دنیا کے طاقتورترین پاسپورٹس کی رینکنگ جاری، پاکستان کا کون سا نمبر؟
اشاعت کی تاریخ: 8th, February 2025 GMT
اسلام آباد(نیوز ڈیسک) دنیا کے طاقتور ترین پاسپورٹوں کی رینکنگ 2025سامنے آگئی ہے ، دنیا حیران، سنگاپور طاقتور ترین پاسپورٹ رکھنے والا واحدملک ، پاکستان کا نمبر جاننے کے بعد آپ بھی پریشان ہوجائیں گے۔
رپورٹ کے مطابق یہ درجہ بندی ہر سال ’ ہینلے پاسپورٹ انڈیکس‘ کے ذریعے جاری کی جاتی ہے۔ سنگاپور کا پاسپورٹ دنیا کا طاقتور ترین پاسپورٹ بن گیا ہے۔ تاہم سنگاپور کے لیے یہ کوئی نئی بات نہیں ہے کیونکہ پچھلے سال بھی یہ پہلے نمبر پر تھا۔ لیکن اس بار سنگاپور واحد ملک ہے جو پہلے نمبر پر ہے۔ گزشتہ سال فرانس، جرمنی، اٹلی، جاپان اور اسپین بھی اس پوزیشن پر تھے۔
کسی ملک کے پاسپورٹ کی مضبوطی کا انحصار اس بات پر ہوتا ہے کہ وہ کتنے ممالک میں بغیر ویزا یا آمد پر ویزا کے سفر کر سکتا ہے۔ سنگاپور کے پاسپورٹ رکھنے والے بغیر ویزا کے 193 ممالک کا دورہ کر سکتے ہیں۔
فہرست میں دوسرے نمبر پر جاپان اور ساؤتھ کوریا مشترکہ طور پر موجود ہیں۔ ان ممالک کے شہری اپنے پاسپورٹ پر 190 ممالک کا ویزا فری دورہ کرسکتے ہیں۔
اسی طرح ڈنمارک،فن لینڈ،فرانس، جرمنی،آئرلینڈ،اٹلی اور اسپین مشترکہ طور پر تیسرے نمبر پر براجمان ہیں۔ ان ممالک کے شہری 189 ممالک کا ویزا فری سفر کرسکتے ہیں۔
آسٹریا،بیلجیئم،لگسمبرگ،نیدرلینڈز،ناروے،پرتگال اور سویڈن مشترکہ طور پر چوتھی پوزیشن پر ہیں۔ ان ممالک کے شہریوں کو بنا ویزا کے 188 ممالک کے سفر کی سہولت حاصل ہے۔
گریس،نیوزی لینڈ اور سوئٹزرلینڈ کے پاسپورٹس کو 5ویں پوزیشن دی گئی ہے۔ ان پاسپورٹس پر 187 ممالک کی ویزا فری انٹری کی سہولت موجود ہے۔
اسی طرح آسٹریلیا اور انگلینڈ مشترکہ طور پر 6ویں پوزیشن پر براجمان ہیں۔ ان ممالک کے شہریوں کو 186 ممالک میں ویزا فری انٹری کی سہولت موجود ہے۔
کینیڈا،ہنگری،مالٹا،پولینڈ اور جمہوریہ چیک مشترکہ طور پر 7ویں پوزیشن پر برقرار ہیں۔ ان ممالک کے شہری اپنے پاسپورٹس پر185 ممالک پر سفر کرسکتے ہیں۔
اسٹونیا اور متحدہ عرب امارات کا پاسپورٹ رینکنگ میں 8 ویں پوزیشن پر ہے۔ اس پاسپورٹ پر شہریوں کو 184 ممالک میں ویزا فری انٹری کی سہولت موجود ہے۔
کروشیا،لاٹویا،سلواکیہ،سلوسینیا اور امریکا فہرست میں 183 ممالک میں ویزا فری انٹری کیساتھ 9ویں جبکہ آئس لینڈ اور لتھوانیا فہرست میں 182 ممالک میں ویزا فری انٹری کیساتھ 10ویں نمبر پر موجود ہیں۔
پاکستان کا کون سا نمبر؟
2025 کی حالیہ رینکنگ کے مطابق پاکستان کا 96واں نمبر ہے۔ پاکستانی شہری اپنے پاسپورٹ پر 32 ممالک میں ویزا فری انٹری حاصل کرسکتے ہیں۔ یا ویزا آن ارائیول کی سہولت میسر ہے۔
بدترین درجہ بندی والے ممالک:
اگر پاسپورٹس کی بدترین رینکنگ کی بات کی جائے تو سب سے آخری نمبر افغانستان کا ہے۔ اس سے پہلے بالترتیب شام،عراق،یمن، پاکستان،صومالیہ،نیپال،فلسطین،لیبیا،بنگلہ دیش،نارتھ کوریا،اریٹریا،سوڈان،ساؤتھ سوڈان اورلبنان کے ممالک ہے۔
مزیدپڑھیں:محکمہ موسمیات نےموسم کےحوالے سے خوشخبری سنادی
ذریعہ: Daily Ausaf
کلیدی لفظ: ممالک میں ویزا فری انٹری کی ان ممالک کے شہری مشترکہ طور پر پاکستان کا کرسکتے ہیں پوزیشن پر کی سہولت
پڑھیں:
سعودی شہریوں کیلئے پاکستان آنے پر کوئی ویزا نہیں، جب چاہیں آئیں: محسن نقوی
وفاقی وزیر داخلہ محسن نقوی— فائل فوٹووفاقی وزیر داخلہ محسن نقوی نے سعودی عرب کے سفیر نواف بن سعید احمد المالکی سے ملاقات کی ہے۔
اسلام آباد میں سعودی سفارتخانے آمد پر سعودی سفیر نے محسن نقوی کا خیرمقدم کیا، اس ملاقات میں باہمی دلچسپی کے امور، دوطرفہ تعلقات کے فروغ اور باہمی تعاون بڑھانے کے حوالے سے تبادلہ خیال کیا گیا۔
وزیر داخلہ نے معاشی و سماجی شعبوں میں پاکستان کا ساتھ دینے پر سعودی حکومت اور سفیر کا شکریہ ادا کیا۔
محسن نقوی نے کہا کہ پاک گلف تعاون کونسل انسداد منشیات کانفرنس میں سعودی وفد کی شرکت پر مشکور ہیں، انسداد منشیات اور انسانی اسمگلنگ کی روک تھام کیلئے سعودی عرب کے ساتھ تعاون بڑھانا چاہتے ہیں۔
وزیرِ دفاع خواجہ آصف نے کہا ہے کہ سعودی عرب میں 4700 پاکستانی بھکاری پکڑے گئے، اس سے ملک کی بدنامی ہو رہی ہے۔
وزیر داخلہ نے کہا کہ بھکاریوں اور غیر قانونی امیگریشن روکنے کے لئے پاسپورٹ کے حصول کے لئے نئی شرائط عائد کی جارہی ہیں، بھکاری مافیا کے خلاف گھیرا تنگ کر دیا گیا ہے۔
محسن نقوی نے کہا کہ سعودی شہریوں کے لئے پاکستان آنے پر کوئی ویزا نہیں، جب چاہیں آئیں۔
انہوں نے کہا کہ بے گناہ خاندان کی رہائی اور وطن واپسی کے لیے سعودی عرب نے بہت ساتھ دیا، سعودی حکومت کے تعاون کی بدولت ہی خاندان کے 5 افراد کو رہائی ملی اور وطن واپس آئے۔
ملاقات میں سعودی سفیر نے کہا کہ پاکستان کے ساتھ انتہائی قریبی تعلقات ہیں جنہیں مزید فروغ دینا چاہتے ہیں۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟