چیمپئنز ٹرافی سے قبل آسٹریلیا کو بڑا جھٹکا، کپتان سمیت 4 اہم کھلاڑی باہر
اشاعت کی تاریخ: 7th, February 2025 GMT
AHMEDABAD, INDIA – NOVEMBER 19: Glenn Maxwell, Pat Cummins, Steve Smith, David Warner, Mitchell Starc, Josh Hazlewood and Mitch Marsh of Australia pose with the ICC Men’s Cricket World Cup following the ICC Men’s Cricket World Cup India 2023 Final between India and Australia at Narendra Modi Stadium on November 19, 2023 in Ahmedabad, India.
لاہور:پاکستان میں ہونے والی آئی سی سی چیمپئنز ٹرافی 2025ء سے قبل آسٹریلیا کی کرکٹ ٹیم کو مسلسل 4بڑے دھچکے لگے ہیں، جس سے ٹیم کی مشکلات میں اضافہ ہوگیا ہے۔
آسٹریلیا کے آل راؤنڈر مارکس اسٹوئنس نے اچانک ون ڈے کرکٹ سے ریٹائرمنٹ کا اعلان کر دیا، جس کے بعد کرکٹ آسٹریلیا کو ان کے متبادل کھلاڑی کا انتخاب کرنا ہوگا۔ اسٹوئنس کے فیصلے نے آسٹریلوی اسکواڈ کی تیاریوں پر اثر ڈالا ہے۔
آسٹریلیا کے چیف سلیکٹر جارج بیلے نے تصدیق کی ہے کہ ٹیم کے کپتان پیٹ کمنز اور تجربہ کار فاسٹ بولر جوش ہیزل ووڈ بھی چیمپئنز ٹرافی کے اسکواڈ سے باہر ہو گئے ہیں۔ پیٹ کمنز ٹخنے کی انجری میں مبتلا ہیں جبکہ جوش ہیزل ووڈ کولہے کی تکلیف کے باعث مکمل فٹ نہیں ہو سکے۔ دونوں فاسٹ بولرز کو مزید ری ہیب کی ضرورت ہے، جس کے باعث وہ ٹورنامنٹ میں شرکت نہیں کر سکیں گے۔
قبل ازیں آل راؤنڈر مچل مارش بھی فٹنس مسائل کے سبب ٹیم سے باہر ہو چکے تھے، جس سے آسٹریلیا کو ابتدائی اسکواڈ میں چار بڑی تبدیلیاں کرنا پڑیں۔
آسٹریلوی کرکٹ بورڈ کے مطابق سری لنکا کے خلاف جاری ٹیسٹ سیریز کے اختتام پر نئے کھلاڑیوں کے ناموں کا اعلان کیا جائے گا۔ ٹیم انتظامیہ اس وقت مختلف آپشنز پر غور کر رہی ہے تاکہ چیمپئنز ٹرافی کے لیے ایک مضبوط اسکواڈ تشکیل دیا جا سکے۔
ماہرین کے مطابق ان کھلاڑیوں کی عدم موجودگی آسٹریلوی ٹیم کے لیے بڑا دھچکا ہے کیونکہ یہ سب اہم اور تجربہ کار کھلاڑی ہیں۔ چیمپئنز ٹرافی جیسے بڑے ایونٹ سے قبل ان کی عدم دستیابی آسٹریلیا کی کارکردگی پر گہرے اثرات مرتب کر سکتی ہے۔
ذریعہ: Al Qamar Online
کلیدی لفظ: پاکستان کھیل چیمپئنز ٹرافی
پڑھیں:
نوجوان کھلاڑی کم تجربے کی وجہ سے غلطی کر بیٹھتے ہیں، سلمان علی آغا
اسلام آباد یونائیٹڈ کے آل راؤنڈر سلمان علی آغا نے کہا ہے کہ نوجوان کھلاڑی کم تجربے کی وجہ سے غلطی کر بیٹھتے ہیں۔
میڈیا سے گفتگو میں سلمان علی آغا نے کہا کہ ہمارے پاس ایسے کھلاڑی ہیں، جو ماڈرن ڈے کرکٹ کھیل سکتے ہیں۔ اُمید ہے آئندہ ہم ویسی ہی کرکٹ کھیلیں گے، جیسا لوگ دیکھنا چاہتے ہیں۔
اسلام آباد یونائیٹڈ کے آل راؤنڈر نے مزید کہا کہ بیٹرز آپ کو میچ اور بولرز آپ کو ٹورنامنٹ جتواتے ہیں، میری کوشش ہوتی ہے ٹیم کی جیت میں اہم کردار ادا کروں۔
اُن کا کہنا تھا کہ حسن علی اور صاحبزادہ فرحان ٹی ٹوئنٹی میں پاکستان کے کام آسکتے ہیں، کوشش ہوگی کہ اسلام آباد کو چوتھی ٹرافی دلوائیں۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟