متعلق مزید تفتیش جاری ہے۔ پولیس کا کہنا ہے کہ شہر میں جرائم پیشہ عناصر کے خلاف کارروائیاں جاری رہیں گی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر