بزنس کمیونٹی کی سہولت کیلئے غیر ضروری رکاوٹوں کو دور کرینگے ، یوسف رضا گیلانی
اشاعت کی تاریخ: 6th, February 2025 GMT
بزنس کمیونٹی کی سہولت کیلئے غیر ضروری رکاوٹوں کو دور کرینگے ، یوسف رضا گیلانی WhatsAppFacebookTwitter 0 6 February, 2025 سب نیوز
اسلام آباد (سب نیوز)اسلام آباد کی خوبصورتی کو چار چاند لگانے والے پاکستان کے پہلے سکس سٹار ہوٹل موو این پک سینٹورس کے 21 ویں فلور پر پاکستانی اور چائینیز ریسٹورنٹ کی افتتاحی تقریب میں قائم مقام صدر مملکت یوسف رضا گیلانی نے بطور مہمان خصوصی شرکت کی ،سی ای او سینٹورس سردار یاسر الیاس خان اور صدر سینٹورس گروپ ڈاکٹر راشد الیاس خان نے قائم مقام صدر کا استقبال کیا
پر وقار تقریب میں ملک کی ممتاز کاروباری شخصیات سمیت اعلی حکومتی شخصیات نے بھی شرکت کی ۔تقریب سے خطاب کرتے ہوئے قائم مقام صدر یوسف رضا گیلانی نے ملک میں سیاحت کے فروغ کے لیے سینٹورس گروپ کی کاوشوں کو سراہا ، ان کا کہنا تھا کہ موو این پلک سینٹورس کو سٹیٹ آف دی آرٹ سہولیات عوام کو فراہم کرنے پر مبارکباد پیش کرتا ہوں،اپنے خطاب میں انہوں نے اس عظم کا اعادہ کیا کہ سیاحت کا شعبہ ایک مکمل انڈسٹری ہے ، میں نے ہی 1989 بطور وزیر سیاحت اس کو انڈسٹری کا درجہ دیا اب بھی تمام سٹیک ہولڈرز کی مدد سے ملک میں سیاحت کے فروغ کے لیے کام کریں گے اور کاروباری برادری کی مشکلات کو ختم کریں گے۔
اس موقع پر اپنے خیالات کا اظہار کرتے ہوئے سی ای او سینٹورس سردار یاسر الیاس خان نے قائم مقام صدر یوسف رضا گیلانی کا خاص طور پر شکریہ ادا کیا ، ان کا کہنا تھا کہ یوسف رضا گیلانی وہ شخص ہیں جنہوں نے ہمیشہ بزنس کمیونٹی کی سپورٹ کی ملتان ایئرپورٹ ہو ، ملتان میں کاروباری سرگرمیوں کو فروغ دینا ہو اس میں صدر مملکت کا بہت اہم کردار ہے، ان کا مزید کہنا تھا کہ یہاں آج ملک بھر سے کاروباری شخصیات موجود ہیں انہی کاروباری شخصیات نے ملک کی تقدیر بدلنی ہے ،موو این پک سینٹورس پاکستان کا پہلا سکس سٹار ہوٹل ہے ،اس کا کریڈٹ سردار الیاس خان کو جاتا ہے،ہم اس کے بعد سینٹورس کی ایکسٹینشن کا منصوبہ شروع کریں گے ،ہم اوورسیز پاکستانیوں کی سرمایہ کاری کو یہاں لے کر آئیں گے،
صدر سینٹورس گروپ ڈاکٹر راشد الیاس کا کہنا تھا کہ نیت اچھی ہو اور ملک کی خدمت کا جذبہ ہو تو کوئی بھی چیز ناممکن نہیں سینٹورس بناتے وقت بھی اور اب بھی ہمیں کہا گیا کہ یہ منصوبہ مکمل کرنا ممکن نہیں ہوگا ، اللہ کے فضل سے ہم نے دونوں منصوبے مکمل کیے ، پاکستان کو اللہ تعالی نے ہر نعمت سے نوازا ہے مقامی اور بین ملک مقیم پاکستانیوں کی سرمایہ کاری کی مدد سے ملک کی تقدیر بدلیں گے۔
.ذریعہ: Daily Sub News
کلیدی لفظ: یوسف رضا گیلانی کہنا تھا کہ الیاس خان ملک کی
پڑھیں:
اوورسیز کا زمینوں کے تحفظ، خصوصی عدالتوں اور سرمایہ کاری سہولت مرکز کے قیام کا مطالبہ
اسلام آباد: پاکستان بزنس فورم فرانس کے سرپرست اعلیٰ محمد ابراہیم ڈار نے کہا ہے کہ اسلام آباد میں منعقدہ اوورسیز کنونشن ایک خوش آئند آغاز ہے، جو بیرونِ ملک مقیم پاکستانیوں کو پاکستان میں سرمایہ کاری اور تحفظ فراہم کرنے کی طرف ایک اہم قدم ہے۔ انہوں نے مطالبہ کیا کہ اوورسیز پاکستانیوں کی زمینوں پر قبضے کے واقعات کا فوری نوٹس لیتے ہوئے واگزار کرانے کے لیے چاروں صوبوں، آزاد جموں و کشمیر اور گلگت بلتستان میں خصوصی عدالتیں قائم کی جائیں، جبکہ سرمایہ کاروں کے لیے تمام متعلقہ اداروں پر مشتمل ’ون ونڈو آپریشن‘ کا قیام بھی فوری عمل میں لایا جائے۔
وہ وزارتِ اوورسیز پاکستانیز کے فوکل پرسن اور پاکستان مسلم لیگ (ق) کے سیکرٹری اطلاعات و نشریات غلام مصطفیٰ ملک کی جانب سے دیئے گئے ظہرانے سے خطاب کر رہے تھے، جس میں پاک فیڈریشن اسپین کے سیکرٹری جنرل ایاز عباسی، یو اے ای کے ممتاز بزنس مین سہیل ممتاز، اور اسلام آباد کے سینئر صحافیوں کی بڑی تعداد شریک تھی۔
وزارت اووسیز پاکستانیز کے فوکل پرسن و سیکرٹری اطلاعات پاکستان مسلم لیگ ق ،غلام مصطفیٰ ملک نے تقریب کے شرکاء کو خوش آمدید کہتے ہوئے کہا کہ اوورسیز پاکستانیوں کی بھرپور شرکت سے تین روزہ کنونشن کامیابی سے ہمکنار ہوا۔ انہوں نے کہا کہ بیرونِ ملک مقیم پاکستانی ہماری معیشت میں ریڑھ کی ہڈی کی حیثیت رکھتے ہیں اور ان کے لیے سرمایہ کاری کے سازگار مواقع فراہم کرنا حکومت کی اولین ترجیح ہے۔
محمد ابراہیم ڈار نے کہا کہ بیرون ملک پاکستانی تمام تر رکاوٹوں کے باوجود پاکستان میں سرمایہ کاری کو ترجیح دیتے ہیں، لیکن مستقل مسائل اور رکاوٹیں آئندہ نسلوں کے رجحان کو متاثر کر سکتی ہیں، جن پر حکومت اور اداروں کو فوری توجہ دینا ہوگی۔
تقریب سے خطاب کرتے ہوئے پاک فیڈریشن اسپین کے سیکرٹری جنرل ایاز عباسی نے کہا کہ حکومت کی یہ کوشش قابلِ تحسین ہے کہ اوورسیز پاکستانیوں کو ملک میں سرمایہ کاری کے مواقع دیے جا رہے ہیں۔ انہوں نے امید ظاہر کی کہ آئندہ سال اوورسیز کنوینشن مزید بہتر اور مؤثر ہوگا۔ ان کا کہنا تھا کہ ہمیں پاکستانی ہونے پر فخر ہے اور ہماری خواہش ہے کہ ہم پاکستان میں سرمایہ کاری کر کے ملک کی ترقی میں اپنا کردار ادا کریں۔
یو اے ای کے ممتاز بزنس مین سہیل خاور ممتاز نے کہا کہ یہ کنونشن حکومت، فوج اور اسٹیبلشمنٹ کی جانب سے ایک مضبوط پیغام تھا کہ پاکستان سرمایہ کاری کے لیے ایک بہترین ملک ہے۔
تقریب کے دوران معزز مہمان محمد ابراہیم ڈار کو خوش آمدید کہنے کے لیے ظفر اقبال قاضی اور جاوید شہزاد(مرحوم) کی نمائندگی کرتے ہوئے خرم شہزاد نے انہیں گلدستہ پیش کیا۔
تقریب کے اختتام پروزارت اووسیز پاکستانیز کے فوکل پرسن و مسلم لیگ ق کے سیکرٹری اطلاعات و نشریات غلام مصطفی ملک کی سالگرہ کا کیک کاٹا گیا ،شرکاء نے ان کو مبارکباد دی اور نیک خواہشات کا اظہار کیا ۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی