ملک میں سونے کی قیمت تاریخ کی بلند سطح پر پہنچ گئی، فی تولہ 3 لاکھ روپے بھی عبور کرگیا
اشاعت کی تاریخ: 7th, February 2025 GMT
لاہور(اردوپوائنٹ اخبار تازہ ترین۔07 فروری 2025)ملک میں سونے کی قیمت تاریخ کی بلند سطح پر پہنچ گئی،فی تولہ 3لاکھ سے بھی مہنگا ہوگیا، پاکستان میں سونے کی قیمتوں میں مسلسل اضافہ ہورہا ہے اور آج سونا ملکی تاریخ میں پہلی بار 3 لاکھ روپے کو عبور کر گیا،آج سونے کے فی تولہ نرخ میں 1346 روپے کا اضافہ ہوااس اضافے کے بعد سونا 3 لاکھ 46 روپے تولہ ہو گیا، سونا مہنگا ہونے کی وجہ سے عام عوام کی پہنچ سے دور ہو گیا ہے،آل پاکستان جیمز اینڈ جیولرز ایسوسی ایشن کے مطابق اس اضافے کے بعد ملک میں فی تولہ سونے کی قیمت 3 لاکھ 46 روپے ہو گئی۔
جبکہ10 گرام سونے کی قیمت 1154 روپے اضافے سے 2 لاکھ 57 ہزار 241 روپے ہو گیا ہے۔اسی طرح عالمی مارکیٹ میں بھی سونے کی قیمت میں اضافے کا رجحان رہا۔ عالمی مارکیٹ میں سونے کا بھاو 10ڈالر اضافے سے 2869 ڈالر فی اونس ہے۔(جاری ہے)
ملک میں یکم جنوری سے ابتک فی تولہ سونے کی قیمت میں 26 ہزار 440 روپے کا اضافہ ہو چکا ہے۔یہ بھی بتایاگیا ہے کہ آج بھی بین الاقوامی بلین مارکیٹ میں فی اونس سونے کی قیمت 10ڈالر کے اضافے سے 2ہزار 869ڈالر کی بلند ترین سطح پر پہنچنے سے مقامی صرافہ مارکیٹوں میں بھی 24قیراط کے حامل فی تولہ سونے کی قیمت 1ہزار 346روپے کے اضافے سے 3لاکھ 46روپے کی نئی تاریخ ساز سطح پر پہنچ گئی۔
سونے کی قیمتوں میں اضافے کے اثرات چاندی کی قیمتوں پر بھی مرتب ہورہے ہیں جس کے نتیجے میں مقامی صرافہ مارکیٹوں میں فی تولہ سونے کی قیمت 51روپے کے اضافے سے 3ہزار 378روپے اور فی 10گرام چاندی کی قیمت بھی 44روپے کے اضافے سے 2ہزار 896روپے کی سطح پر آگئی ہے۔سرمایہ کاروں کی سونے میں انویسٹمنٹ کرکے اپنے سرمائے کو ڈی ویلیوایشن سے محفوظ بنانے کے بڑھتے ہوئے رحجان سے بین الاقوامی اور مقامی سطح پر سونے کی قیمتیں تاریخ کی بلند ترین سطح پر پہنچ گئی ہیں۔واضح رہے کہ اس سے قبل عالمی و مقامی مارکیٹ میں سونے کی قیمت ایک بار پھر تاریخ کی نئی بلند ترین سطح پر پہنچ گئی تھی جس کے باعث ملک میں سونے کی فی تولہ قیمت یکدم 5 ہزار 300 روپے بڑھ کر ملکی تاریخ میں پہلی بار 3 لاکھ روپے کے قریب پہنچ گئی تھی۔آل پاکستان جیمز اینڈ جیولرز ایسوسی ایشن کے مطابق ملک بھر میں سونے کی قیمتیں بلندی پر پہنچنے کا سلسلہ گزشتہ روز بھی جاری رہاتھا جس کے بعد 24 قیراط کا حامل خالص فی تولہ سونے کی قیمت میں 5 ہزار 300 روپے کا اضافہ ہوا تھا جس کے بعد سونے کی فی تولہ قیمت 2 لاکھ 99 ہزار 600 روپے کی بلند ترین سطح پر پہنچ گئی تھی۔تاہم بعدازاںعالمی و مقامی سطح پر سونے کی قیمتوں میں تاریخ کی بلند ترین سطح کو چھونے کے بعد معمولی کمی دیکھنے میں آئی تھی۔پاکستان میں فی تولہ سونے کی قیمت میں 900 روپے اور دس گرام سونے کی قیمت میں 772 روپے کی کمی ریکارڈ کی گئی تھی۔قیمتوں میں کمی کے باعث مقامی صرافہ بازاروں میں فی تولہ سونے کی قیمت 2 لاکھ 98 ہزار 700 روپے اور دس گرام سونے کی قیمت 2 لاکھ 56 ہزار 87 روپے ہوگئی تھی اسی طرح بین الاقوامی مارکیٹ میں فی اونس سونے کی قیمت 9 ڈالر کمی کیساتھ 2859 ڈالر فی اونس ہوگئی تھی۔.
ذریعہ: UrduPoint
کلیدی لفظ: تلاش کیجئے میں فی تولہ سونے کی قیمت بلند ترین سطح پر پہنچ کی بلند ترین سطح میں سونے کی قیمت سونے کی قیمت میں سطح پر پہنچ گئی تاریخ کی بلند کے اضافے سے قیمتوں میں مارکیٹ میں اضافے سے 2 کی قیمتوں اضافہ ہو ملک میں روپے کی روپے کے گئی تھی فی اونس کے بعد
پڑھیں:
ٹیکسٹائل برآمدات 13.613 بلین ڈالر کی بلند ترین سطح پر، وزیراعظم کا 9.38 فیصد اضافے کا خیر مقدم
اسلام آباد( نیوز ڈیسک)وزیراعظم محمد شہباز شریف نے جولائی 2024 سے مارچ 2025 تک ٹیکسٹائل سیکٹر کی برآمدات میں 9.38 فیصد اضافے کو ایک حوصلہ افزا اور خوش آئند پیش رفت قرار دیا ہے۔ انہوں نے کہا کہ یہ اضافہ نہ صرف پاکستان کی معیشت کے استحکام کی علامت ہے بلکہ حکومت کی معاشی پالیسیوں کی درست سمت کا ثبوت بھی ہے۔
وزیراعظم نے کہا کہ پاکستان کا ٹیکسٹائل سیکٹر اس وقت 13.613 بلین ڈالر کی ریکارڈ سطح پر پہنچ چکا ہے، جو ملکی برآمدات میں اہم سنگِ میل کی حیثیت رکھتا ہے۔ انہوں نے مارچ 2025 میں گزشتہ ماہ کے مقابلے میں 6.27 فیصد اضافے کو بھی سراہا اور کہا کہ یہ اعداد و شمار پاکستانی معیشت کی مسلسل بہتری اور حکومتی اقدامات کی کامیابی کو ظاہر کرتے ہیں۔
وزیراعظم نے کہا کہ برآمدات میں مسلسل بہتری، اقتصادی اشاریوں میں استحکام، اور پیداواری شعبوں میں ترقی حکومتی ٹیم اور نجی شعبے کی مشترکہ کوششوں کا نتیجہ ہے۔ انہوں نے کہا کہ یہ پیش رفت اس بات کی غماز ہے کہ حکومت پاکستان برآمدی صنعتوں کو ہر ممکن سہولیات فراہم کر رہی ہے۔
مزید برآں، وزیراعظم نے اس عزم کا اظہار کیا کہ حکومت ترقی کے سفر کو مزید تیز کرنے کے لیے دن رات محنت کر رہی ہے۔ انہوں نے کہا کہ نجی شعبے کو کاروبار دوست ماحول فراہم کرنا حکومت کی ترجیحات میں شامل ہے تاکہ برآمدات میں تسلسل کے ساتھ اضافہ ہو سکے اور پاکستان عالمی منڈیوں میں مزید مستحکم مقام حاصل کرے۔
Post Views: 1
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی