ماورا حسین کی رخصتی کی ویڈیو وائرل
اشاعت کی تاریخ: 8th, February 2025 GMT
لاہور(شوبز ڈیسک)اداکارہ ماورا حسین کی شادی کی تقریبات میں ڈانس ویڈیوز کے بعد ان کی رخصتی کی ویڈیو بھی وائرل ہوگئی۔
ماورا حسین اور امیر گیلانی نے پانچ فروری کو نکاح کی تصاویر شیئر کرتے ہوئے رشتہ ازدواج میں بندھنے کی تصدیق کی تھی۔
دونوں کی جانب سے شادی کی تصدیق کیے جانے کے بعد ان کی شادی کی تقریبات کی ویڈیوز اور تصاویر وائرل ہوئیں۔
دونوں کی شادی کی تقریبات میں گلوکار فرحان سعید اور ان کی اہلیہ عروہ حسین نے بھی پرفارمنس کی اور ان کی پرفامنسز کی ویڈیوز بھی وائرل ہوگئیں۔
شادی کی تقریبات کے دوران ماروا حسین اور امیر گیلانی نے بھی مختلف مواقع پر گانوں پر رقص کرکے اپنی خوشیوں کو دوبالا کیا۔
اب ان کی شادی کی مزید ویڈیوز اور تصاویر وائرل ہو رہی ہیں، جن میں دلہا اور دلہن سمیت ان کے قریبی رشتے داروں کو پشتو گانوں پر بھی ڈانس کرتے دیکھا جا سکتا ہے۔
میڈیا رپورٹس کے مطابق دونوں کی شادی کی بعض تقریبات روایتی پشتون انداز میں بھی منعقد ہوئیں، کیوں کہ دلہا امیر گیلانی پشتون خاندان سے تعلق رکھتے ہیں۔
View this post on InstagramA post shared by IMAGES (@dawn_images)
دونوں کی شادی کی تقریبات لاہور اور اسلام آباد میں ہوئیں، جن میں دونوں کےقریبی رشتے داروں اور دوستوں نے شرکت کی۔
امیر گیلانی اور ماورا حسین کی شادی کی تقریبات میں زیادہ تر شوبز شخصیات کی شرکت کی ویڈیوز اور تصاویر سامنے نہیں آئیں۔
View this post on InstagramA post shared by IMAGES (@dawn_images)
اب سوشل میڈیا پر ماورا حسین کی رخصتی کی ویڈیو وائرل ہو رہی ہے، جس میں رخصتی کے وقت اپنی بہن اداکارہ عروہ حسین سمیت بھائی سے بھی روتے ہوئے پیا گھر جانے کی اجازت لیتی دکھائی دیتی ہیں۔
رخصتی کی ویڈیو میں اداکارہ کے دیگر اہل خانہ بھی دکھائی دیتے ہیں جب کہ دلہا کے رشتے دار بھی خوش خوش نظر آتے ہیں۔
View this post on InstagramA post shared by Galaxy Lollywood (@galaxylollywood)
مزیدپڑھیں:موت کی چکی میں رکھا گیا، عمران خان کا آرمی چیف کو دوسرا کھلا خط
ذریعہ: Daily Ausaf
کلیدی لفظ: کی شادی کی تقریبات رخصتی کی ویڈیو ماورا حسین کی امیر گیلانی دونوں کی
پڑھیں:
انوشکا شرما اور ویرات کوہلی کا دبئی میں ڈانس وائرل
انوشکا شرما اور ویرات کوہلی کی دبئی میں ڈانس کرتے ہوئے ویڈیو وائرل ہوگئی۔
شوبز اور کھیلوں کی دنیا کے سب سے خوبصورت اور پسندیدہ جوڑوں میں سے ایک، انوشکا شرما اور ویرات کوہلی ایک بار پھر سرخیوں میں ہیں، یہ جوڑا اپنی اسٹائلش عوامی تقریبات، دلکش پوسٹس اور خوشگوار چھٹیوں کے ذریعے مداحوں کے دل جیتتا رہتا ہے۔
حال ہی میں انوشکا اور ویرات کی ایک ویڈیو انٹرنیٹ پر تیزی سے وائرل ہو رہی ہے۔
رپورٹس کے مطابق یہ ویڈیو دبئی میں ایک شوٹ کے دوران بنائی گئی ہے، جس میں دونوں کو ڈانسرز کے ایک گروپ کے ساتھ ڈانس کرتے ہوئے دیکھا جا سکتا ہے۔
ویڈیو میں جہاں سب لوگ خوشی سے جھومتے دکھائی دے رہے ہیں، وہیں آرام دہ لباس میں ملبوس انوشکا اور ویرات نے سب کی توجہ اپنی طرف کھینچ لی، دونوں کی کیمسٹری اور خوشگوار انداز نے ویڈیو کو مزید دلکش بنا دیا۔
انوشکا شرما اور ویرات کوہلی ہمیشہ ایک دوسرے کی کامیابیوں کا جشن منانے میں پیش پیش رہتے ہیں۔
یاد رہے کہ انوشکا شرما اور ویرات کوہلی نے دسمبر 2017ء میں اٹلی کے خوبصورت علاقے توسکانی میں شادی کی تھی، اس کے بعد ان کی زندگی میں مزید خوشیاں آئیں، جنوری 2021ء میں ان کی بیٹی وامیکا کی پیدائش ہوئی اور حال ہی میں فروری 2024ء میں ان کے بیٹے اکائے کی آمد ہوئی ہے۔
واضح رہے کہ انوشکا شرما نے فی الحال شوبز سے کچھ فاصلہ اختیار کیا ہوا ہے، ان کی آخری جھلک نیٹ فلکس کی ایک فلم میں ایک مختصر کردار کے طور پر دیکھی گئی تھی۔
Post Views: 1
غزہ کا گمنام ہیرو، پیاسوں تک پانی پہنچانے والا ابراہیم علوش