8 فروری کے انتخابات تاریخ کے سب سے متنازعہ تھے، فواد چوہدری
اشاعت کی تاریخ: 7th, February 2025 GMT
اسلام آباد: سابق وفاقی وزیر فواد چوہدری نے کہا ہے کہ 8 فروری 2024 کے انتخابات دھاندلی زدہ تھے اور ان کے نتائج کو مکمل طور پر تبدیل کر دیا گیا۔، ایسا انتخابی عمل ماضی میں کبھی نہیں دیکھا گیا، جس میں نتائج کو بڑے پیمانے پر بدلا گیا ہو۔
میڈیا سے گفتگو کرتے ہوئے فواد چوہدری نے کہا کہ 18 نشستیں جیتنے والی جماعت نے حکومت بنا لی، جبکہ 27 سیٹیں حاصل کرنے والی جماعت کو صدر سمیت اہم آئینی عہدے دیے گئے، 2018 کے انتخابات پاکستان کی تاریخ کے سب سے شفاف الیکشن تھے، لیکن 2024 میں انتخابات کا پورا عمل مشکوک بنا دیا گیا۔
“حکومت کو پی ٹی آئی سے زیادہ اسٹیشلمنٹ سے مذاکرات کی ضرورت”
فواد چوہدری نے کہا کہ اس وقت حکومت کو پی ٹی آئی کے بجائے اسٹیشلمنٹ سے مذاکرات کرنے کی ضرورت ہے تاکہ سیاسی استحکام پیدا کیا جا سکے۔ انہوں نے مزید کہا کہ فیصل چوہدری کی گرفتاری عمران خان کی آواز کو دبانے کی ایک کوشش تھی۔
“پی ٹی آئی، جے یو آئی اور وکلا کو اکٹھا ہونا ہوگا”
سابق وزیر کا کہنا تھا کہ پاکستان میں صرف پی ٹی آئی، جمعیت علمائے اسلام (جے یو آئی) اور وکلا کے پاس عوامی طاقت موجود ہے، اور ان تینوں قوتوں کو فسطائیت کے خلاف متحد ہونا ہوگا۔ انہوں نے کہا کہ پی ٹی آئی کی کوشش ہے کہ مولانا فضل الرحمان اور وکلا کے ساتھ مل کر چلے تاکہ حکومت پر دباؤ ڈالا جا سکے۔
.ذریعہ: Jasarat News
کلیدی لفظ: فواد چوہدری پی ٹی آئی نے کہا کہا کہ
پڑھیں:
گلگت بلتستان کے عام انتخابات کا شیڈول جاری کر دیا گیا
چیف الیکشن کمشنر گلگت بلتستان نے انتخابی پروگرام کے تمام مراحل کی تاریخوں کا اعلان کرتے ہوئے کہا کہ شیڈول کا اطلاق عام نشستوں کے ساتھ خواتین اور ٹیکنوکریٹس کی مخصوص نشستوں پر بھی ہو گا۔ اسلام ٹائمز۔ صدر مملکت کی منظوری کے بعد الیکشن کمیشن سیکریٹریٹ گلگت بلتستان نے عام انتخابات 2026ء کے لیے باضابطہ انتخابی شیڈول جاری کر دیا ہے۔ الیکشن کمیشن کی جانب سے جاری نوٹیفکیشن کے مطابق گلگت بلتستان کونسل اسلام آباد نے 12 دسمبر 2025ء کو الیکشن کمیشن کو آگاہ کیا کہ صدرِ اسلامی جمہوریہ پاکستان نے 24 جنوری 2026ء (ہفتہ) کو گلگت بلتستان اسمبلی کے انتخابات کے لیے پول ڈے مقرر کر دیا ہے۔ الیکشن کمیشن نے آئین و قانون کے تحت شیڈول جاری کرتے ہوئے تمام اضلاع کے ووٹرز کو دعوت دی ہے کہ وہ اپنے نمائندے منتخب کریں۔ چیف الیکشن کمشنر گلگت بلتستان نے انتخابی پروگرام کے تمام مراحل کی تاریخوں کا اعلان کرتے ہوئے کہا کہ شیڈول کا اطلاق عام نشستوں کے ساتھ خواتین اور ٹیکنوکریٹس کی مخصوص نشستوں پر بھی ہو گا۔
انتخابی شیڈول کی تفصیلات
1۔ ریٹرننگ افسر کی جانب سے پبلک نوٹس جاری کرنے کی تاریخ:
15 دسمبر 2025ء
2۔ کاغذاتِ نامزدگی جمع کرانے کی مدت:
15 دسمبر سے 22 دسمبر 2025ء تک
3۔ امیدواروں کے ناموں کی ابتدائی فہرست کی اشاعت:
23 دسمبر 2025ء
4۔ کاغذاتِ نامزدگی کی جانچ پڑتال کی آخری تاریخ:
30 دسمبر 2025ء
5۔ ریٹرننگ افسر کے فیصلوں کے خلاف اپیلیں دائر کرنے کی آخری تاریخ:
3 جنوری 2026ء
6۔ اپیلٹ ٹربیونل کی جانب سے اپیلوں کے فیصلوں کی آخری تاریخ:
10 جنوری 2026ء
7۔ امیدواروں کی نظرِ ثانی شدہ فہرست کی اشاعت:
11 جنوری 2026ء
8۔ امیدوار دستبرداری اور حتمی فہرست کی اشاعت کی تاریخ:
12 جنوری 2026ء
9۔ انتخابی نشانات الاٹ کرنے کی تاریخ:
13 جنوری 2026ء
10۔ پولنگ ڈے:
24 جنوری 2026ء بروز ہفتہ
الیکشن کمیشن کے نوٹیفکیشن میں واضح کیا گیا ہے کہ تمام عمل آئین اور الیکشن ایکٹ 2017ء کے مطابق شفافیت کے ساتھ مکمل کیا جائے گا۔ ریٹرننگ افسران تمام اضلاع میں اپنے مراکز پر کام کا آغاز کر چکے ہیں۔ ساتھ ہی ہدایت کی گئی ہے کہ امیدوار مقررہ تاریخوں اور قانونی تقاضوں کی مکمل پابندی کریں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر