آٹھ فروری کے الیکشن سے متعلق عوام کو گمراہ کرنے کی کوشش کی گئی،مریم اورنگزیب
اشاعت کی تاریخ: 8th, February 2025 GMT
آٹھ فروری کے الیکشن سے متعلق عوام کو گمراہ کرنے کی کوشش کی گئی،مریم اورنگزیب WhatsAppFacebookTwitter 0 8 February, 2025 سب نیوز
لاہور(آئی پی ایس )سینئر صوبائی وزیر مریم اورنگزیب نے کہا ہے کہ 8 فروری کے الیکشن سے متعلق عوام کو گمراہ کرنے کی کوشش کی گئی۔ لاہور میں پریس کانفرنس کرتے ہوئے صوبائی وزیر مریم اورنگزیب کا کہنا تھا کہ ہم آج یوم تعمیر و ترقی منا رہے ہیں، 2018میں آر ٹی ایس بٹھا کر مینڈیٹ چوری کیا گیا، 8فروری 2024 کو چوری کیا گیا مینڈیٹ واپس ملا، 4 سال میں کرپشن کی اعلی مثالیں قائم کی گئیں۔
انہوں نے کہا کہ پی ٹی آئی دور میں ملک کرپشن کے اندھیروں میں چلا گیا، مخالفین نے ترقی کرتی معیشت کو آئی ایم ایف کے حوالے کر دیا، ملک میں مہنگائی عروج پر تھی، لوگ ریلیف سے محروم تھے، وزیراعظم شہباز شریف کی حکومت نے ملکی معیشت کو سنبھالا، مہنگائی کو 38 فیصد سے 4 فیصد پر لایا گیا۔ان کا کہنا تھا کہ پی ٹی آئی کے دور میں خارجہ پالیسی کو تباہ اور دوست ممالک کو ناراض کر دیا گیا، آج ن لیگ کی حکومت کی کوششوں سے دوست ممالک دوبارہ رجوع کر رہے ہیں، آئی ایم ایف سے معاہدے کی خلاف ورزی اور پاکستان کو دیوالیہ کرنے کی کوشش کی گئی، آج سٹاک مارکیٹ ایک لاکھ پوائنٹس سے تجاوز کر چکی ہے، آج ملک ترقی کر رہا ہے تو اس کا کریڈٹ شہباز شریف اور ان کی ٹیم کو جاتا ہے۔
مریم اورنگزیب نے کہا کہ وزیراعلی مریم نواز کی قیادت میں پنجاب نے جیسی ترقی کی اس کی مثال نہیں، مریم نواز کا کوئی بھی ایک منصوبہ ایسا نہیں جس کا پہلے اعلان کیا گیا ہو، پی ٹی آئی کے دور میں منصوبوں کے صرف اعلانات کئے گئے۔صوبائی وزیر کا کہنا تھا کہ پنجاب میں بچوں کو لیپ ٹاپس اور سکالر شپس دی جا رہی ہیں، مفت ادویات اور صحت کی سہولیات میسر ہیں، پنجاب میں بی ایچ یوز کو ری ویمپ کیا گیا ہے، اللہ کا شکر ہے گزشتہ 9 ماہ میں سموگ کو کنٹرول کیا گیا، جس طرح وزیراعلی مریم نواز کے دور میں سموگ کنٹرول ہوئی اس کی مثال نہیں۔انہوں نے کہا کہ بھٹوں کو زگ زیگ ٹیکنالوجی پر منتقل کیا گیا، پنجاب میں زیرو پلاسٹک پالیسی ہے،صوبے میں پہلی بار سپر سیڈرز دیئے گئے، سموگ کو کنٹرول کرنے کیلئے ہر ممکن اقدامات کئے گئے، کسان کارڈ کے ذریعے کاشتکاروں کو سہولیات دی گئی ہیں۔
ان کا کہنا تھا کہ لاہور میں ہارس اینڈ کیٹل شو کے ذریعے ہماری ثقافت کو دوبارہ اجاگر کیا جا رہا ہے، ہارس اینڈ کیٹل شو کی کل گرینڈ اوپننگ ہے، افتتاحی تقریب میں وزیراعظم شہباز شریف مہمان خصوصی ہوں گے۔مریم اورنگزیب نے کہا کہ ہارس اینڈ کیٹل شو 23 فروری تک جاری رہے گا جس میں مختلف کھیل اور تقریبات شامل ہیں، کل فوٹریس سٹیڈیم میں افتتاحی تقریب کا انعقاد ہوگا، ہارس اینڈ کیٹل شو ہمارے قومی ورثے اور ثقادت کی جانب ایک اہم قدم ہے۔
.ذریعہ: Daily Sub News
کلیدی لفظ: کرنے کی کوشش کی گئی مریم اورنگزیب کا کہنا تھا کہ نے کہا کہ کیا گیا
پڑھیں:
امریکی سیکریٹری دفاع پر دوسری بار یمن حملوں سے متعلق خفیہ معلومات سگنل پر شیئر کرنے کا الزام
امریکا کے سیکریٹری دفاع پیٹ ہیگزتھ کو ایک بار پھر یمن پر امریکی حملوں کی پیشگی معلومات ‘سگنل’ گروپ میں غیرمتعلقہ افراد سے شیئر کرنے کے الزامات کا سامنا ہے۔
نیویارک ٹائمز کی رپورٹ میں دعویٰ کیا گیا ہے کہ سیکریٹری دفاع نے یمن پر ہونے والے فضائی حملوں کی خبر ‘سگنل’ مسیجنگ ایپ کے ایک گروپ میں دی جس میں ان کا بھائی، بیوی اور ذاتی وکیل شامل تھے۔
گزشتہ مہینے ‘دی اٹلانٹک میگزین’ نے بھی دعویٰ کیا تھا کہ ان کے ایڈیٹر ان چیف کو سگنل کے ایک ایسے گروپ کا حصہ بنایا گیا جس میں سیکریٹری دفاع سمیت مختلف حکام یمن پر امریکی حملوں سے متعلق گفتگو کررہے تھے۔
اس انکشاف کے بعد ڈونلڈ ٹرمپ انتظامیہ پر حساس سیکیورٹی معاملات غیرمتعلقہ لوگوں سے شیئر کرنے پر شدید تنقید کی گئی تھی۔ اس واقعے کی تحقیقات پینٹاگون کے انسپکٹر جنرل کی سربراہی میں ہورہی ہیں۔
‘دی ٹائمز’ کے مطابق سیکریٹری دفاع پیٹے ہیگسیتھ نے اس سگنل گروپ میں 15 مارچ کے امریکی حملوں کے بارے میں معلومات دی تھیں جس میں امریکی بمبار طیارے کی فلائٹ شیڈول سے متعلق تفصیلات بھی شامل تھیں۔
اخبار کے مطابق اس سے قبل سگنل گروپ میں ایڈیٹر ان چیف کو غلطی سے شامل کیا گیا تھا تاہم حالیہ چیٹ میں گروپ پیٹ ہیگزتھ نے خود جنوری میں عہدہ سنبھالنے سے قبل بنایا تھا۔
حالیہ خبر پر تبصرہ کرتے ہوئے پینٹاگون کے ترجمان نے نیویارک ٹائمز کو ‘ٹرمپ سے نفرت کرنے والا میڈیا’ کہا۔ ترجمان نے دعویٰ کیا کہ سگنل چیٹ میں کسی قسم کی خفیہ تفصیلات شامل نہیں تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Pete Hegseth US Defence Secretary پیٹ ہیگزتھ
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل