سانپ سے منسوب سال میں چین کی معیشت کا شاندار آغاز
اشاعت کی تاریخ: 6th, February 2025 GMT
بیجنگ :رواں سال جشن بہار کی تعطیلات کے دوران چین میں کھپت کا زبردست رجحان نظر آیا ہے ۔ چین کے داخلی ٹرپس 501 ملین اور مجموعی سفری اخراجات 677.002 بلین یوآن رہے ، جو بالترتیب 5.9 فیصد اور 7.0 فیصد کا سال بہ سال اضافہ ہے۔
ملک میں داخل ہونے اور باہر جانے والے ٹرپس میں سال بہ سال 6.3 فیصد اضافہ ہوا۔ باکس آفس آمدنی اور فلم بینوں کی تعداد نے بھی ریکارڈز قائم کئے ۔یوں یہ دیکھا جا سکتا ہے کہ اسپرنگ فیسٹیول کی کنزیومر مارکیٹ نے سانپ سے منسوب سال میں چین کی معیشت کے لئے ایک اچھا آغاز کیا ہے۔چینی معیشت کی ترقی سے دنیا بھی مستفید ہو رہی ہے۔ دنیا کی آبادی کے پانچویں حصے نے کسی نہ کسی شکل میں ان تعطیلات کا جشن منایا ہے۔ چینی سوشل میڈیا پر ، غیر ملکیوں نے جشن بہار کے اشعار لکھنا سیکھے ہیں ، ڈمپلنگ بنائے ہیں اور اسپرنگ فیسٹیول گالا کا انتظار کیا۔
چین کی جانب سے محصولات میں کمی کا سلسلہ جاری رہنے کے باعث نیوزی لینڈ کا پھل کیوی ، چلی کی چیری، آسٹریلوی لابسٹرز اور مختلف ممالک کی اشیا ء نئےچینی سال کے “گفٹ باکس ” میں شامل رہیں ۔ ویزے کی سہولت جیسی پالیسیوں کی وجہ سے سرحد پار سفر میں عالمی سطح پر تیزی آئی ہے۔ تھرڈ پارٹی پلیٹ فارمز کے اعداد و شمار کے مطابق رواں سال اسپرنگ فیسٹیول کے لیے چین آنے والے غیر ملکی سیاحوں کی تعداد میں 2024 کے مقابلے میں 150 فیصد اضافہ ہوا ہے۔ اس کے ساتھ ہی چینی سیاحوں نے دنیا بھر کے 2100 سے زائد شہروں کا سفر کیا ۔ امریکی ویب سائٹ “ٹریول اینڈ ٹورازم ورلڈ” کے مطابق اسپرنگ فیسٹیول کی مضبوط سیاحتی کھپت نے 2025 میں چین کی معیشت کے لیے ٹھوس بنیاد رکھی ہے اور چینی مارکیٹ کی خوشحالی اس سال عالمی سیاحت کے فروغ کا تاریخی آغاز ہوگی۔جشن بہار کی اس کھڑکی کے ذریعے، دنیا نے ایک زیادہ کھلا چین دیکھا ہے اور چینی معیشت کی توانائی کا مشاہدہ کیا ہے ۔ نئے سال میں چین معاشی بحالی کو فروغ دینےاور دنیا کو فائدہ پہنچانے کا سلسلہ جاری رکھے گا۔
.ذریعہ: Daily Mumtaz
پڑھیں:
وزیراعظم کی 60ممالک کو معدنیات کے شعبے میں سرمایہ کاری کی دعوت
کان کنی اور معدنیات کے شعبوں میں مشترکہ منصوبے شروع کرنے کا بہترین موقع ہے
غیرملکی سرمایہ کاروں کو کاروبار دوست ماحول اور تمام سہولتیں فراہم کریں گے ، شہباز شریف
وزیراعظم شہباز شریف نے 60 ممالک کو معدنیات کے شعبے میں سرمایہ کاری کی دعوت دے دی۔وزیراعظم شہباز شریف نے لاہور میں ہیلتھ انجینئرنگ اینڈ منرلز شو کی تقریب سے خطاب کرتے ہوئے کہا ہے کہ غیرملکی سرمایہ کاروں کو کاروبار دوست ماحول اور تمام سہولتیں فراہم کریں گے ، کان کنی اور معدنیات کے شعبوں میں مشترکہ منصوبے شروع کرنے کا بہترین موقع ہے ۔انہوں نے کہا ہے کہ پاکستان ترقی اور خوشحالی کے راستے پر گامزن ہے ، پاکستان معاشی طور پر مستحکم ہو رہا ہے ، چین، افریقہ، یورپ اور امریکا سے دوستانہ اور کاروباری تعلقات ہیں، پاکستان میں انفارمیشن ٹیکنالوجی اور اے آئی میں بے پناہ ٹیلنٹ موجود ہے ۔تقریب سے خطاب کرتے ہوئے وزیراعظم نے کہا ہے کہ پاکستان میں مہنگائی 38 فیصد سے کم ہو کر سنگل ڈیجٹ میں آگئی ہے ، پالیسی ریٹ ساڑھے 22 فیصد سے کم ہو کر 12 فیصد پر آگیا ہے ۔شہباز شریف نے کہا ہے کہ شاندار ایونٹ میں آکر خوشی ہوئی، چین، افریقا، یورپ، امریکا اور دیگر ملکوں کے نمائندگان کو دیکھ کر خوشی ہوئی، ہمارے ان ملکوں کے ساتھ شاندار دوستانہ اور کاروباری تعلقات ہیں۔وزیرِ اعظم نے کہا کہ وزیر تجارت سمیت متعلقہ محکموں کو شاندار ایونٹ پر مبارکباد دیتا ہوں، معاشی طور پر مستحکم پاکستان ترقی و خوشحالی کے راستے پر گامزن ہے ۔ان کا کہنا ہے کہ پاکستان میں انجینئرنگ، زراعت اور معدنیات میں بڑا پوٹینشل ہے ، پاکستان میں آئی ٹی اور مصنوعی ذہانت کے میدان میں بے پناہ ٹیلنٹ ہے ، نوجوان خود کو جدید تکنیک اور پیشہ ورانہ تربیت سے آراستہ کر رہے ہیں۔انہوں نے مزید کہا کہ وزیرِ اعلیٰ پنجاب مریم نواز اور وزیرِ اعلیٰ سندھ مراد علی شاہ بہت اچھا کام کر رہے ہیں، بلوچستان اور خیبرپختونخوا سمیت اللہ نے پاکستان کو قدرتی وسائل سے نوازا ہے ۔شہباز شریف کا یہ بھی کہنا ہے کہ نمائش میں زرعی مشینری، قیمتی پتھر، ادویات اور دیگرشاندار اسٹالز ہیں، ہمیں جدت، تحقیق اور ترقی کی طرف جانا ہے ۔
دہشت گردوں کی 10 نسلیں بھی بلوچستان اور پاکستان کا کچھ نہیں بگاڑ سکتیں، آرمی چیف