بنوں: پولیس چوکی پر دہشت گردوں کا حملہ، 2 اہل کار شہید
اشاعت کی تاریخ: 8th, February 2025 GMT
بنوں میں فتح خیل پولیس چوکی پر دہشت گردوں کے حملے میں 2 اہل کار شہید ہو گئے۔
شہید اہل کاروں کی شناخت رحیم اللہ اور ضیا اللہ کے طور پر ہوئی ہے۔ پولیس حکام کے مطابق، یہ حملہ اسی چوکی پر گزشتہ رات بھی کیا گیا تھا، جس میں شدت کے ساتھ فائرنگ کا تبادلہ ہوا۔
اس حملے سے چند روز قبل کرک کے علاقے میں بھی پولیس چوکی پر حملہ ہوا تھا، جس میں 3 پولیس اہل کار شہید ہو گئے اور 3 زخمی ہو گئے تھے۔
.ذریعہ: Nai Baat
پڑھیں:
ڈی آئی خان؛ چیک پوسٹ پر خوارج کا حملہ ناکام؛ جوابی کارروائی پر دہشتگرد فرار
پشاور:ڈی آئی خان میں پولیس چیک پوسٹ پر خوارج کا حملہ ناکام بنا دیا گیا، جوابی کارروائی پر دہشت گرد فرار ہونے پر مجبور ہو گئے۔
پولیس کے مطابق پولیس چیک پوسٹ دھڑئے پل پر دہشت گردوں کا حملہ بنوں پولیس نے ناکام بنا دیا۔ ڈی پی او بنوں کے مطابق نصف شب کو پولیس پوسٹ دھرئے پل پر دہشت گردوں نے حملہ کیا، جسے بہادر پولیس اہل کاروں کی بروقت اور فوری جوابی کارروائی سے ناکام بنا دیا گیا۔
فتنۃ الخوارج کے حملہ آوروں کی تعداد 18-19 تھی جو مسلح اور 8 موٹر سائیکلوں پر سوار تھے۔ دہشت گردوں کا ایک گروپ رینگتے ہوئے پولیس پوسٹ کی طرف بڑھ رہا تھا۔ دہشت گرد آئی ٹی کیمرے کو نشانہ بنا کر ایک مربوط حملہ کرنا چاہ رہے تھے۔
حکام کے مطابق پولیس جوانوں نے مشکوک حرکات کے سدباب میں کارروائی شروع کی اور اسی دوران دہشت گردوں کے دیگر ساتھیوں نے مختلف اطراف سے چوکی پر فائرنگ شروع کر دی۔
پولیس کی جانب سے بھرپور جوابی کارروائی کے بعد دہشت گردبھاگنے پر مجبور ہوگئے۔ آئی جی پولیس نے دہشت گردوں کے حملے کو ناکام بنانے پر پولیس کے جوانوں کے حوصلے کی تعریف کی ہے۔
Post Views: 1
امریکی شہریت رکھنے والے یرغمالی سے متعلق حماس کا اہم بیان سامنے آگیا