امریکہ چین تجارتی محاذ آرائی سے عالمی معیشت کو خطرہ
اشاعت کی تاریخ: 7th, February 2025 GMT
صدر ڈونلڈ ٹرمپ نے اپنے عہدے کا حلف لینے کے بعد اپنے خطاب میں جو سخت اقدامات کرنے کا عندیہ دیا ہے اس سے توقع یہی کی جا رہی ہے کہ اب دنیا میں بہت سی تبدیلیاں وقوع پذیر ہونے کا امکان ہے، خصوصاً جو انہوں نے چین کی درآمدات پر بھاری ٹیکس عائد کر کے اس کی معیشت کو نقصان پہنچانے کا ارادہ ظاہر کیا ہے اس سے امریکہ اور چائنہ کے مابین تجارتی کشمکش بڑھنے کا امکان ہے۔ یہ تصادم کی صورتحال کسی طور بھی عالمی معیشت کے لئے کوئی اچھی بات نہیں ہے۔ دونوں ملکوں کو ایک بات ذہن میں رکھنی چاہئے کہ صحت مند مسابقت پوری دنیا کے مفاد میں ہو گی ایک دوسرے کے مواقع کم کرنے یا اس میں رکاوٹ ڈالنے سے سب کا نقصان ہو گا۔ امریکہ کی چین کے ساتھ گزشتہ 25 سال سے تجارت جاری ہے اور اب امریکہ کا خیال ہے کہ اس تجارت کا سارا فائدہ چین نے اٹھایا اور امریکہ کو صرف نقصان ہی نقصان ہوا چین کی معیشت نے اس دوران آٹھ سو فیصد ترقی کی جب کہ امریکہ خسارے سے دوچار ہوا، امریکہ کے ساتھ متنازع تعلقات چین کے لئے ایک اہم چیلنج ہے۔
سال 2025ء چائنہ کے 14ویں منصوبے کا اختتام ہو رہا ہے۔ چین اس موقع پر اپنے میڈ ان چائنہ منصوبے کو عملی جامہ پہنا کر دنیا پر اپنی دھاک قائم کرنا چاہتا ہے۔ 2025ء منصوبے کا مقصد چین کو صنعت اور ٹیکنالوجی کے شعبے میں طاقتور بنانا ہے۔ چین کے اس منصوبے پر امریکہ کو شروع سے کچھ اعتراضات ہیں۔ جب کہ ٹیکنالوجی چین کے منصوبوں میں تیزی سے ایک اہم عنصر بن گئی ہے کیونکہ بیجنگ اپنی برآمدات میں اضافہ کر کے اس شعبے میں روزگار اور پیداوار میں اضافہ کرنا چاہتا ہے۔ اس طرح اس شعبے کو محدود کرنا امریکہ کے لئے ایک ترجیح ہے جو کہ سیمی کنڈکٹر ٹیکنالوجی تک چینی رسائی کو محدود کرنے کی اس کی کوششوں سے ظاہر ہے۔ یہ نئے جنگی محاذوں میں سے ایک ہے۔ اہم ٹیکنالوجیز پر عبور حاصل کرنے کے علاوہ یہ ٹیکنالوجی کے لئے معیارات طے کرنے کا بھی مقابلہ ہے۔ اس طرح کے اقدام سے چین کو ٹیکنالوجی کی دنیا میں ممکنہ طور پر سٹرٹیجک سبقت مل سکتی ہے۔ 2024ء میں چین نے سبز اور کم کاربن ترقی کے لئے اقدامات اٹھائے ہیں اور نئے نتائج حاصل کئے ہیں، توانائی کی بچت اور کاربن میں کمی کو بھرپور طریقے سے فروغ دیا گیا ہے، جس کے نتیجے میں 2024ء میں توانائی کی کھپت میں 3 فیصد سے زائد کمی ہوئی ہے۔ مزید برآں 2025ء میں چین توانائی کی کھپت کو کنٹرول کر کے14 ویں پانچ سالہ منصوبے کے اہداف کو مکمل کرنے کی کوشش کرے گا۔
ڈونلڈ ٹرمپ نے خود بھی بیجنگ کے خلاف اپنے سابقہ دورِ صدارت کے دوران شروع کی گئی جنگ کو جاری رکھنے کا عندیہ دیا ہے۔ وہ سمجھتے تھے کہ چین ٹیکنالوجی چوری کر رہا ہے۔ امریکہ اسے قومی سلامتی اور کاروباری دنیا میں آزادانہ مقابلے کے لئے خطرہ قرار دیتا ہے۔ امریکہ اور چین کے درمیان یہ مسئلہ ایک تنازع کی شکل اختیار کر گیا تھا۔ یہ بات امریکہ سمیت تمام دنیا کو ماننا پڑے گی چین دنیا کی فیکٹری تھی اور اب عالمی ٹیکنالوجی کا مرکز بننا چاہتا ہے۔ چین اپنی خواہشات کو جائز کہتا ہے اور امریکہ کے الزامات مسترد کرتا ہے، چین کا مزید کہنا ہے کہ میڈ ان چائنا منصوبہ چین اور دوسرے ممالک کے لئے فائدہ مند ثابت ہو گا۔ چین نے 2015ء میں اس حکمتِ عملی کا اعلان کیا تھا لیکن ماہرین کا خیال ہے کہ یہ ایک طویل عرصے سے ان کے ذہن میں تھا۔ چینی ٹیکنالوجی پالیسی کے ماہر پروفیسر ڈگلس بی فلر کہتے ہیںاس پروگرام میں کافی پیسہ لگایا جا رہا ہے، اس کے ساتھ ہی غیر ملکی کمپنیوں پر براہِ راست یا بالواسطہ طریقے سے ٹیکنالوجی کی منتقلی کا دباؤ ڈالا جا رہا ہے۔ ٹیکنالوجی کی منتقلی مختلف طریقوں سے کی جاتی ہے۔ مثال کے طور پر غیر ملکی کمپنی کو چین میں داخل ہونے کے لئے مقامی کمپنی کے ساتھ شراکت داری کرنا ہوتی ہے۔ اس کے علاوہ چین اپنی حکمتِ عملی کے تحت غیر ملکی کمپنیوں کو خریدتا بھی ہے۔ جیسے چینی کمپنی گیلی، مرسیڈیز بینز کی ملکیت والی جرمن کمپنی ڈیملر میں سب سے بڑی شراکت دار بن گئی ہے۔ اس کے علاوہ چین کے کئی قوانین ایسے ہیں جو ٹیکنالوجی کی بڑی کمپنیوں کے وہاں مستقل طور پر رہنے کے لئے ہیں۔
امریکہ ہمیشہ سے چین پر یہ الزام عائد کرتا ہے کہ وہ اس کی ٹیکنالوجی کا سرقہ ہے اور امریکی کمپنیوں سے تجارتی راز حاصل کرنے پر زور دیتا ہے۔ ٹرمپ کے صدر کی حیثیت سے اپنے پہلے دورِ اقتدار کے حوالے سے ان کی کارکردگی پر نظر رکھنے والے اس بات کو شدت سے نوٹ کرتے رہے تھے کہ امریکہ نے چین پر غیر منصفانہ تجارتی حربے استعمال کئے تھے۔ اس لئے چین کو بھی اپنی مصنوعات کو بچانے کے لئے تجارتی محاذ آرائی پر اترنا پڑا ہے۔ دونوں ممالک کے درمیان اس طرح کی صورتحال کا اثر شیئر مارکیٹ پر بھی پڑا۔ صدر ڈونلڈ ٹرمپ نے امریکہ میں موجودہ حالات سے غیر مطمئن اور مستقبل کے بارے میں مایوس نوجوانوں کی ایک بڑی تعداد کو یقین دلایا ہے کہ وہ نہ صرف انہیں درپیش مسائل کی وجوہات سے واقف ہیں بلکہ انہیں دور کرنے کرنے کے لئے ان کے پاس نسخہ بھی موجود ہے اور یہ نسخہ امریکہ میں مقیم غیر قانونی تارکینِ وطن کہ اخراج اور آئندہ غیر ملکیوں کے لئے امریکی شہریت کو مشکل بنانے اور دوسرے ممالک خصوصاً چین کی مصنوعات پر امریکی مارکیٹ کے دروازے بند کرنے پر مشتمل ہے۔ ڈونلڈ ٹرمپ نے اعلان کیا ہے کہ وہ امریکی تاریخ کی سب سے بڑی ملک بدری تحریک شروع کرنے والے ہیں ۔وہ چین کی مصنوعات پر امریکی دروازے بند کرنے کے خواہاں ہیں۔
ٹرمپ امریکہ کی نوجوان نسل کو یہ یقین دلانے میں کامیاب ہو گئے ہیں کہ ان کو درپیش تمام مسائل کی وجہ امریکہ میں غیر قانونی تارکینِ وطن کی بلا روک ٹوک آمد اور مارکیٹ میں چین جیسی ابھرتی ہوئی معیشت کی مصنوعات کی بھرمار ہے۔ ٹرمپ کے بیانیے کے مطابق تارکینِ وطن کی بڑھتی ہوئی تعداد نے امریکیوں سے روزگار کے مواقع چھین لئے ہیں اور چینی درآمدات کی بھرمار نے ان کی فیکٹریاں بند کر دی ہیں اور اس کی ذمہ داری وہ امریکی اشرافیہ اورا سٹیبلشمنٹ خصوصاً صدر جوبائیڈن کے گزشتہ چار سالہ دورِ حکومت پر ڈالتے ہیں۔ ڈونلڈ ٹرمپ نے 2024ء کا انتخاب سوشل میڈیا کے ذریعے تارکینِ وطن اور اپنے سیاسی مخالفین کے بارے میں لوگوں تک غلط گمراہ کن اور مسخ شکل میں اطلاعات پہنچا کر امریکی نوجوانوں کی بڑی تعداد کی حمایت حاصل کر کے جیتا ہے۔
.ذریعہ: Nai Baat
کلیدی لفظ: ڈونلڈ ٹرمپ نے ٹیکنالوجی کی کے ساتھ کے لئے چین کے رہا ہے چین کی ہے اور
پڑھیں:
معیشت، ڈرائیونگ فورس جو پاک افغان تعلقات بہتر کر رہی ہے
پاکستان کے ڈپٹی وزیراعظم اور وزیرخارجہ ایک روزہ دورے پر کابل پہنچے۔ افغان وزیر خارجہ امیر خان متقی کے ساتھ انہوں نے ایک مشترکہ پریس ٹاک کی۔ سفارتی دوروں میں اگر مشترکہ بیان جاری کیا جائے، اس سے مراد دونوں ملکوں کا اتفاق رائے ہونے سے لیا جاتا ہے۔ الگ الگ پریس نوٹ جاری کرنے سے مراد ہوتی ہے کہ اتفاق رائے نہیں ہوا۔ مشترکہ پریس کانفرنس اتفاق رائے کے مثبت اظہار کی علامت سمجھی جاتی ہے۔
پاکستانی وفد کے استقبال کے لیے امیر خان متقی خود ائیر پورٹ نہیں آئے تھے۔ ڈپٹی وزیراعظم ملا عبدالغنی برادر نے اسحق ڈار سے طے شدہ ملاقات سے گریز کیا۔ رئیس الوزرا ملا حسن اخوند سے البتہ ان کی ملاقات ہو گئی۔
ڈار نے کابل میں میڈیا سے بات کرتے ہوئے بہت اہم باتیں کی۔ ٹرانس افغان ریلوے پراجیکٹ پر کام شروع کرنے اعلان کیا۔ ازبکستان سے آنے والا ریلوے ٹریک خرلاچی (کرم ایجنسی) کے راستے پشاور سے مل جائے گا۔ افغانستان کو گوادر اور کراچی دونوں بندرگاہوں تک رسائی مل جائے گی۔
افغانستان کے لیے 1621 آئٹمز پر پاکستان 10 فیصد ڈیوٹی وصول کرتا تھا۔ اس لسٹ سے 867 آئٹم کو ڈیلیٹ کرنے کے ایک بڑے ریلیف کا بھی اعلان کیا گیا۔ پاک افغان ٹرانزٹ ٹریڈ معاہدہ جو 2021 میں ختم ہو چکا ہے، اسے بھی اسی سال فائنل کرنے کا اعلان کیا گیا۔ خیبر پختون خوا حکومت افغان آئٹم پر 2 فیصد سیس ڈیوٹی عائد کرتی تھی اس کو کم کر کے ایک فیصد کر دیا گیا ہے۔ افغان تاجروں کو امپورٹ کے لیے زرضمانت جمع کرنا پڑتا تھا اس کا بھی خاتمہ کرکے بینک گارنٹی لینے کی افغان حکومت کی تجویز مان لی گئی ہے۔ این ایل سی کے علاوہ بھی 3 مزید کمپنیوں کو تجارتی سامان کی ترسیل میں شامل کرنے کی افغان تجویز بھی مان لی گئی ہے۔
پاکستان، افغانستان اور چین کا سہ ملکی فارمیٹ بحال کرنے کا بھی اعلان ہوا۔ دونوں ملکوں کی قائم کردہ جوائنٹ کو آرڈینیشن کمیٹی کی تعریف کرتے ہوئے اسحق ڈار نے سیاسی امور کے لیے بھی فوری طور پر ایک رابطہ کمیٹی بنانے کا اعلان کیا۔ افغان مہاجرین کی واپسی ان کے ساتھ زیادتیوں اور جائیداد کے معاملات کے حل کے لیے بھی ہیلپ لائن بنانے کا فیصلہ کیا گیا۔
اس مشترکہ پریس ٹاک میں ہونے والے اعلانات کو دیکھا جائے تو زیادہ تر باتیں تجارتی اقتصادی حوالے سے کی گئی ہیں۔ اس کی وجہ یہ ہے کہ افغانستان کے وزیر صنعت و تجارت نورالدین عزیزی نے تعلقات بحالی کے لیے بہت محنت کی ہے۔ ایک ہی دن 16 اپریل کو پاکستان اور افغانستان کے اعلیٰ سطحی وفود کابل اور اسلام آباد پہنچے تھے۔ نورالدین عزیزی کی قیادت میں وفد پاکستان آیا تھا۔ افغانستان کے لیے پاکستان کے خصوصی نمائندے صادق خان ایک اعلیٰ سطحی وفد کے ساتھ کابل پہنچے ہیں۔
17 ماہ کے طویل وقفے کے بعد پاک افغان جوائنٹ کوآرڈینیشن کمیٹی کا اجلاس کابل میں ہو سکا تھا۔ امارت اسلامی افغانستان کے ترجمان ذبیح اللہ مجاہد نے جے سی سی اجلاس کے موقع پر کہا کہ اس فورم نے ہمیشہ مسائل حل کیے ہیں۔ اس بار سیکیورٹی ایشوز، تجارت، ڈیورنڈ لائن پر ٹینشن ( ٹی ٹی پی، لوگوں کی آمد و رفت اور افغان مہاجرین ) کے ساتھ لوگوں کی آمد و رفت کو آسان بنانے پر بات چیت ہو گی۔
جے سی سی میں افغان وفد کی قیادت ملا عبدالقیوم ذاکر نے کی تھی۔ ذاکر امریکا اور اتحادیوں کے خلاف لڑائی کے دوران افغان طالبان کے ملٹری کمیشن کے سربراہ بھی رہے ہیں۔ ملا اختر منصور کے بعد طالبان کا نیا امیر بننے کا مضبوط امیدوار بھی سمجھا جا رہا تھا۔ عبدالقیوم ذاکر جے سی سی اجلاس میں افغانستان کی نمائندگی کے لیے ایک ہیوی ویٹ شخصیت ہیں۔ اس کا پتہ تب لگے گا جب آپ ان کا پروفائل دیکھیں گے، ان کا نام اور کام ایران بلوچستان امریکا اور شمالی افغانستان تک دکھائی دے گا۔
پاکستان افغانستان مہاجرین کی واپسی، ٹی ٹی پی اور دوسرے اختلافی امور کو سائیڈ پر رکھتے ہوئے آگے بڑھ رہے ہیں۔ ان اختلافی امور کا حل ضروری ہے۔ معیشت وہ پوائنٹ ہے جہاں موجود امکانات دونوں ملکوں کو دوبارہ قریب لائے ہیں۔ پاکستان دہشتگردی کے ساتھ اپنے انداز میں نپٹنے کے لیے تیار ہے۔ پاک افغان باڈر پر اب ریموٹ کنٹرول چیک پوسٹیں قائم کی جا رہی ہیں۔ افغان طالبان حکومت مہاجرین کی واپسی کو برداشت کرے گی۔ معیشت اب وہ ڈرائیونگ فورس ہے جو بہت متنازعہ معاملات کو بھی غیر متعلق کرنے کی اہلیت رکھتی ہے۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وسی بابا نام رکھا وہ سب کہنے کے لیے جن کے اظہار کی ویسے جرات نہیں تھی۔ سیاست، شدت پسندی اور حالات حاضرہ بارے پڑھتے رہنا اور اس پر کبھی کبھی لکھنا ہی کام ہے۔ ملٹی کلچر ہونے کی وجہ سے سوچ کا سرکٹ مختلف ہے۔ کبھی بات ادھوری رہ جاتی ہے اور کبھی لگتا کہ چپ رہنا بہتر تھا۔
17 اپریل کو عام تعطیل کا اعلان