ایگرو لائیواسٹاک اینڈ ہینڈی کرافٹس ایکسپو کی تیاریاں مکمل
اشاعت کی تاریخ: 8th, February 2025 GMT
مٹیاری(نمائندہ جسارت)ضلع انتظامیہ مٹیاری کی جانب سے پہلے ایگرو لائیو اسٹاک اینڈ ہینڈی کرافٹس ایکسپو 2025 کی تیاریاں مکمل کر لی گئی ہیں۔ دو روزہ ایکسپو کا باقاعدہ افتتاح کل 8 فروری کو کیا جائے گا۔ ڈپٹی کمشنر مٹیاری محمد یوسف شیخ نے ایکسپو کے مقام نیشنل ہائی وے مٹیاری کے قریب انصاری ریزیڈنسی میں پریس بریفنگ کے دوران بتایا کہ یہ ضلع کی تاریخ کا پہلا بڑا ایونٹ ہے، جس میں زراعت، لائیو اسٹاک، دستکاری، کھانے پینے کی اشیاء ، پھولوں کی نمائش، کھانا پکانے اور ثقافتی کھیلوں کے 200 سے زائد اسٹالز لگائے گئے ہیں ۔ انہوں نے کہا کہ مٹیاری، ہالا، سعیدآباد، بھٹ شاہ، اڈیرو لال سمیت ضلع کے دیہی اور شہری علاقوں کے لوگ انتہائی ہنرمند اور محنتی ہیں۔ ایکسپو کا مقصد دیہی معیشت کی ترقی کے لیے نئے مواقع فراہم کرنا ہے تاکہ کسان، کاشتکار اور ہنر مند اپنی محنت کو براہ راست مارکیٹ میں لا کر منافع کما سکیں۔ڈپٹی کمشنر نے بتایا کہ اس بڑے پیمانے پر منعقد ہونے والے ایکسپو میں سندھ انٹرپرائزز ڈویلپمنٹ فنڈ (SEDF) ، زراعت، لائیو اسٹاک، سماجی بہبود، صحت، تعلیم، اطلاعات، پولیس، اسٹیٹ بینک، دیگر بینکوں اور مختلف غیر سرکاری تنظیموں کا بھرپور تعاون حاصل رہا ہے۔ڈپٹی کمشنر محمد یوسف شیخ نے مزید کہا کہ ایکسپو میں زراعت، لائیو اسٹاک اور دستکاری سے وابستہ افراد کو ڈیجیٹل مارکیٹنگ کے ذریعے جدید دور کے تقاضوں سے جوڑنے کے لیے بھرپور نیٹ ورکنگ کی جائے گی۔ انہوں نے بتایا کہ 8 فروری کی صبح 10 بجے ایکسپو کا افتتاح کیا جائے گا، جو 9 فروری شام 6 بجے تک جاری رہے گا۔ ایکسپو میں طلبہ کے سائنسی ماڈلز اور کھیلوں کے مقابلے بھی منعقد کیے جائیں گے۔اختتامی تقریب میں مختلف شعبوں میں نمایاں کارکردگی دکھانے والی شخصیات، اداروں کے افسران اور میڈیا کے نمائندوں کو تعریفی اسناد اور ایوارڈز سے نوازا جائے گا۔پریس بریفنگ کے بعد ڈپٹی کمشنر مٹیاری نے متعلقہ ضلعی افسران کے ہمراہ ایکسپو کے اسٹالز کا معائنہ کیا۔ اس موقع پر ایڈیشنل ڈپٹی کمشنر ون نور احمد کیرو، ایڈیشنل ڈپٹی کمشنر ٹو اقرا جنت، ڈی ایچ او پیر غلام حسین، ایڈیشنل ڈائریکٹر زراعت ضمیر سریو، ایڈیشنل ڈائریکٹر سوشل ویلفیئر رفیق جمالی، اسسٹنٹ کمشنر مٹیاری عبدالستار شیخ ودیگر افسران بھی موجود تھے۔
.ذریعہ: Jasarat News
کلیدی لفظ: لائیو اسٹاک ڈپٹی کمشنر
پڑھیں:
آئی سی سی آئی مسقط میں Build & Invest Pakistan Expo -2025‘ کا انعقاد کرے گا
اسلام آباد چیمبر آف کامرس اینڈ انڈسٹری (ICCI) پاکستان انٹرنیشنل پراپرٹی ایگزیبیشن (PIPEX) کے تعاون سے 23-24 مئی 2025 کو سلطنت عمان کے شہر مسقط میں "Build Invest Expo 2025” کا انعقاد کرنے جا رہا ہے ۔
ایکسپو کا سافٹ لانچ اسلام آباد میں ایک متاثر کن تقریب میں کیا گیا، جس میں مختلف شعبوں بالخصوص رئیل اسٹیٹ اور اس سے منسلک صنعتوں سے تعلق رکھنے والی کاروباری برادری کے افراد نے بڑی تعداد میں شرکت کی۔ تقریب کے مہمان خصوصی عمان کے سفیر محترم فہد بن سلیمان بن خلف الخروسی نے آئی سی سی آئی کے اس اقدام کو سراہتے ہوئے اسے پاکستان اور عمان کے درمیان باہمی احترام، ثقافتی وابستگی اور مشترکہ اقتصادی مفادات پر مبنی گہرے ہونے والی شراکت کی عکاسی کے طور پر اجاگر کیا۔
انہوں نے اس بات پر زور دیا کہ عمان پاکستان کے ساتھ اپنے دوطرفہ تعلقات کو بہت اہمیت دیتا ہے اور آنے والی ایکسپو تجارت، سرمایہ کاری اور صنعتی تعاون کو فروغ دینے کا ایک بروقت موقع فراہم کرے گی۔ انہوں نے دونوں ممالک کی کاروباری برادریوں کی حوصلہ افزائی کی کہ وہ فعال طور پر اس میں حصہ لیں اور علاقائی ترقی اور خوشحالی کو فروغ دینے کے لیے شراکت داری قائم کریں۔
آئی سی سی آئی کے صدر ناصر منصور قریشی نے اپنے خطاب میں دونوں ممالک کے درمیان تعلقات کو مضبوط بنانے کے لیے مستقل کوششوں پر سفیر کا شکریہ ادا کیا۔ انہوں نے اقتصادی ترقی، کاروبار کے فروغ کے لیے اور بین الاقوامی سرمایہ کاری کی سہولت کے لیے ICCI کے عزم کا اعادہ کیا۔ انہوں نے PIPEX، پاکستان کی وزارت تجارت اور پاکستان اور عمان دونوں کے سفارت خانوں کے تعاون سے "Build Invest Pakistan Expo 2025” کا باضابطہ اعلان کیا۔
صدر قریشی نے ایکسپو کی اہم خصوصیات کے بارے میں تفصیل سے بتایا، جس میں B2B (کاروبار سے کاروبار) اور B2I (بزنس سے سرمایہ کار) نیٹ ورکنگ کے مواقع شامل ہیں۔ انہوں نے اس امید کا اظہار کیا کہ یہ ایونٹ سرکردہ ڈویلپرز، مالیاتی اداروں اور ریگولیٹری اداروں کو اپنی طرف متوجہ کرے گا، جس کا مقصد سمندر پار پاکستانیوں اور خلیج میں مقیم سرمایہ کاروں سے رابطہ قائم کرنا ہے۔
انہوں نے مزید کہا کہ آئی سی سی آئی، مضبوط قومی اور بین الاقوامی روابط کے ساتھ خطے کے سرکردہ چیمبر کے طور پر، تجارت، صنعت، خدمات، نوجوانوں کی انٹرپرینیورشپ، اور خواتین کو معاشی بااختیار بنانے میں اہم کردار ادا کرتا رہے گا۔ آئی سی سی آئی کےاس اقدام کی تعریف کرنے والے قابل ذکر شرکاء میں اسلام آباد اسٹیٹ ایجنٹس ایسوسی ایشن (IEAA) اور فیڈریشن آف رئیلٹرز کے صدر سردار طاہر محمود شامل تھے۔ چیئرمین نیو ایئرپورٹ سٹی راجہ سجاد حسین۔ چیئرمین فیئر گروپ آف کمپنیز چوہدری عبدالرؤف۔ اور ڈائریکٹر فیصل ٹاؤن چوہدری ظہیر مجید۔ چیئرمین PIPEX عمران خٹک نے بھی ایکسپو کی اہم خصوصیات کے بارے میں تفصیلی پریزنٹیشن دی۔
اپنے اظہار تشکر میں، سینئر نائب صدر عبدالرحمن صدیقی نے اس یقین کا اظہار کیا کہ یہ ایکسپو پاکستان کی اقتصادی سرگرمیوں میں نمایاں کردار ادا کرے گی اور اسے قومی خوشحالی کی جانب ایک اہم قدم کے طور پر دیکھا جائے گا۔ انہوں نے آئی سی سی آئی کے صدر ناصر منصور قریشی کا خصوصی شکریہ ادا کیا کہ ان کی غیر معمولی قیادت اور اس اقدام کے لیے لگن بے مثال ہے ۔
دیگر معزز مہمانوں میں آئی سی سی آئی کے نائب صدر ناصر محمود چوہدری، ایگزیکٹیو ممبرز محترمہ فاطمہ عظیم، محترمہ شمائلہ صدیقی، عمران منہاس، اسحاق سیال، ذوالقرنین عباسی، آفتاب گجر، عرفان چوہدری، نوید ستی، میاں شوکت مسعود، ملک محسن خالد سابق صدر خالد جاوید اور زاہد مقبول شامل تھے۔
اشتہار
کراچی: کورنگی کریک میں ماہرین نے دوبارہ آگ لگا دی