منعم ظفر آج گلشن ٹاؤن میں فلاورشو کاافتتاح کریں گے
اشاعت کی تاریخ: 7th, February 2025 GMT
کراچی( اسٹاف رپورٹر ) گلشن اقبال ٹاؤن کے زیر اہتمام محمود غزنوی پارک نزد بیت المکرم مسجد یوسی 8 گلشن اقبال بلاک 16 میں سہ روزہ فلاور اینڈ برڈ شو کا افتتاح آج امیر جماعت اسلامی کراچی منعم ظفر خان کریں گے۔ افتتاحی تقریب جمعہ کی شام چار بجے ہوگی۔ جبکہ فلاور شو جمعہ سے اتوار روزانہ صبح دس بجے سے رات دس بجے تک جاری رہے گا۔ جبکہ ہفتے کی رات مشاعرہ ہوگا جس میں ملک بھر سے نامور شعرا شریک ہوں گے۔ گلشن اقبال ٹاؤن کے چیئرمین ڈاکٹر فواد احمد نے محمود غزنوی کا دورہ کیا اور فلاور اینڈ برڈ شو کی تیاریوں کا جائزہ لیا ڈائریکٹر پارکس راؤ غلام رسول نے انہیں تیاریوں کے بارے میں بریفننگ دی۔ اس موقع پر نائب قیم ضلع شرقی کامران چشتی گلشن اقبال ٹاؤن کے کوآرڈینیٹر طاہر اکبر اور ناصر نقوی بھی موجود تھے۔
.ذریعہ: Jasarat News
کلیدی لفظ: گلشن اقبال
پڑھیں:
کراچی میں ہیٹ ویو، سورج سوا نیزے پر آگیا
محکمہ موسمیات کے مطابق شہر کا موجودہ درجہ حرارت 37 ڈگری سینٹی گریڈ ریکارڈ کیا گیا۔ اسلام ٹائمز۔ محکمہ موسمیات نے کراچی کے موسم کے حوالے سے ایک بُری خبر کا الرٹ جاری کر دیا۔ محکمہ موسمیات نے خبردار کیا ہے کہ کراچی میں آج سے ہیٹ ویو کا آغاز ہو چکا ہے، جس کے باعث شہریوں کو شدید گرمی اور حبس کا سامنا ہے۔ موسم ناصرف گرم بلکہ مرطوب بھی ہے اور شہریوں کو احتیاطی تدابیر اختیار کرنے کی ہدایت کر دی گئی۔ محکمہ موسمیات کے مطابق شہر کا موجودہ درجہ حرارت 37 ڈگری سینٹی گریڈ ریکارڈ کیا گیا۔ واضح رہے کہ محکمہ موسمیات پہلے ہی کراچی میں ہیٹ ویو کا الرٹ جاری کر چکا ہے، اور عوام سے اپیل کی گئی ہے کہ وہ بلا ضرورت گھروں سے باہر نہ نکلیں، دھوپ میں سفر سے گریز کریں، پانی کا زیادہ استعمال کریں اور گرمی سے بچاؤ کی دیگر تدابیر اختیار کریں۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں