ملک کے بیشتر علاقوں میں موسم سرد اور خشک رہنے کی پیشگوئی
اشاعت کی تاریخ: 7th, February 2025 GMT
لاہور : محکمہ موسمیات نے آج ملک کے بیشتر حصوں میں موسم سرد اور خشک رہنے کی پیش گوئی کی ہے، جبکہ پہاڑی علاقوں میں شدید سردی متوقع ہے۔
رپورٹ کے مطابق اسلام آباد اور اس کے گرد و نواح میں موسم سرد اور خشک رہے گا۔ خیبرپختونخوا کے بیشتر علاقوں میں بھی موسم سرد اور جزوی ابر آلود رہنے کا امکان ہے، جب کہ بالائی علاقوں میں شدید سردی اور جزوی ابر آلود موسم رہے گا۔
پنجاب کے بیشتر علاقوں میں موسم سرد اور خشک رہنے کی توقع ہے، خاص طور پر خطہ پوٹھوہار، مری، گلیات اور ان کے اطراف میں شدید سردی رہے گی۔ شام یا رات کے اوقات میں ان علاقوں میں جزوی طور پر بادل بھی آ سکتے ہیں۔
بلوچستان کے زیادہ تر اضلاع میں موسم خشک اور جزوی ابر آلود رہے گا، جبکہ پہاڑی علاقوں میں شدید سردی کا سامنا ہوگا۔ سندھ میں بھی بیشتر علاقوں میں موسم خشک اور سرد رہنے کا امکان ہے۔
گلگت بلتستان اور کشمیر میں موسم سرد اور خشک رہے گا، اور رات کے وقت ان علاقوں میں شدید سردی اور جزوی طور پر بادل چھا سکتے ہیں۔
آج ملک کے مختلف حصوں میں کم سے کم درجہ حرارت کچھ اس طرح ریکارڈ کیا گیا: لہہ میں منفی 13 ڈگری سینٹی گریڈ، زیارت میں منفی 07، گوپس، قلات اور کوئٹہ میں منفی 06، استور، کالام اور سکردو میں منفی 04، بگروٹ، مالم جبہ اور ہنزہ میں منفی 03، اور دیر اور راولاکوٹ میں منفی 02 ڈگری سینٹی گریڈ۔
.ذریعہ: Nai Baat
کلیدی لفظ: علاقوں میں شدید سردی میں موسم سرد اور خشک بیشتر علاقوں میں میں منفی اور جزوی کے بیشتر رہے گا
پڑھیں:
صوابی؛ ژالہ باری، تیز بارش، آسمانی بجلی گرنے سے کشتی بان جاں بحق، 2 زخمی
SWABI:خیبرپختونخوا میں شدید ژالہ باری، طوفان اور بارشوں سے صوابی اور دیگر علاقوں میں تیار فصلوں کو شدید نقصان پہنچا اور آسمانی بجلی گرنے سے کشتی بان جاں بحق اور دو افراد زخمی ہوگئے۔
صوابی کے مختلف علاقوں میں موسم نے خطرناک صورت حال اختیار کرلی جہاں تیز بارش کے ساتھ ژالہ باری کا سلسلہ وقفے وقفے سے جاری ہے اور چند مقامات پر آسمانی بجلی گرنے سے نقصان ہوا۔
صوابی میں دریائے سندھ میں ہنڈ کے مقام پر کشتی پر آسمانی بجلی گرنے سے کشتی بان اقبال حسین جاں بحق اور کشتی پر سوار دو افراد جنید اور ارشد زخمی ہوگئے جبکہ دو افراد حسیب اور واصف شاہ کو کوئی نقصان نہیں پہنچا۔
اس دوران تمباکو، گندم، مختلف سبزیاں اور باغات وغیرہ کو شدید نقصان پہنچا ہے، اس وقت گندم اور ملکی تمباکو سفید پتا کی فصل بالکل تیار ہے اور مختلف علاقوں میں گندم کی کٹائی کا عمل شروع ہوگیا ہے۔
صوابی میں سب سے زیادہ متاثرہ علاقوں میں پلو ڈھنڈ، سلیم خان اور مانیری صوابی شامل ہیں، تحصیل ٹوپی، لاہور اور رزڑ کے مختلف پٹوار سرکل میں بھی جزوی نقصان ہوا ہے۔
اتحاد کاشتکاران پختونخوا کے چئیرمین عارف علی خان اور نائب صدر محمد اقبال خان آف شیوہ نے شدید مالی اور جانی نقصان پر افسوس کا اظہار کرتے ہوئے مطالبہ کیا ہے کہ کاشت کاروں کے نقصانات کا ازالہ کیا جائے۔
انہوں نے کہا کہ شدید موسمیاتی تبدیلیوں سے سب سے زیادہ متاثرہ طبقہ کاشت کار اور زمین دار ہیں لہٰذا متاثرہ علاقوں کا سروے کیا جائے۔
ائیرلائن کی غلطی سے سعودی عرب میں پھنسے 60 عمرہ زائرین دوبارہ ٹکٹ لے کر وطن پہنچے