جی ایچ کیو حملہ کیس: پولیس نے 34 ہزار صفحات پر مشتمل 118 سیٹ عدالت میں جمع کروادیے
اشاعت کی تاریخ: 6th, February 2025 GMT
اڈیالہ جیل میں 9 مئی اور جی ایچ کیو حملہ کیس کی سماعت کے دوران پولیس نے 34 ہزار صفحات پر مشتمل 118 سیٹ عدالت میں جمع کروا دیے۔
کیس کی سماعت انسداد دہشت گردی عدالت راولپنڈی کے جج امجد علی شاہ نے کی، پولیس کی جانب سے اضافی دستاویزات کی کاپیوں کے 118سیٹ عدالت میں جمع کروائے گئے۔
9 مئی کے جی ایچ کیو حملہ کیس میں وزیر اعلیٰ خیبر.
پراسیکیوٹر سید ظہیر شاہ نے اضافی نقول عدالت میں جمع کروائیں، اضافی نقول کا فی سیٹ برائے ایک ملزم 284 صفحات پر مشتمل ہے۔
پولیس نے کل 34 ہزار صفحات پر مشتمل 118 سیٹ عدالت میں جمع کرائے، اضافی نقول ایف آئی اے، پی آئی ڈی، پیمرا اور انٹرنل سیکیورٹی ونگ کی رپورٹس پر مشتمل ہیں۔
کیس کی سماعت کے دوران بانی پی ٹی آئی اور شاہ محمود قریشی کو بھی کمرہ عدالت میں پیش کیا گیا۔
اے ٹی سی جج امجد علی شاہ نے کمرہ عدالت میں فرد جرم پڑھ کر سنائی۔
جی ایچ کیو حملہ کیس میں ایک اور گواہ سب انسپکٹر احمد یار کو عدالت میں پیش کیا گیا، بجلی بندش کی وجہ سے گواہ کا مکمل بیان ریکارڈ نہیں ہو سکا۔
عدالت نے کیس کی سماعت 12فروری تک ملتوی کردی۔
ذریعہ: Jang News
کلیدی لفظ: جی ایچ کیو حملہ کیس سیٹ عدالت میں جمع صفحات پر مشتمل کیس کی سماعت
پڑھیں:
چیف جسٹس ایس سی او جوڈیشنل کانفرنس کیلیے آج چین جائیں گے
اسلام آباد:چیف جسٹس پاکستان یحییٰ آفریدی چائنہ میں شنگھائی تعاون تنظیم ( ایس سی او) جوڈیشل کانفرنس میں شرکت کے لیے آج روانہ ہونگے۔
کانفرنس 22 سے 26 اپریل تک چین کے شہر ہانگڑو میں منعقد ہوگی ،وفد میں جسٹس امین الدین، جسٹس شاہد وحید، سیشن جج گوادر ظفر جان، سینئر سول جج ضلع لکی مروت نادیہ گل بھی شامل ہونگے۔
چیف جسٹس پاکستان چین کی سپریم پیپلز کورٹ کے ساتھ تاریخی مفاہمتی یادداشت پر دستخط کریں گے جسکا مقصد بین الاقوامی تجارتی قانون، ثالثی، سائبر کرائم، مالیاتی جرائم، موسمیاتی تبدیلی سے متعلق قانونی چارہ جوئی اور عدالتی ٹیکنالوجی کے انضمام سمیت اہم شعبوں میں عدالتی تعاون کا فروغ ہے۔
مزید پڑھیں: ججز کے تبادلے چیف جسٹس کی مشاورت سے ہوئے، رجسٹرار سپریم کورٹ کا جواب
جسٹس شاہد وحید مصنوعی ذہانت کا عدالتی اطلاق کے عنوان سے کلیدی خطاب کریں گے۔ چیف جسٹس کی ایران اور ترکی کے چیف جسٹسز کیساتھ دو طرفہ ملاقاتیں بھی شیڈول ہیں۔چیف جسٹس پاکستان خصوصی دعوت پر ترکی کا بھی دورہ کرینگے۔
چیف جسٹس ترکیۃ کی آئینی عدالت کی 63 ویں سالگرہ کی تقریبات میں شرکت کریں گے جبکہ کل سپریم کورٹ کے سینئر جج جسٹس منصور علی شاہ قائم مقام چیف جسٹس کا حلف اٹھائیں گے ۔جسٹس منیب اختر اُن سے حلف لیں گے۔
سینئر وکلاء اور ججز حلف برداری کی تقریب میں شرکت کریں گے۔ آئندہ عدالتی ہفتے کیلئے سپریم کورٹ کے کیسز کی کاز لسٹ جاری کردی گئی ہے ۔جسٹس محمد علی مظہر کی سربراہی میں پانچ رکنی آئینی بنچ 22 اپریل کو ججز سنیارٹی کیس کی سماعت کرے گا۔
مزید پڑھیں: 9 مئی مقدمات میں ملزمان کے حقوق کا تحفظ کیا جائے گا، چیف جسٹس
جسٹس عامر فاروق اور جسٹس علی باقر نجفی پر مشتمل دو رکنی بنچ لاہور میں کیسز سنے گا۔21 اپریل کو جسٹس منصور علی شاہ اور جسٹس شاہد بلال حسن پر مشتمل بنچ کیسز کی سماعت کرے گا۔22 اپریل کو جسٹس منصور علی شاہ کی سربراہی میں جسٹس محمد علی مظہر اور جسٹس شاہد بلال حسن پر مشتمل بنچ کیسز کی سماعت کرے گا۔
جسٹس منیب اختر کی سربراہی میں تین رکنی بنچ تشکیل دیا گیا ہے ۔تیسرا بنچ جسٹس جمال مندوخیل اور جسٹس میاں گل حسن اورنگزیب، چوتھا تین رکنی بنچ جسٹس اطہر من اللہ کی سربراہی میں تشکیل دیا گیا ۔پانچواں بنچ جسٹس مسرت ہلالی اور جسٹس شکیل احمد ، چھٹا بنچ جسٹس نعیم اختر افغان اور جسٹس شفیع صدیقی، ساتواں بنچ جسٹس سردار طارق مسعود اور جسٹس مظہر عالم میاں خیل پر مشتمل تشکیل دیا گیا۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ