امریکی ایلچی کے بیانات لبنانی خودمختاری میں واضح مداخلت ہیں، حزب اللہ
اشاعت کی تاریخ: 7th, February 2025 GMT
حزب اللہ لبنان کے پارلیمانی اتحاد نے بیروت میں جاری ہونیوالے امریکی ایلچی کے بیانات کو لبنانی خودمختاری میں واضح مداخلت اور تمام سفارتی آداب کے منافی قرار دیا ہے اسلام ٹائمز۔ لبنانی مزاحمتی تحریک حزب اللہ کے ساتھ وابستہ پارلیمانی اتحاد الوفاء للمقاومۃ کے سربراہ محمد رعد نے مشرق وسطی کے لئے امریکی نائب ایلچی مورگن اورٹاگس کے بیانات کو نفرت، بغض اور غیر ذمہ داری کا پلندہ قرار دیا ہے۔ اس حوالے سے جاری ہونے والے اپنے بیان میں محمد رعد نے تاکید کی کہ مورگن اورٹاگس کے بیانات لبنانی قومی اتفاق رائے پر مبنی ایک قومی تحریک کے خلاف جارحیت ہے۔ انہوں نے کہا کہ اس بیان کے ذریعے امریکی ایلچی نے لبنانی خود مختاری میں واضح طور پر مداخلت کرتے ہوئے تمام سفارتی آداب کو پائمال کیا ہے۔
الوفاء للمقاومۃ کے سربراہ نے کہا کہ غزہ و لبنان کے خلاف اسرائیلی جنگ نے جو بھیانک اور نفرت انگیز مناظر پیدا کئے ہیں وہ ان تمام لوگوں کے لئے کافی ہیں جو "دہشتگردی کے اسپانسر" کے بارے رائے قائم کرنا چاہتے ہیں۔ انہوں نے کہا کہ ہم مزاحمت میں اصرار پر مبنی اپنے عوام کے عزم بالجزم پر یقین رکھتے ہیں جو ایک ایسا آپشن ہے کہ جو فوج، عوام اور مزاحمت کی شکل میں ملک کا اصلی حامی ہے۔
واضح رہے کہ امریکی ایلچی مورگن اورٹاگس نے لبنانی صدر جوزف عون کے ساتھ ملاقات کے بعد ایک پریس کانفرنس میں دعوی کیا تھا کہ حزب اللہ لبنان، اسرائیل کے خلاف جنگ میں ہار چکی ہے۔ اسی طرح سے اپنے مداخلت آمیز بیان میں اورٹاگس کا مزید کہنا تھا کہ حزب اللہ لبنان کو آئندہ حکومت میں حصہ لینے کی اجازت نہیں دی جا سکتی۔ بعد ازاں لبنانی صدارتی دفتر کی جانب سے جاری ہونے والے بیان میں تاکید کی گئی ہے کہ مورگن اورٹاگس کی جانب سے جاری ہونے والا بیان صرف اس کی اپنی ذاتی رائے پر مشتمل تھا جس کا لبنانی صدر کے ساتھ کوئی تعلق نہیں!
ذریعہ: Islam Times
کلیدی لفظ: مورگن اورٹاگس کے بیانات حزب اللہ
پڑھیں:
کینال کے معاملے پر ہمارا مؤقف واضح ہے کہ کینال نہیں بننی چاہئیں، سعید غنی
نجی ٹی وی سے گفتگو کرتے ہوئے صوبائی وزیر نے کہا کہ جو جماعتیں سڑکیں بند کر رہی ہیں عوام کو مشکلات میں ڈال رہی ہیں ان کو سوچنا چاہیئے کہ مشکلات کا شکار شہری کینال نہیں بنا رہے بلکہ وہ تو خود متاثرین میں سے ہیں، پنجاب اور سندھ حکومت اس پر بات چیت کرے اور مسئلے کو حل کرے۔ اسلام ٹائمز۔ وزیرِ بلدیات سندھ سعید غنی نے کہا ہے کہ میرا نہیں خیال کہ کینال کے معاملے پر کوئی کنفیوژن ہے، کینال کے معاملے پر ہمارا مؤقف واضح ہے کہ کینال نہیں بننی چاہئیں۔ نجی ٹی وی سے گفتگو کرتے ہوئے انہوں نے کہا کہ پیپلز پارٹی نے مختلف فورمز پر کینال کے معاملے کو ایڈریس کیا اور مخالفت کی، اگر ان اعتراضات کو کوئی سنے گا نہیں تو احتجاج ہوگا۔ سعید غنی کا کہنا ہے کہ کینال کا پروجیکٹ پنجاب حکومت کا ہے، سندھ میں تمام سیاسی جماعتوں کے کینال پروجیکٹ پر اعتراضات ہیں۔
صوبائی وزیر نے کہا کہ جو جماعتیں سڑکیں بند کر رہی ہیں عوام کو مشکلات میں ڈال رہی ہیں ان کو سوچنا چاہیئے کہ مشکلات کا شکار شہری کینال نہیں بنا رہے بلکہ وہ تو خود متاثرین میں سے ہیں۔ ان کا مزید کہنا ہے کہ پنجاب اور سندھ حکومت اس پر بات چیت کرے اور مسئلے کو حل کرے، کینال کا معاملہ سندھ میں عوامی نوعیت کا بن چکا ہے۔ پیپلز پارٹی کے رہنما نے یہ بھی کہا کہ کینال کے معاملے پر احتجاج کو بات چیت کے ذریعے خوش اسلوبی سے حل کرنے کی کوشش کر رہے ہیں۔
وہاڑی: چھوٹا طیارہ گر کر تباہ